គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. នៅថ្ងៃនេះ បានប្រកាសលទ្ធផលផ្លូវការនៃបញ្ជីឈ្មោះបោះឆ្នោតថ្មី ដែលបង្ហាញឲ្យឃើញពីគម្លាតខុសគ្នាតិចតួចប៉ុណ្ណោះ បើធៀបនឹងតួលេខក្រៅផ្លូវការ។
គ.ជ.ប. បានដំណើរការចុះឈ្មោះបោះឆ្នោតប្រជាពលរដ្ឋចាប់តាំងពីដើមខែកញ្ញា រហូតដល់ចុងខែវិច្ឆិកាឆ្នាំមុន។
បញ្ជីឈ្មោះបោះឆ្នោតផ្លូវការដែលប្រកាសដោយគ.ជ.ប. នៅថ្ងៃនេះ បានបង្ហាញថា មានប្រជាជនកម្ពុជាជាង ៧លាន ៨៦ម៉ឺននាក់ បានចុះទៅឈ្មោះបោះឆ្នោត ឬស្មើនឹង ៨១.៣៨ភាគរយ នៃពលរដ្ឋគ្រប់អាយុបោះឆ្នោតសរុបជាង ៩លាន ៦៦ម៉ឺននាក់។
បើធៀបទៅនឹងតួលេខមិនទាន់ផ្លូវ ឃើញថា បញ្ជីឈ្មោះផ្លូវការនេះ មានភាពលម្អៀងតែជាង ៨ពាន់នាក់ប៉ុណ្ណោះ។
បញ្ជីឈ្មោះបោះឆ្នោតមិនទាន់ផ្លូវ បានបង្ហាញថា មានពលរដ្ឋកម្ពុជាជាង ៧លាន ៨៧ម៉ឺននាក់ បានចុះឈ្មោះបោះឆ្នោតរួចរាល់៕