នគរបាលជាតិកម្ពុជា បានឲ្យដឹងថា មនុស្សយ៉ាងតិច ១០នាក់ បានស្លាប់ ហើយ២០នាក់ទៀត បានរងរបួស នៅក្នុងគ្រោះថ្នាក់ចរាចរណ៍នៅទូទាំងប្រទេសកម្ពុជា កាលពីថ្ងៃម្សិលមិញនេះ។
តួលេខគ្រោះថ្នាក់ចរាចរណ៍ដែលត្រូវបានផ្សព្វផ្សាយនៅលើវេបសាយអគ្គស្នងការនគរបាលជាតិកម្ពុជា បានបង្ហាញថា កាលពីថ្ងៃម្សិលមិញនេះ គ្រោះថ្នាក់ចរាចរណ៍សរុប ១៧លើក បានកើតឡើងនៅទូទាំងប្រទេស ដោយបានសម្លាប់មនុស្ស ១០នាក់ ខណៈមនុស្ស ១៣នាក់រងរបួសធ្ងន់ និង ៧នាក់ទៀតរងរបួសស្រាល។
នគរបាលជាតិកម្ពុជា បានឲ្យដឹងបន្ថែមថា ក្នុងរយៈពេល ១០ថ្ងៃដំបូងនៃដើមខែកុម្ភៈនេះ មនុស្សដល់ទៅ ៤៤នាក់ បានស្លាប់ ហើយ ១១៧នាក់ទៀត បានរងរបួស នៅក្នុងគ្រោះថ្នាក់ចរាចរណ៍សរុប ៥៧ករណី នៅទូទាំងប្រទេស៕