នគរបាលការពារបេតិកភណ្ឌប្រចាំតំបន់អង្គរ បានបញ្ជូនភ្ញៀវទេសចរបរទេសជាជនជាតិចិនវៃចំណាស់ម្នាក់ទៅមន្ទីរពេទ្យដើម្បីសង្គ្រោះ បន្ទាប់ពីរងរបួសពេលធ្វើរដំណើរទស្សនាក្នុងតំបន់ប្រសាទអង្គរវត្ត។
តាមការចុះផ្សាយរបស់អគ្គស្នងការដ្ឋាននគរបាលជាតិ កាលពីថ្ងៃទី១៤ ខែធ្នូ បានឲ្យដឹងថា កម្លាំងសមត្ថកិច្ចបានជួយសង្គ្រោះ នឹងបញ្ជូនភ្ញៀវទេសចរស្រ្តីជនជាតិចិនម្នាក់ឈ្មោះ Wang Hui Zhi ទៅព្យាបាលនៅមន្ទីរពេទ្យរ៉ូយ៉ាល់ ក្នុងខេត្តសៀមរាប បន្ទាប់ពីរអិលជើងធ្លាក់ពីលើជណ្តើរមុខលោកតារាជ កាលពីថ្ងៃទី១៣ខែធ្នូ។
បើតាមរបាយការណ៍សមត្ថកិច្ចបញ្ជាក់ថា ស្ត្រីជនជាតិចិនរូបនោះ រងរបួសនៅត្រង់ស្មាខាងឆ្វេង និង ក។ របាយការណ៍មិនបានបញ្ជាក់ថា របួសធ្ងន់ឬស្រាលទេ ប៉ុន្តែរូបភាពគឺក្រុមការងារជួយសង្គ្រោះបានប្រើប្រាស់ឧបករណ៍សង្គ្រោះដើម្បីសែងចេញពីកន្លែងកើតហេតុទៅរថយន្ត៕
ម៉ាប់ ស៊ុយ [email protected]
