វៀតណាមរៀបចំ​រ៉ុកែតនៅ​កន្លែងមានជម្លោះក្នុង​សមុទ្រចិនខាងត្បូង​

(រូបភាពពី Reuters)

វៀតណាមបានរៀបចំកំផែងជាច្រើនកន្លែងនៅលើកោះស្ថិតនៅក្នុងសមុទ្រចិនខាងត្បូង ដោយបំពាក់រ៉ុកែតចល័ត ត្រៀមទប់ទល់ជាមួយចិន ខណៈស្ថានការណ៍នយោបាយកំពុងតែមានភាពតានតឹងខ្លាំង។

មន្ត្រីការទូតនិងមន្ត្រីយោធាវៀតណាមបានប្រាប់សារព័ត៌មានរ៉យទ័រថា ទីក្រុងហាណូយបានត្រៀមលក្ខណៈនៅកោះចំនួន៥ ស្ថិតក្នុងប្រជុំកោះស្រ្ពាតលីជាច្រើនខែមកហើយ។ ពួកគេបញ្ជាក់ថា ការរៀបចល័តរ៉ុកែតនេះធ្វើឡើងពេលមានភាពតានតឹងខ្លាំងជាមួយទីក្រុងប៉េកាំង។

មន្ត្រីការទូតនិងមន្ត្រីយោធាវៀតណាមចំនួន៣នាក់ដែលមិនបង្ហាញឈ្មោះ បានប្រាប់រ៉យទ័រទៀតថា ការរៀបចំរ៉ុតកែតនេះលាក់មិនឲ្យឃើញពីឈ្លបយកការណ៍ថតពីអាកាសទេ។

ទោះយ៉ាងរដ្ឋមន្ត្រីការបរទេសវៀតណាមបានថ្លែងថា ព័ត៌មានដែលថាមានការចល័តរ៉ុកែតត្រៀមទប់ទល់ជាមួយចិននោះមិនពិតទេ។

ឧបនាយករដ្ឋមន្ត្រីទទួលបន្ទុកការពារជាតិ លោក ង្វ្រៀន ជីមិញ ថ្លែងកាលពីខែមិថុនាថាទីក្រុងហាណូយមិនបានរៀបចំអាវុធត្រៀមប្រយុទ្ធនៅប្រជុំកោះស្រ្តាតលីទេ តែថាខ្លួនរក្សាសិទ្ធិក្នុងការចាត់វិធានការបើសិនជាមានការឈ្លានពានណាមួយកើតឡើង៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ