ព្រះមហាក្សត្រថៃក្នុងព្រះជន្ម៨៨ព្រះវស្សា ជាស្តេចដែលគ្រងរាជបានយូរជាងគេនៅលើពិភពលោក មានសុខភាពប្រសើរឡើង បន្ទាប់ពីក្រុមគ្រូពេទ្យវះកាត់សរសៃឈាមតូចៗនៅក្នុងបេះដូង។
សេចក្តីប្រកាសព័ត៌មានរបស់ព្រះបរមរាជវាំងថៃកាលពីថ្ងៃអាទិត្យម្សិលមិញបានបញ្ជាក់ថា សុខភាពរបស់ព្រះមហាក្សត្រមានសញ្ញាពីភាពប្រសើរឡើងក្រោយការវះកាត់បេះដូង។
ស្តេច Bhumibol Adulyadej គឺជាក្សត្រដែលបានគ្រងរាជ្យយូរជាងបំផុតនៅលើពិភពលោក ហើយបច្ចុប្បន្នកំពុងគំរាមកំហែងដោយជំងឺជាច្រើនមុខ ហើយកំពុងសម្រាកព្យាបាលក្នុងមន្ទីរពេទ្យរបស់ថៃ។ ព្រះអង្គបានបង្ហាញព្រះកាយជាសាធារណៈចុងក្រោយកាលពីថ្ងៃទី១១ខែមករា ពេលដែលព្រះអង្គទស្សនាព្រះបរមរាជវាំងនៅក្នុងទីក្រុងបាងកក។
សេចក្តីប្រកាសព័ត៌មានបញ្ជាក់ថាចង្វាក់បេះដូង ការដកដង្ហើម និងសម្ពាធឈាមរបស់ព្រះមហាក្សក្រដំណើរការល្អធម្មតា៕
