ក្រសួងសុខាភិបាលណែនាំវិធីសាស្ត្រការពារនិងព្យាបាល​ជំងឺផ្តាសាយធំ​

ដោយ លោក ពៅ មេត្តា​​ | ថ្ងៃចន្ទ ទី១៥ ខែឧសភា ឆ្នាំ២០១៧​ ម៉ោង 10:47 AM | សុខភាព | 0 | 2899 រូបតំណាង

ក្រសួងសុខាភិបាលអំពាវនាវឲ្យប្រជាពលរដ្ឋមានការប្រុងប្រយ័ត្នខ្ពស់ចំពោះ ជំងឺផ្តាសាយធំ នៅក្នុងរដូវភ្លៀងដែលអាចកើតមានឡើងច្រើន ហើយបានណែនាំវិធីសាស្ត្រមួយចំនួន​ដើម្បីការពារ និង ព្យាបាលឲ្យកាន់តែមានប្រសិទ្ធភាព។​

តាមការផ្សព្វផ្សាយរបស់នាយកដ្ឋានប្រយុទ្ធប្រឆាំងជំងឺឆ្លងនៃក្រសួងសុខាភិបាល បានលើកឡើងថា នៅកម្ពុជាក្នុងរដូវភ្លៀង មានឆ្លងជំងឺផ្តាសាយច្រើនបង្កឡើងឲ្យមានគ្រុនក្តៅ ឈឺក ក្អកស្ងួត និង អាចវិត្តន៍ទៅរកស្ថានភាពធ្ងន់ធ្ងរ។​ ចំពោះវិធីសាស្ត្រក្នុងការការពារគឺត្រូវពាក់ម៉ាស់ឬ ប្រើកន្សែងខ្ទប់មាត់ពេលក្អកឬ កណ្តាស់។​

នាយកដ្ឋាននេះពន្យល់ថា វិធីសាស្ត្រក្នុងការព្យាបាល ប្រើថ្នាំបញ្ចុះកំដៅ ផឹកទឹកឲ្យបានច្រើន គេងលក់ស្កប់ស្កល់ កាត់បន្ថយការហាត់ប្រាណ ហូបអាហារសំបូរជីវជាតិជាពិសេស វីតាមីនសេ ។ ការណែនាំបញ្ជាក់ទៀតថា ការប្រើថ្នាំផ្សះមិនមានប្រសិទ្ធភាព សំលាប់មេរោគនេះទេ ថែមទាំងសុខភាពទ្រុឌទ្រោម និងមិនងាយជាពីជំងឺផ្តាយទៀតផង ។

ក្រសួងបញ្ជាក់ទៀតថា បើសិនជា ការព្យាបាល៣ថ្ងៃមិនធូរស្រាល ឫវិវត្តន៏ទៅជាហត់ខ្លាំង ត្រូវទៅពិគ្រោះជំងឺជាមួយគ្រួពេទ្យ ដើម្បីទទួលបានថ្នាំសម្លាប់មេរោគផ្តាសាយឈ្មោះ Tamiflu៕

សរសេរមកកាន់ លោក ពៅ មេត្តា តាមរយៈ minpov@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required