អន្តរជាតិ

នាវាចម្បាំងអង់គ្លេសចូលតំបន់ជម្លោះសមុទ្រចិនខាងត្បូង

ដោយ វីអូឌី
| ១៣ កុម្ភៈ ២០១៨
ម៉ោង ១០:០០

នាវាចម្បាំងរបស់ចក្រភពអង់គ្លេសចាកចេញពីប្រទេសអូស្ត្រាលី ហើយចូលដល់តំបន់មានជម្លោះនៅសមុទ្រចិនខាងត្បូងនៅខែក្រោយនេះ ជាផ្នែកមួយនៃការបង្ហាញពីសេរីភាពនៃការធ្វើនាវាចរណ៍លើផ្លូវទឹកសំខាន់មួយនេះ។

ចិនបានអះអាងថា ផ្នែកជាច្រើន រួមទាំងថ្មប៉ប្រាស់ទឹក កម្រងកោះតូចៗ នៅក្នុងសមុទ្រចិនខាងត្បូងគឺជាកម្មសិទ្ធិរបស់ខ្លួនហើយ ពេលនេះកំពុងតែមានការកសាងមូលដ្ឋានទ័ពនៅទីនោះ ដែលអាចជាការគំរាមកំហែងដល់ប្រទេសតូចផ្សេងៗទៀតដែលកំពុងមានជម្លោះនៅតំបន់នេះ។

រដ្ឋមន្រ្តីការពារជាតិរបស់អង់គ្លេសលោក Gavin Williamson ថ្លែងថា នាវាHMS Sutherland ទៅដល់ប្រទេសអូស្ត្រាលីនៅសប្តាហ៍នេះ ហើយនឹងបន្តទៅដល់សមុទ្រចិនខាងត្បូងនៅខែក្រោយ។ នេះបើតាមទីភ្នាក់ងារព័ត៌មានAFP។

សមុទ្រចិនខាងត្បូងមានទំហំប្រមាណ៣លាន៥សែនគីឡូម៉ែត្រការ៉ា ចាប់ពីតំបន់ Karimata និង ជ្រលងជ្រោយMalaca។ តំបន់នេះបច្ចុប្បន្នចិនកំពុងមានជម្លោះជាមួយវៀតណាម ហ្វីលីពីន ព្រុយណេ ម៉ាឡេស៊ី និង តៃវ៉ាន់ជាដើម។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។