តុលាការ​កោះ​ហៅ​សមាជិក​ព្រឹទ្ធ​សភា​បក្ស​ប្រឆាំងជា​ថ្មី

អ្នកនាំពាក្យសាលាដំបូងរាជធានីភ្នំពេញបានថ្លែងនៅថ្ងៃពុធនេះថា តុលាការរាជធានីភ្នំពេញបានចេញដីកាកោះហៅសមាជិកព្រឹទ្ធសភាគណបក្សប្រឆាំង លោកស្រី ថាក់ ឡានី ជាថ្មីនៅសប្ដាហ៍ក្រោយ បន្ទាប់ពីលោកស្រីពុំបានចូលខ្លួនទៅបំភ្លឺតាមការកោះហៅលើកទី១។

លោកស្រី ថាក់ ឡានី សមាជិកព្រឹទ្ធសភាគណបក្ស សម រង្ស៊ី ត្រូវបានស្ថាប័នអយ្យការកោះហៅឲ្យចូលបំភ្លឺនៅរសៀលថ្ងៃទី៨ ខែសីហា ប៉ុន្តែលោកស្រីពុំបានចូលបំភ្លឺនោះឡើយ។

អ្នកនាំពាក្យសាលាដំបូងរាជធានីភ្នំពេញ លោក លី សុផាណា បានថ្លែងប្រាប់អ្នកសារព័ត៌មានតាមប្រព័ន្ធ Telegram នៅថ្ងៃពុធនេះថា តំណាងអយ្យការអមសាលាដំបូងរាជធានីភ្នំពេញបានបញ្ជូនដីកាកោះលើកទី២ទៅលោកស្រី ថាក់ ឡានី នៅថ្ងៃនេះ ហើយមេធាវីតំណាងលោកស្រីបានទទួលដីកានោះរួចហើយ។

សមាជិកព្រឹទ្ធសភាបក្សប្រឆាំងរូបនេះត្រូវបានលោកនាយករដ្ឋមន្ត្រី ហ៊ុន សែន ប្ដឹងកាលពីថ្ងៃទី១ ខែសីហា ជុំវិញការចោទប្រកាន់ថា លោកនាយករដ្ឋមន្ត្រី ហ៊ុន សែន ស្ថិតនៅពីក្រោយឃាតកម្មលើលោក កែម ឡី។ ប៉ុន្តែ លោកស្រីបានបដិសេធថា លោកស្រីមិនបានចោទប្រកាន់ដូច្នេះនោះឡើយ។

ក្នុងបណ្ដឹងនោះ លោកនាយករដ្ឋមន្ត្រី ហ៊ុន សែន បានទាមទារសំណងជំងឺចិត្តនូវទឹកប្រាក់១០០រៀលប៉ុណ្ណោះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ