រដ្ឋាភិបាលបានចុះរុះរើបញ្ជាបង់លុយរបស់ក្រុមហ៊ុន លី យ៉ុងផាត់ ដើម្បីដកស្ពានព្រែកព្នៅដាក់ជារបស់រដ្ឋតាមការបញ្ជាររបស់លោកនាយករដ្ឋមន្រ្តី។
សាលារាជធានីភ្នំពេញបានផ្សព្វផ្សាយវីដេអូនៅលើទំព័រហ្វេសប៊ុករបស់ខ្លួននាថ្ងៃទី១៥ ខែតុលានេះ ស្ដីពីពិធីប្រគល់ទទួលផ្លូវ និងស្ពាន លី យ៉ុងផាត់ ក្រោមអធិបតីភាពរដ្ឋមន្ត្រីក្រសួងសាធារណការលោក ស៊ុន ចាន់ថុល និង អភិបាលរាជធានីភ្នំពេញ លោក ឃួង ស្រេង ចុះរុះរើបញ្ជាបង់លុយ និងដាក់ឲ្យប្រើជារបស់រដ្ឋជាផ្លូវការចាប់ពីថ្ងៃនេះទៅ។
លោកនាយករដ្ឋមន្ត្រី ហ៊ុន សែន បានប្រកាសកាលពីដើមខែតុលានេះថា រដ្ឋាភិបាលទិញស្ពានព្រែកព្នៅ (លី យ៉ុងផាត់) យកមកគ្រប់គ្រងវិញចាប់ពីថ្ងៃទី១៥ ខែ តុលានេះ ដោយឲ្យអ្នកប្រើប្រាស់ផ្លូវភ្ជាប់ពីផ្លូវជាតិលេខ ៥ ទៅផ្លូវជាតិ៦A មិនចាំបាច់បង់ប្រាក់ទៀតនោះទេ៕