បុរសបាញ់ប្រហារនៅហ្រ្វ័ររីដាដោយសារស្អប់អ្នកស្រលាញ់​ភេទដូចគ្នា

លោក Omar Mateen ជាឃាតករ​បាញ់​សម្លាប់​មនុស្ស៥០នាក់ (រូបភាពពីវ៉ាស៊ីនតោនផុស)

អតីតប្រពន្ធរបស់បុរសម្នាក់ដែលបើការវាយប្រហារនៅរដ្ឋហ្វ្រ័ររីដាកាលពីថ្ងៃអាទិត្យម្សិលមិញអះអាងថា ការវាយប្រហារគឺដោយសារតែបុរសរូបនោះស្អប់យ៉ាងខ្លាំងចំពោះអ្នកដែលស្រលាញ់ភេទដូចគ្នា។

ស្ត្រីម្នាក់ប្រាប់វ៉ាស៊ីនតោនផុសដោយសូមមិនបង្ហាញអត្តសញ្ញាណព្រោះបារម្ភពីសុវត្ថិភាពថា គាត់ជាអតីតប្រពន្ធ របស់លោក Omar Mateen ជាឃាតករបាញ់សម្លាប់មនុស្ស៥០នាក់។ នាងបញ្ជាក់ថា ប្តីរបស់នាងមានបញ្ហាមិនប្រក្រតីតែងដើរចោលផ្ទះនិងវាយដំរូបគាត់។ ស្ត្រីរូបនេះបញ្ជាក់បញ្ជាក់ថាការបាញ់ប្រហារនេះ ដោយសារប្តីរបស់គាត់មានចរិតស្អប់អ្នកស្រលាញ់ភេទដូចគ្នា។

Omar Mateen អាយុ២៩ឆ្នាំជាឥស្លាមអាមេរិក ជាអ្នកបាញ់ប្រហារក្នុងខ្លឹបអ្នកស្រលាញ់ភេទដូចគ្នាលកាលពីថ្ងៃអាទិត្យម្សិលមិញ បានបណ្តាលមនុស្ស៥០នាក់ស្លាប់និង៥៣នាក់រងរបួស។

ឪពុករបស់លោក Omar Mateen បានថ្លែងថាកូនប្រុសរបស់លោកធ្លាប់បានខឹងសម្បាពេលដែលបុរសពីរនាក់បានថើបគ្នានៅចំពោះមុខកូននិងប្រពន្ធរបស់គាត់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ