ប្រជាពលរដ្ឋដែលជាមនុស្សចាស់នៅក្នុងឃុំបន្ទាយឆ្មារ ប្រមាណ១៥០នាក់ បានជួបប្រជុំគ្នានៅក្នុងកិច្ចប្រជុំមួយនៅសាលាឃុំបន្ទាយឆ្មារ ស្រុកពួក ខេត្តបន្ទាយមានជ័យ ស្តីពីការរៀបចំបង្កើតសមាគមមនុស្សចាស់ នៅព្រឹកថ្ងៃទី៦ ខែកុម្ភៈ ឆ្នាំ ២០១៧។
ក្រៅពីអ្នកចូលរួមដែលភាគច្រើនជាមនុស្សចាស់ ក៏មានផងដែរវត្តមានរបស់មេឃុំ មេភូមិ និងសមត្តកិច្ចប៉ូលីស និងតំណាងអង្គការក្រៅរដ្ឋាភិបាលផងដែរ។ ជាលទ្ធផល ប្រជាពលរដ្ឋបានសំដែងនូវទឹកចិត្តសប្បាយរីករាយ និងបានបោះឆ្នោតជ្រើសរើសអ្នកតំណាងដឹកនាំសមាគមន៍ចំនួន ៦រូបនៅក្នុងកំរិតឃុំ និង ៣រូបនៅក្នុងកំរិតភូមិនីមួយៗ ដើម្បីដឹកនាំបំពេញការងារសមាគមក្នុងគោលបំនងបំរើផលប្រយោជន៍ទៅដល់មនុស្សចាស់នៅក្នុងមូលដ្ឋាន ពិសេសផ្នែកជីភាពនិងសុខភាពរបស់ពួកគាត់ឲ្យបានប្រសើរឡើង។
គួរបញ្ជាក់ថា នេះជាលើកទីមួយហើយ ដែលសមាគមមនុស្សចាស់ត្រូវបានបង្កើតឡើងនៅក្នុងឃុំបន្ទាយឆ្មារ ក៏ដូចជាទូទាំងស្រុកពួកទាំងមូល៕
ដោយពលរដ្ឋអ្នកសារព័ត៌មានខេត្តបន្ទាយមានជ័យ លោក រឿន រ៉ាប