បន្ទុះភ្នំភ្លើងនៅជប៉ុន​ផេះសាយភាយដល់ទីក្រុងចំនួន​៤

បន្ទុះភ្នំភ្លើងនៅភាគខាងត្បូងនៃប្រទេសជប៉ុន កើតឡើងជាទ្រង់ទ្រាយធំបើប្រៀបធៀបរយៈពេល​៦ឆ្នាំចុងក្រោយនេះ ហើយបានសាយភាយផេះ នៅក្នុងទីក្រុងចំនួន​៤។​

តាមបណ្តាញផ្សព្វផ្សាយព័ត៌មាន​របស់ជប៉ុន TBS បានឲ្យដឹងថា នៅថ្ងៃព្រហស្បតិ៍នេះនៅតាមសាលារៀនដែលនៅក្បែរតំបន់មានបន្ទុះភ្នំភ្លើង​ បានតម្រូវឲ្យសិស្សត្រូវពាក់មួកសុវត្ថិភាពនិងពាក់ម៉ាស់ ដើម្បីរក្សាសុវត្ថិភាព។​

តាមការផ្សព្វផ្សាយរបស់មន្ត្រីជប៉ុនបានឲ្យដឹងថា នៅថ្ងៃព្រហស្បតិ៍នេះ ផេះដែលសាយភាយចេញពីបន្ទុះភ្នំភ្លើងនោះ​ឡើងដល់កម្ពស់​១ ៧០០ម៉ែត្រ។​ បន្ទុះភ្នំភ្លើងនេះ កើតឡើងកាលពីថ្ងៃពុធនៅចន្លោះទីក្រុង Kagoshima និង Miyazaki។ ជុំវិញបញ្ហាបន្ទុះភ្នំភ្លើងនេះ មិនទាន់មានរបាយការណ៍ណាមួយបញ្ជាក់ពីការខូចខាត និង គ្រោះថ្នាក់ដល់មនុស្សនោះទេ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ