អន្តរជាតិ

ឆេះរោងចក្រនៅឥណ្ឌាស្លាប់មនុស្សអស់១៣នាក់

ដោយ វីអូឌី
| ១១ វិច្ឆិកា ២០១៦
ម៉ោង ១៦:៣០

នគរបាលឥណ្ឌបានរាយការណ៍ថា កម្មករធ្វើការនៅក្នុងរោងចក្រ ដែលគេចោទថា ជារោងចក្រខុសច្បាប់នៅជាយរាជធានីនោះ បានស្លាប់អស់១៣នាក់ដោយសារភ្លើងចេះនៅព្រឹកថ្ងៃសុក្រនេះ។

ភ្លើងឆេះចាប់ផ្តើមឆេះ រាប់ម៉ោងនៅព្រឹកប្រលឹមម៉ោង៤នៅជាន់ផ្ទាល់ដី នៅតំបន់ដែលមានអាគារចង្រ្អៀត ជាកន្លែងដែលគេផលិតអាវស្បែកក្លែងក្លាយនៅប៉ែកខាងកើតនៃទីក្រុងញូដេលី។នេះបើតាមទីភ្នាក់ងារសារព័ត៌មានAFP។

អ្នកជិតខាងដែលបានមើលឃើញហេតុការណ៍ភ្លើងឆេះនេះ បានបញ្ជាក់ថា ភ្លើងចាប់ផ្តើមឆេះពីជាន់ក្រោមហើយរាលដាលយ៉ាងឆាប់រហ័យ ដល់ជាន់ទី១ជាកន្លែងដែលមានកម្មករជាច្រើនដេកនៅទីនោះ។

នគរបាលបានបញ្ជាក់ថា មនុស្ស១៣នាក់បានស្លាប់ ដោយសារភ្លើងឆេះ ហើយកម្មករ២ទៅ៣នាក់ទៀត រងរបួសកំពុងព្យាបាលនៅមន្ទីរពេទ្យ។ នគរបាលអះអាងថា ភ្លើងឆេះនេះ បណ្តាលមកពីភ្លើងបារីដែលកម្មករជក់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។