អន្តរជាតិ

សុខភាពរបស់សេ្តចថៃនៅតែមានភាពមិននឹងនររហូតដល់ព្រឹកនេះ

ដោយ វីអូឌី
| ១៣ តុលា ២០១៦
ម៉ោង ០៨:២៨

ការិយាល័យព្រះបរមរាជវាំងបានប្រកាសថា សុខភាពរបស់ស្តេចថៃនៅតែមានការប្រែប្រួល នៅមិនទាន់អាចកំណត់ពីភាពច្បាស់លាស់នៅឡើយ ខណៈប្រជាពលរដ្ឋថៃកំពុងតែមានការព្រួយបារម្ភហើយធ្វើពិធីបន់ស្រន់នៅទូទាំងប្រទេស។

ការចុះផ្សាយរបស់សារព័ត៌មានChannel News Asia ដកស្រង់សម្តីរបស់មន្ត្រីព្រះបរមរាជវាំងចុះផ្សាយនៅថ្ងៃទី១៣ខែតុលានេះ សុខភាពរបស់ស្តេចថៃពេលនេះ គឺនៅតែមិននឹងនរគឺ សម្ពាធឈាម មានការធ្លាក់ចុះ ជីបចរដើរញាប់ ចំណែកថ្លើមមិនដំណើរការដូចធម្មតាទេ។ លទ្ធផលនៃការធ្វើតេស្តឈាមបង្ហាញថា មានការឆ្លងរោគ។

សេចក្តីប្រកាសរបស់វាំងបញ្ជាក់ថា ពេលនេះស្តេចថៃ កំពុងដែលដកដង្ហើមដោយមានការជំនួយពីម៉ាស៊ីន ហើយក្រុមគ្រូពេទ្យជំនាញកំពុងតាមដានស្ថានភាពជំងឺ។

តាមការប្រកាសរបស់ក្រុមគ្រួពេទ្យគឺ ឈាមរបស់ស្តេចថៃ មានឡើងជាតិអាស៊ីត ហើយពេលនេះគ្រូពេទ្យកំពុងតែប្រើវិធីសាស្ត្រក្នុងការបន្ថយជាតិអាស៊ីត៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។