មនុស្សយ៉ាងតិច២២នាក់បានស្លាប់កាលពីថ្ងៃអង្គារម្សិលមិញនៅក្នុងគ្រោះថ្នាក់រថភ្លើងដឹកអ្នកដំណើរបុកគ្នាមួយ នៅភាគខាងត្បូងប្រទេសអ៊ីតាលី ដែលជាគ្រោះថ្នាក់អាក្រក់បំផុតនៅអ៊ីតាលីនៅក្នុងប៉ុន្មានឆ្នាំមកនេះ។
ទីភ្នាក់ងារព័ត៌មាន AFP បានរាយការណ៍ថាក្រុមជួយសង្គ្រោះបានប្រញាប់ប្រញាល់ទាញមនុស្សចេញពីបំណែកទូររថភ្លើងដែលបានបុកគ្នានៅលើផ្លូវដែកតែមួយនៅជិតទីក្រុង Andria ហើយអ្នកឃើញហេតុការណ៍នេះបានប្រៀបធៀបទិដ្ឋភាពនោះទៅនឹងមហន្តរាយផែនដី។
ប្រមុខនគរបាលផ្លូវដែកនៅតំបន់នោះបាននិយាយថាមនុស្ស២២នាក់បានស្លាប់ ហើយ៤៣នាក់ទៀតបានរងរបួស ខណៈអ្នករបួស៤នាក់កំពុងស្ថិតក្នុងស្ថានភាពធ្ងន់ធ្ងរ។
ចំណែកសារព័ត៌មានអ៊ីតាលីបានផ្សាយថាអ្នកស្លាប់មានចំនួន២៣នាក់ដោយរួមបញ្ចូលទាំងទារកនៅក្នុងផ្ទៃរបស់ស្ត្រីម្នាក់ផងដែរ៕
