ប្រធានាធិបតីអាមេរិកលោក បារ៉ាក់ អូបាម៉ា ថ្លែងកាលពីថ្ងៃចន្ទថាមិនមានភស្តុតាងបញ្ជាក់ថាការបាញ់សម្លាប់រង្គាលស្លាប់អស់៥០នាក់នៅអរឡេនដូក្នុងរដ្ឋហ្រ្វ័ររីដា មានការបញ្ជាពីបរទេសនោះទេ។
បន្ទាប់ពីសរុបចំនួនស្លាប់ដោយសារការបាញ់ប្រហារហើយមានការរឹតបន្តឹងសន្តិសុខសណ្តាប់ធ្នាប់នោះ លោក អូបាម៉ា ថ្លែងថាលោកមិនទាន់បានដឹងថា តើមានកត្តាអ្វីដែលជំរុញឲ្យមានការបាញ់សម្លាប់នេះទេ។ នេះបើតាមទីភ្នាក់ងារព័ត៌មាន AFP។
លោក អូបាម៉ា ថ្លែងទៀតថាបុរសឈ្មោះ អូម៉ា ម៉ាទីន ត្រូវបានគេលាតត្រដាងពីការវាយប្រហារនោះថាជាក្រុមភេរវកម្មតែតាមអ៊ិនធើណែតតែប៉ុណ្ណោះ ប៉ុន្តែនៅមិនមានភស្តុតាងណាមួយមកបញ្ជាក់ថាជាភេរវកម្មឬបញ្ជាពីក្រៅប្រទេសនោះទេ។
កាលពីថ្ងៃអាទិត្យបុរសឈ្មោះ អូម៉ា ម៉ាទីន អាយុ២៩ឆ្នាំបានបាញ់ប្រហារនៅក្នុងក្លឹបអ្នកស្រលាញ់ភេទដូចគ្នានៅអរឡេនដូក្នុងរដ្ឋហ្រ្វ័ររីដា បានសម្លាប់មនុស្ស៥០នាក់និងរងរបួស៥៣នាក់។ អតីតភរិយាបុរសដែលសង្ស័យថាជាខ្មាន់កាំភ្លើងនេះបញ្ជាក់ថាមូលហេតុនៃការបាញ់ប្រហារនេះដោយសារប្តីរបស់គាត់តែងមានចរិតស្អប់អ្នកស្រលាញ់ភេទដូចគ្នា៕