នយោបាយ

លោក ហ៊ុន សែន ត្រូវបានជ្រើសតំាងជាឯកអគ្គរដ្ឋទូតសុច្ឆន្ទៈសម្រាប់វិស័យទេសចរណ៍

លោក ណាត សុភាព
| ១១ ធ្នូ ២០១៧
ម៉ោង ១១:១១

រូបភាពពី ហ្វេសប៊ុក លោកនាយករដ្ឋមន្រ្តី ហ៊ុន សែន

ក្រសួងទេសចរណ៍កម្ពុជា បានឲ្យដឹងថា លោកនាយករដ្ឋមន្ត្រីហ៊ុន សែន ត្រូវបានក្រុមប្រឹក្សាទេសចរណ៍ និងពាណិជ្ជកម្មអឺរ៉ុប ជ្រើសតំាងជា «ឯកអគ្គរដ្ឋទូតសុច្ឆន្ទៈពិភពលោក សម្រាប់វិស័យទេសចរណ៍ និងគោលដៅនៃការអភិវឌ្ឍប្រកបដោយចីរភាព»។

ផ្អែកតាមគេហទំព័រហ្វេសប៊ុករបស់ក្រសួងទេសចរណ៍បានចុះផ្សាយកាលពីថ្ងៃទី៩ ខែធ្នូនេះ លោក ហ៊ុន សែន ត្រូវបានប្រធានក្រុមប្រឹក្សាទេសចរណ៍ និងពាណិជ្ជកម្មអឺរ៉ុប លោក អានតុន ការ៉ាហ្គា (Anton Caragea) សម្រេចជ្រើសតាំងជា «ឯកអគ្គរដ្ឋទូតសុច្ឆន្ទៈពិភពលោក សម្រាប់វិស័យទេសចរណ៍ និងគោលដៅនៃការអភិវឌ្ឍប្រកបដោយចីរភាព» ដោយថា លោក ហ៊ុន សែន ជាវីរបុរសដែលដឹកនាំប្រទេសកម្ពុជាពីចំណុចសូន្យ ពោលពីប្រទេសដែលគ្មានទេសចរ ឲ្យក្លាយមកជាប្រទេសដែលមានភ្ញៀវទេសចរជាង ៥លាននាក់ក្នុង១ឆ្នាំ។

ជាមួយនោះ លោក អានតុន ការ៉ាហ្គា ក៏បានផ្តល់ជ័យលាភីជូនរាជធានីភ្នំពេញជា «រាជធានីនៃវប្បធម៌ និងទេសចរណ៍ពិភពលោក»ផងដែរ ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។