វៀតណាមស្នើជាថ្មីឲ្យកម្ពុជាការពារពលរដ្ឋរបស់ខ្លួន

ដោយ លោក ពៅ មេត្តា​​ | ថ្ងៃពុធ ទី១១ ខែតុលា ឆ្នាំ២០១៧​ ម៉ោង 9:40 AM | សន្ដិសុខ | 0 | 12400 អ្នកនាំពាក្យក្រសួងការបរទេសវៀតណាម ​លោកស្រី Le Thi Thu Hang (រូបភាពពី Reuters)

វៀតណាម​បានអំពាវនាវជាថ្មីទៀត​កាលពីថ្ងៃអង្គារម្សិលមិញឲ្យកម្ពុជាយកចិត្តទុកដាក់ ធានាភាពស្របច្បាប់របស់ពលរដ្ឋវៀតណាមក្នុងការស់នៅ ស្របពេលដែលរដ្ឋាភិបាលកម្ពុជាបានប្រកាសថា ជនអន្តោប្រវេសន៍ខុសច្បាប់ជាង៧០ ០០០នាក់ ភាគច្រើនជាជនជាតិវៀតណាម​ ប្រើប្រាស់ឯកសារស្នាក់នៅមិនត្រឹមត្រូវ​។​

អ្នកនាំពាក្យក្រសួងការបរទេសវៀតណាម ​លោកស្រី Le Thi Thu Hang ថ្លែងនៅក្នុងសេចក្តីថ្លែងការណ៍កាលពីម្សិលមិញញថា វៀតណាម​សង្ឃឹមលើកម្ពុជា ក្នុងការពារសិទ្ធិស្របច្បាប់របស់ពលរដ្ឋវៀតណាមនៅក្នុងប្រទេស។​ លោកស្រីបន្តថា កាលណាពលរដ្ឋវៀតណាម​ទទួលបានភាពស្របច្បាប់ក្នុងការរស់នៅហើយ នឹងអាចជួយជំរុញក្នុងការអភិវឌ្ឍសេដ្ឋកិច្ចបន្តទៀត។ នេះបើយោងតាមទីភ្នាក់ងារសារព័ត៌មានរ៉យទ័រ។​

កាលពីសប្តាហ៍​មុន​អាជ្ញាធរអន្តោប្រវេសន៍កម្ពុជាប្រកាសពីការដកហូតឯកសារខុសប្រក្រតីរបស់ជនអន្តោប្រវេសន៍កំពុងរស់នៅកម្ពុជាជាង ៧០ ០០០នាក់ ក្នុងនោះភាគច្រើនជាជនជាតិវៀតណាម៕

សរសេរមកកាន់ លោក ពៅ មេត្តា តាមរយៈ minpov@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required