សភាជប៉ុនអនុម័ត TPP ទោះ ត្រាំ មិនគាំទ្រ

សភាជាន់ទាបរបស់ជប៉ុនកាលពីថ្ងៃព្រហស្បតិ៍ម្សិលមិញ បានបោះឆ្នោតអនុម័តលើកិច្ចព្រមព្រៀង សេដ្ឋកិច្ចអន្តរប៉ាស៊ីភិចនៃភាពជាដៃគូ (TPP) ជាគោលការណ៍ក្នុងការធ្វើទំនាក់ទំនងសេដ្ឋកិច្ចដោយសេរីជាមួយដៃគូ ខណៈ ប្រធានាធិបតីថ្មីអាមេរិកដែលទើបជាប់ឆ្នោតលោក ត្រាំ ជំទាស់។

ប្រធានាធិបតីជិតផុតអាណត្តិ លោក បារ៉ាក់ អូបាម៉ា បានគាំទ្រចំពោះការផ្តួចផ្តើមធ្វើកិច្ចព្រមព្រៀងធ្វើទំនាក់ទំនងសេដ្ឋកិច្ចជាមួយប្រទេសចំនួន១២ ហៅថា កិច្ចព្រមព្រៀងTPP ដើម្បីទប់ស្កាត់ឥទ្ធិពលរបស់ចិន។

ប៉ុន្តែលោក ត្រាំ ទើបជាប់ឆ្នោតបានប្រកាសប្រឆាំងយ៉ាងខ្លាំងចំពោះកិច្ចព្រមព្រៀងនេះថា ជាការបោះស្រមោលទៅមុខធំជាងខ្លួន។

ក្រៅពីជប៉ុន និងអាមេរិក TPP មានរួមបញ្ជូល១០ប្រទេសផ្សេងៗទៀតរួមមាន អូស្ត្រាលី ប្រុយណេ កាណាដា ឈីលី ម៉ាឡេស៊ី ម៉ិចស៊ីចកូ ញូហ្សេឡែន ប៉េរ៉ូ សិង្ហបុរី និងវៀតណាម។ បើសិនជាកិច្ចព្រមព្រៀងនេះ ដំណើរការល្អ វាយនឹងក្តោបយកសេដ្ឋកិច្ចពិភពលោកប្រមាណ៤០%។

នាយករដ្ឋមន្ត្រីជប៉ុន លោក អាបេ លើកឡើងថា TPP ជាសរសរស្តម្ភនៃសេដ្ឋកិច្ចពិភពលោក ដែលធានាក្នុងការនាំចេញ។

ប៉ុន្តែអ្នកសេដ្ឋកិច្ច និង នយោបាយលើកឡើងថា ពេលដែលលោក ត្រាំជាប់ឆ្នោតនេះ គឺកិច្ចព្រមព្រៀងនោះ មិនអាចដំណើរបានទេ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ