លោក ហ៊ុន សែន បន្ត​យុទ្ធនាការ​ជួប​ជុំ​ជាមួយ​ក្រុម​កម្មករ​កម្មការិនី

រូបភាពពី ហ្វេសប៊ុក លោកនាយករដ្ឋមន្រ្តី ហ៊ុន សែន

លោក​នាយករដ្ឋមន្រ្តី ហ៊ុន សែន បានបន្តយុទ្ធនាការរបស់លោក ជួបសំណេះសំណាលជាមួយក្រុម​កម្មករ​រោងចក្រ​ ដែលលោកថា ដើម្បី​ស្វែងយល់ពីសុខទុក្ខរបស់ពួកគេ។

ទំព័រ​ហ្វេសប៊ុក​ផ្លូវការរបស់​លោក ហ៊ុន សែន ​នៅព្រឹកថ្ងៃទី១០ ខែកញ្ញានេះ បាន​រៀបរាប់​ថា លោក ​ហ៊ុន សែន កំពុង​សំណេះ​សំណាល​ជាមួយ​តំណាង​កម្មករ ប្រធាន​រដ្ឋបាល​ ប្រធាន​ផ្នែក និង​មេ​ក្រុម​មក​ពី​បណ្ដា​រោង​ចក្រ​នានា មាន​ចំនួន​ ៤៤៥២​នាក់ នៅ​ឯ​មជ្ឈ​មណ្ឌល​កោះពេជ្រ។

ទំព័រ​ហ្វេសប៊ុក​ដដែល បាន​រៀបរាប់​បន្ត​ថា នេះ​គឺ​ជា​ការ​ជួប​ជុំ​ជាមួយ​ក្រុម​កម្មករ​​លើក​ទី​៧​របស់​លោក ហ៊ុន សែន នៅ​ក្នុង​រយៈ​ពេល​ត្រឹម​តែ ៣​សប្ដាហ៍​កន្លង​មក​នេះ។

លោក ហ៊ុន សែន បាន​កំណត់​ជួប​សំណេះ​សំណាល​ជាមួយ​ក្រុម​កម្មករ​កម្មការិនី​រោង​ចក្រ​នៅ​រៀង​រាល់​ថ្ងៃ​អាទិត្យ និង​ចុះ​សួរ​សុខ​ទុក្ខ​ក្រុម​កម្មករ​កម្មការិនី​ផ្ទាល់​នៅ​រៀង​រាល់​ថ្ងៃ​ពុធ។

លោក​ ហ៊ុន សែន បាន​អះ​អាង​កាល​ពី​ខែ​សីហា​ឆ្នាំ​មុន​ថា យុទ្ធនាការ​ចុះ​ជួប​ប្រជា​ពលរដ្ឋ​ទូទៅ មន្ត្រី​រាជការ និង​កង​កម្លាំង​ប្រដាប់​អាវុធ នៅ​ទូទាំង​ប្រទេស ត្រូវ​បាន​ធ្វើ​ឡើង​ដើម្បី​ស្វែង​រក​ការ​គាំ​ទ្រ​ពី​មហាជន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ