សហភាពអឺរ៉ុប (EU) ដាក់សម្ពាធផ្នែកទីផ្សារដូងប្រេងរបស់ម៉ាឡេស៊ី ដោយតម្រូវឲ្យប្រទេសនេះត្រួតពិនិត្យឡើងក្នុងការផលិតដោយសុវត្ថិភាព ធានាបរិស្ថាន និងធានាដល់ជីវចម្រុះដែលមានការពិភាក្សាក្នុងតំបន់ កាលពីពេលកន្លងទៅ។
នៅក្នុងពិធីពិពណ៌និង ការប្រជុំអ្នកផលិតដូងប្រេងអន្តរជាតិក្នុងទីក្រុងកូឡាឡាំពួរ នៅថ្ងៃនេះរដ្ឋមន្ត្រីកសិឧស្សាហកម្ម និងផលិតកម្មម៉ាឡេស៊ីលោក Mah Siew Keong ថ្លែងថា ផលិតផលដូងប្រេងរបស់ជាតិជូបបញ្ហាកាលពីដើមខែវិច្ឆិកា ហើយនឹងមានការជូបប្រជុំជាមួយតំណាងស្ថានទូតរបស់ប្រទេសចំនួន១៦របស់សហភាពអឺរ៉ុប ដែលជជែកពីករណីម៉ាឡេស៊ី មិនគោរពតាមគោលការណ៍ដូងប្រេងនៅក្នុងតំបន់។ នេះបើតាមសារព័ត៌មាន Channel News Asia។
កាលពីខែមេសាសហភាពអឺរ៉ុបបានចេញសេចក្តីសម្រេចមួយ ដោយភ្ជាប់ករណីផលិតដូងប្រេងនៅក្នុងប្រទេសម៉ាឡេស៊ី ពាក់ព័ន្ធនិងកាប់បំផ្លាញព្រៃឈើ ធ្វើឲ្យប៉ះពាល់ដល់ជីវចម្រុះ ដែលចំណុចទាំងនេះស្ថិតនៅក្នុងលក្ខខណ្ឌតម្រូវឲ្យជៀសវាងដើម្បីនាំចូលទីផ្សារសហភាពអឺរ៉ុប។ ម៉ាឡេស៊ីជាប្រទេសមួយដែលស្ថិតនៅក្នុងចំណោមប្រទេសផលិតដូងប្រេងធ្វើឲ្យប៉ះពាល់ខ្លាំងដល់បរិស្ថាន។
រដ្ឋមន្ត្រីក្រសួងកសិឧស្សាហកម្មរូបនោះបញ្ជាក់ថា នេះជាចំណុចដែលបង្ហាញពីភាពគ្រោះថ្នាក់នៃឧស្សាហកម្មរបស់ម៉ាឡេស៊ី។
ទោះយ៉ាងណាលោក Mah ថ្លែងថា លោកបញ្ជាក់ជាញឹកញាប់ ហើយពេលនេះលោកបញ្ជាក់ម្តងទៀតថា ដំណើរការផលិតដូងប្រេងនៅម៉ាឡេស៊ីមានលក្ខណៈល្អប្រសើរបំផុត ធានាការពារបរិស្ថាន រក្សាព្រៃឈើដើម្បីទាក់ទាញទឹកភ្លៀងដោយមិនមានការប៉ះពាល់អ្វីនោះទេ។លោកបញ្ចាក់ដែរថា ទំនិញជាច្រើនប្រភេទនាំចូលពីសហភាពអឺរ៉ុបចូលក្នុងប្រទេសម៉ាឡេស៊ី ហើយថា បើសិនករណីនេះមិនអាចដោះស្រាយបាននោះទេ ម៉ាឡេស៊ីអាចនឹងពិចារណាក្នុងការរឹតបន្តឹងការនាំទំនិញពីបណ្តាប្រទេសសមាជិកអឺរ៉ុបវិញជាការសងសឹក។
បច្ចុប្បន្នប៉ាឡេស៊ី និង ឥណ្ឌូនេស៊ីគឺជាប្រទេស ដែលផលិតដូងប្រេងបានជាង៨០%នៃផលិតផលដូងប្រេងសរុបនៅលើពិភពលោក។ ប្រទេសម៉ាឡេស៊ីតែម្នាក់ឯងផលិតបានប្រមាណ៣៩%នៃផលដូងប្រេងកែច្នៃហើយ និង ៤៤%នៃផលិតផលដូងប្រេងមិនទាន់កែច្នៃហើយនាំចេញទៅលក់នៅទីផ្សារអន្តរជាតិ៕