កម្មកររោងចក្រហ្គាវ័នរាប់រយនាក់ បាននាំគ្នាតវ៉ាបិទផ្លូវជាតិលេខ២១នៅក្នុងក្រុងតាខ្មៅ ខេត្តកណ្តាលជាថ្មី ដើម្បីជំរុញឲ្យស្ថាប័នពាក់ព័ន្ធជួយស្វែងរកដំណោះស្រាយ ដែលពួកគេថា ថៅកែកាត់ប្រាក់ឈ្នួលដោយមិនសមហេតុផល។
កម្មករបានយកខ្សែចងកាត់ផ្លូវ ហើយនាំគ្នាអង្គុយនៅទីនោះ និងខ្លះទៀតបានកាន់រូបថតលោកនាយករដ្ឋមន្ត្រីហ៊ុន សែន ហើយស្រែកអំពាវនាវឲ្យមានដំណោះស្រាយចំពោះករណីថៅកែកាត់ប្រាក់ឈ្នួលរបស់ពួកគេដោយមិនសម ហេតុផល។
កាលពីខែវិច្ឆិកា កន្លងទៅនេះ កម្មករនៅរោងចក្រហ្គាវ័នបាននាំគ្នាបិទផ្លូវដែរ ទាមទារឲ្យមានដំណោះស្រាយ បញ្ហាកាត់លុយ បន្ទាប់ពីមានការសម្របសម្រួលពីសំណាក់អាជ្ញាធរក្រុងតាខ្មៅពួកគេ ក៏បានផ្អាកការតវ៉ាមួយរយៈ ប៉ុន្តែនៅព្រឹកនេះមានផ្ទុះការតវ៉ាជាថ្មីទៀត៕
