អូបាម៉ា ធ្វើឲ្យអនុប្រធានាធិបតីភ្ងាក់ផ្អើលក្នុងការផ្តល់មេដាយសេរីភាព​

ប្រធានាធិបតីអាមេរិក​លោក បារ៉ាក់ អូបាម៉ា បានធ្វើឲ្យអនុប្រធានាធិបតីលោក ចូ បាយដិន ភ្ញាក់ផ្អើល​កាលពីថ្ងៃព្រហស្បតិ៍ម្សិលមិញ ក្នុងការផ្តល់មេដាយសេរីភាព ក្នុងការខិតខំធ្វើការរយៈពេល៨ឆ្នាំមកនេះ។​

លោក អូបាម៉ា បានហៅ លោក​ បាយដិន ថាជាបុរសដ៏អស្ចារ្យ។ គឺបានលើកឡើងក្នុងកម្មវិធីមួយជាមួយនិងសមាជិករដ្ឋាភិបាលជាច្រើនផ្សេងទៀត។​នេះបើតាមទីភ្នាក់ងារសារព័ត៌មាន​រ៉យទ័រ។​

លោក​បាយដិន មិនបានដឹងជាមុន​ពីការរៀបចំកម្មវិធីនេះឡើងនោះទេ គឺលោកបានដឹងពេលដែលលោកអូបាម៉ា បានប្រកាស ហើយលោក​ទទួលបានមេដាយកិត្តិយសខ្ពស់បំផុតសម្រាប់មន្ត្រីស៊ីវិលនៅអាមេរិក។​

ពានរង្វាន់នេះ លោកអូបាម៉ាប្រគល់ឲ្យលោកបាយដិន​នៅពេលដែលលោក នឹងចាកចេញពីតំណែងនៅថ្ងៃទី២០ខែមករាខាងមុខនេះ៕