រដ្ឋាភិបាលសិង្ហបុរីចេញផ្សាយរបាយការណ៍ថា ដោយសារលក្ខខណ្ឌសេដ្ឋកិច្ចខ្សោយក្នុងត្រីមាសទី២នេះ បណ្តាលឲ្យចំនួនអ្នកដែលបាត់បង់ការងារធ្វើកើនឡើងគឺចំនួនកម្លាំងពលកម្មលើសពីតម្រូវការ។
របាយការណ៍របស់ក្រសួងកម្លាំងពលកម្មរបស់សិង្ហបុរីបានបង្ហាញថា នៅក្នុងខែមីនាចំនួនអ្នកមិនមានការងារធ្វើមានចំនួន១,៩ភាគរយ ហើយចំនួននេះបានកើនឡើងដល់២,១ ភាគរយនៅក្នុងខែមិថុនា។ នេះបើតាមសារព័ត៌មាន Channel News Asia។
របាយការណ៍បញ្ជាក់ថា អត្រាអ្នកមិនមានការងារធ្វើកើនឡើងនេះគឺកើតឡើងចំពោះអ្នកមានអាយុពី៣០ឆ្នាំឡើងទៅ ហើយចំពោះអ្នកដែលមានការអប់រំខ្ពស់មិនប៉ះពាល់នោះទេ៕