អ្នកគ្រប់គ្រងក្រុមហ៊ុនភេសជ្ជៈកូកាកូឡា នៅក្នុងប្រទេសម៉ាឡេស៊ី បានថ្លែងកាលពីម្សិល មិញថា ពួកគេមិនគាំទ្រ ឬ ប្រឆាំងសាសនាណាមួយនោះទេ ហើយថាយុទ្ធនាការប្រឆាំងផលិតនៅក្នុងប្រទេសម៉ាឡេស៊ីពាក់ព័ន្ធករណីនៅអ៊ីស្រាអែលនោះ នឹងធ្វើឲ្យប៉ះពាល់ ខ្លាំងដល់បុគ្គលិកក្រុមហ៊ុននៅក្នុងតំបន់នោះ។
ក្រុមដែលកំពុងមានសិទ្ធិ និង ផលប្រយោជន៍លើមុនជំនួញ បានប្រកាសកាលពីថ្ងៃពុធថា ពួកគេរៀបចំយុទ្ធនាការមួយ ដើម្បីជំរុញឲ្យសាធារណជនពហិការ ឬ ឈប់គាំទ្រផលិតផល ដែលមានការពាក់ព័ន្ធជាមួយប្រទេសអ៊ីស្រាអែល ដែលកំហឹងនេះកើតឡើងបន្ទាប់ពីសហរដ្ឋ អាមេរិកទទួលស្គាល់ថា រដ្ឋធានីជេរូសាឡឹម (Jerusalem) ថា ជារបស់អ៊ីស្រាអែល។ នេះបើតាមការចុះផ្សាយរបស់សារព័ត៌មាន Channel News Asia។
អ្នកគ្រប់គ្រងក្រុមហ៊ុនកូកាកូឡាប្រចាំប្រទេសម៉ាឡេស៊ីលោកអាម៉េដ យេហា ថ្លែងថា លោកបាន ឮពីយុទ្ធនាការ នៃការធ្វើពហិការនេះ។
លោកថ្លែងថា លោកសូមឲ្យមានការពិចារណា លើផលិតកូកាកូឡា ដោយថា នេះជាផលិត ផលនៅក្នុងតំបន់ ហើយថា នឹងធ្វើឲ្យបុគ្គលិកជាច្រើននៃក្រុមហ៊ុនរបស់ លោករងផលប៉ះពាល់ បើសិនជាមានការអំពាវនាវឲ្យមានការធ្វើពហិការមែននោះ។
លោក អាម៉េដថ្លែងថា ក្រុមហ៊ុនកូកាកូឡា មានសាខានៅក្នុងប្រទេស និង តំបន់ជាង២០០នៅ លើពិភពលោកដែលស្ថិតនៅក្នុងស្ថានភាពនយោបាយ សាសនា និង ប្រវត្តិសាស្ត្រផ្សេងៗគ្នា ហើយលោកថា គោលដៅរបស់ក្រុមហ៊ុនគ្រាន់តែចង់ឲ្យ មនុស្សទទួលបានភាពស្រស់ ស្រាយតែប៉ុណ្ណោះ មិនប្រកាន់នៅក្នុងក្រុមណាមួយនោះទេ។
ប្រជាជនអ្នកកាន់សាសនាឥស្លាមភាគច្រើននៅម៉ាឡេស៊ី រួមទាំងនាយករដ្ឋមន្ត្រីនៃ ប្រទេស នេះ គឺលោក ណាជីប រ៉ាហ្សាក់ ផង ក៏បង្ហាញជំហរគាំទ្រប្រទេសប៉ាឡេស្ទីន ហើយបានថ្កោល ទោស អាមេរិកករណីលោក ដូណល ត្រាំ បានប្រកាសទទួលស្គាល់រដ្ឋ ធានីជេរូ សាឡឹមដែលកំពុងមានជម្លោះថា ជារបស់ប្រទសអ៊ីស្រាអែល៕