បណ្តាញទំនាក់ទំនងសង្គមនៅថៃភាគច្រើនបង្ហាញ​ពណ៌ផ្កាឈូកបញ្ជាក់ពីការស្រលាញ់ស្តេច

ស្តេច​ថៃ​Bhumibol Adulyadej (រូបភាពសារព័ត៌មាន​Channel News Asia)

បណ្តាញទំនាក់ទំនងសង្គមជាច្រើននៅថៃបានបង្ហាញរូបភាពពណ៌ផ្កាឈូក ដើម្បីបញ្ជាក់ពីការគោរពស្រលាញ់របស់ពួកគេ ចំពោះព្រះមហាក្សត្រដែលកំពុងមានជំងឺធ្ងន់ធ្ងរនៅក្នុងមន្ទីរពេទ្យ ខណៈដែលបួងសួងនៅតែបន្តធ្វើនៅជុំវិញមន្ទីរពេទ្យ។

ស្តេច Bhumibol Adulyadej ជាស្តេចដែលគ្រងរាជសម្បត្តិយូរជាងគេបំផុតនៅលើពិភពលោក ក្នុងព្រះជន្ម៨៨ព្រះវស្សា កំពុងតែមានជំងឺធ្ងន់ធ្ងរ ហើយសម្រាកព្យាលបាលនៅក្នុងមន្ទីរពេទ្យ Siriraj នៅក្នុងទីក្រុងបាងកក។ នេះបើតាមសារព័ត៌មានChannel News Asia។

ចាប់ពីព្រលឹមនៅព្រឹកថ្ងៃព្រហស្បតិ៍នេះ ពលរដ្ឋថៃជាច្រើនបាននាំគ្នាស្លៀកពាក់ពណ៌ផ្កាឈូក ហើយទៅបន់ស្រន់នៅជុំវិញមន្ទីរពេទ្យនោះ ដើម្បីឲ្យស្តេចរបស់ពួកជាសះស្បើយធម្មតាវិញ។

ចំណែកអ្នកដែលមិនបានទៅផ្ទាល់ដល់មន្ទីរពេទ្យ ពួកគេជ្រើសរើសយកការបង្ហាញការស្រលាញ់ស្តេចរបស់ពួកគេ តាមរយៈបណ្តាញទំនាក់ទំនាក់ទំនងសង្គម។

ហ្វេសប៊ុកជាច្រើនបានប្តូររូបភាព រួមជាមួយសារថាស្រលាញ់ស្តេចនិងសូមឲ្យស្តេចមានអាយុវែង។ សារនិងរូបភាពរបស់ពួកគេប្រើជាពណ៌ផ្កាឈូក ដែលជាពណ៌បង្ហាញពីការស្រលាញ់ស្តេច៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ