ខ្យល់ព្យុះ មេរ៉េនទី វាយប្រហារខ្លាំងនៅភាគអាគ្នេយ៍នៃប្រទេសចិន នៅថ្ងៃព្រហស្បតិ៍នេះបានភ្ជាប់ជាមួយខ្យល់ និងភ្លៀងខ្លាំង ហើយចរន្តអគ្គិសនីបានកាត់ផ្តាច់ផ្អាកការប្រើប្រាស់បណ្តោះអាសន្ន។
អាជ្ញាធរប្រកាសថានេះជាខ្យល់ខ្លាំងកើតមានឡើងនៅក្នុងឆ្នាំនេះ ប៉ុន្តែទោះជាយ៉ាងណា មិនទាន់មានការបូកសរុបពីចំនួននៃការខូចខាតនៅឡើយ។ ព្យុះនេះត្រូវបានគេរាប់បញ្ជូលជាប្រភេទព្យុះដែលមានកម្លាំងបោកបក់ខ្លាំងនៅចិន បន្ទាប់ពីបោកបក់នៅភាគខាងត្បូងនៃដែនដីតៃវ៉ាន់បានធ្វើឲ្យមានភ្លឿងខ្យល់បាក់ដី។ នេះបើតាមទីភ្នាក់ងារសារព័ត៌មានរ៉យទ័រ។
រូបភាពដែលបង្ហាញដោយទីភ្នាក់សារព័ត៌មានរដ្ឋចិនគឺបង្ហាញពីភាពនៃការខូចខាតផ្លូវ ការបាក់ផ្ទះនិងដើមឈើនៅតំបន់ខ្យល់ព្យុះ។ ចំណែកជើងហោះហើរនិងសេវាកម្មរថភ្លើងដឹកអ្នកដំណើររាប់សិបគ្រឿងបានប្រកាសលប់ចោលការដឹកអ្នកដំណើរដោយសារបញ្ហាព្យុះនេះ។
ទីភ្នាក់ងារសារព័ត៌មានរដ្ឋចិនស៊ីនហួរបានចុះផ្សាយថា នេះជាខ្យល់ព្យុះដែលខ្លាំងបំផុតបានវាយប្រហារប្រទេសគិតតាំងពីឆ្នាំ១៩៤៩មក៕
