ព័ត៌មានបឋមពីសមត្ថកិច្ចបានឲ្យដឹងថា កីឡាករប្រណាំងទូកចំនួនពីរនាក់បានបាត់ខ្លួនក្រោយពេលដែលសណ្តោងទូក ង នោះមកត្រៀមប្រណាំងមកដល់ចំណុចមុខវាំង បានបុកជាមួយទូកដឹកភ្ញៀវទេសចរណ៍កំសាន្ត។
ទូក ង ដែលជួបគ្រោះថ្នាក់នៅព្រឹកនេះមកពីវត្តអម្ពវ័ន្ត សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ អ្នកដែលជិះលើទឹកដែលលិចនោះមានគ្នា៩នាក់ ហើយបាត់ពីរនាក់ ឈ្មោះ ចន និង ជេស្តា អាយុជិត២០ឆ្នាំនិង ៣០ឆ្នាំ។
ហេតុការណ៍ទូកបុកគ្នានេះ កើតឡើងនៅម៉ោង៧និង៣០នាទីព្រឹក ហើយរហូតដល់ម៉ោងជិត១០ព្រឹកនេះ ក្រុមការងារជួយសង្គ្រោះនៅមិនទាន់រកអ្នកដែលបាត់ខ្លួននោះឃើញនៅឡើយ៕