ព័ត៌មានថ្ងៃនេះ ​រដ្ឋ​ចំណាយ​ជាង​៧៣​លាន​ដុល្លារ​ក្នុង​មួយ​ឆ្នាំ​សម្រាប់​អតីតយុទ្ធជន​​អន្តរជាតិ​ព្រម​ឲ្យ​កម្ពុជា​ខ្ចី​ផែនទី​មក​ផ្ទៀងផ្ទាត់​តែ​មិន​បញ្ជូន​អ្នកជំនាញ​អ្នកឡពាងសុំអន្តរាគមន៍ពីព្រឹទ្ធសភាក្នុងជម្លោះដីធ្លីជាក្រុមហ៊ុន ខេឌីស៊ី (វីដេអូ)សង្គមស៊ីវិលថា ទស្សនកិច្ចនៅបរទេសជួយឲ្យកម្ពុជាទទួលបានបទពិសោធន៍ថ្មីដើម្បីអភិវឌ្ឍន៍ (វីដេអូ)​គ្រួសារ​យោធិន​នៅ​ខណ្ឌ​ព្រែក​ព្នៅ​ដែល​ត្រូវ​អាជ្ញាធរ​រុះរើ​ផ្ទះ​ទាមទារ​សំណង​សមរម្យ​​ជនសង្ស័យ​ទី​២​ត្រូវបាន​ចាប់ខ្លួន ក្នុងករណីបំផ្ទុះ​គ្រាប់បែកសម្លាប់​មនុស្ស២២នាក់នៅ​ក្រុង​បាងកក​​សាលាដំបូង​ខេត្តកោះកុង​បដិសេធ​ដោះលែង​យុវជន​ចលនា​មាតា​ធម្មជាតិ​រោងចក្រ BW នៅតំបន់សេដ្ឋកិច្ចពិសេសក្រុងបាវិតឃុំខ្លួនកម្មករគ្មានមូលហេតុ (វីដេអូ)​សហ​ជីព​នៅ​ឥណ្ឌូណេស៊ីរាប់​ម៉ឹន​នាក់​តវ៉ា​នៅ​ខាងមុខវិ​មាន​ប្រធានាធិបតី​ទាមទារ​សុវត្ថិភាព​ការងារ​​ក្រសួង​ថា​ដំណាំ​ស្រូវ​ជិត​២០​ម៉ី​ន​ហិកតា​រង​ការខូចខាត​ដោយសារ​គ្មាន​ប្រភពទឹក​ផ្គត់ផ្គង់​

ថ្ងៃអង្គារ ទី1 កញ្ញា 2015
អំពីវីអូឌី | ទំនាក់ទំនង

ព័ត៌មានថ្មីបំផុត

ការផ្លាស់ប្តូរ​​បេក្ខភាព​​តំណាង​រាស្ត្រ​​របស់ CPP គឺ​ស្រប​តាម​តម្រូវការ​បក្ស​​

ដោយ៖​ តាំង វីដា និង ដួង សុខា​ | ថ្ងៃចន្ទ ទី9 កញ្ញា 2013, 11:33 AM​

ស្តាប់សំឡេង៖​

ចម្លងទុក

​មន្ត្រីជាន់ខ្ពស់​គណបក្ស​ប្រជាជន​​កម្ពុជា (CPP) អះអាង​នៅ​ព្រឹក​ថ្ងៃ​ចន្ទ​នេះ​ថា ការផ្លាស់ប្តូរ​បេក្ខភាព​តំណាងរាស្ត្រ ជាប់ឆ្នោត​របស់​គណបក្ស​ប្រជាជន​កម្ពុជា គឺ​ផ្អែក​លើ​តម្រូវការ​ចាំបាច់​របស់​គណបក្ស ហើយ​មន្ត្រី​ដែល​ត្រូវ​ផ្លាស់​ចេញ​​នោះ មិនមែន​រង​ការ​បោះបង់​​ចោល​​នោះ​​ទេ តែ​នឹង​មាន​ការរៀបចំ តួនាទី​​ថ្មី​​ជំនួស​។​

​បញ្ជី​ឈ្មោះ​បេក្ខជន​ជាប់​ឆ្នោត ចេញ​ផ្សាយ​​ដោយ​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប) បង្ហាញ​ថា បេក្ខជន​ដែល​ជាប់ឆ្នោត​​ជា​តំណាង ​រាស្ត្រ​​​​របស់​​​គណបក្ស​​ប្រជាជន​​ក​ម្ពុជា មាន​តំណាងរាស្ត្រ​១០​រូប ដែល​កាន់​តំណែង​​ជា​រដ្ឋមន្ត្រី​បច្ចុប្បន្ន បាន​លាលែង​ពី​តួនាទី​តំណាងរាស្ត្រ​របស់​ខ្លួន បើ​ទោះ​​ជា​រដ្ឋ​មន្ត្រី​ទាំងនោះ បាន​ឈរឈ្មោះ​ជា​បេក្ខជន​ពេញ​សិទ្ធិ​ក៏​ដោយ​។ តំណាង​រាស្ត្រ​ទាំងនោះ​មាន លោក វង សូ​ត លោក ខៀវ កាញារីទ្ធ លោក ជា សុផារ៉ា លោក លឹម គានហោ លោក អ៊ិត សំហេង និង លោក ចម ប្រសិទ្ឋិ ជាដើម​។ ជាមួយគ្នានេះ ប្រធាន​គណបក្ស​ប្រជាជន​កម្ពុជា លោក​ជា ស៊ីម ក៏​បាន​​លាលែង​​ដែរ​។​

មន្ត្រីជាន់ខ្ពស់​គណបក្ស​ប្រជាជន​កម្ពុជា និង​ជា​ប្រធាន​គណៈកម្មការ​ហិរញ្ញវត្ថុ ធនាគារ និង សវនកម្ម​នៃ​រដ្ឋសភា លោក ជាម យៀប មានប្រសាសន៍ថា ការផ្លាស់​បេក្ខភាព​តំណាងរាស្ត្រ គឺ​ស្រប​តាម​តម្រូវការ​ចាំបាច់​របស់​​គណបក្ស​។ លោក​បន្តថា បេក្ខភាព​ដែល​ត្រូវ​ផ្លាស់ចេញ​​នោះ គឺ​អាច​នឹង​ត្រូវ​បាន​រៀប​ចំ​​ឲ្យ​​បន្ត​​តួនាទី​​ជា​​រដ្ឋ​មន្ត្រី​​ដ​ដែល ឬ​ផ្លាស់​ទៅ​បំពេញ​​ការងារ​អង្គភាព​ពាក់ព័ន្ធ​នានា តាមរយៈ​ស្នាដៃ​ការងារ និង​បទពិសោធន៍​ ៖ “​នរណា​ដែល​នៅលើ​មិនបាន​អី​ទេ អាច​មាន​តួនាទី​នៅ​ខាង​អង្គការ​និតិប្រតិបត្តិ គឺ​ខាង​រដ្ឋាភិបាល មាន​មួយ​ចំនួន​ហើយ ហើយ​មួយចំនួន​ទៀត អាច​ចាត់តាំង​ធ្វើ​ជា​មន្ត្រី​អ្វី​ផ្សេងៗ​ទៀត គេ​មិន​មាន​លះបង់​ចោល​ទេ ក៏​ប៉ុន្តែ​អ្នក​នោះ​ឯង​គេ​សំរាំង ក៏ប៉ុន្តែ​ដាក់​ដោយសារ​អ្នក​នោះ​ឯង ដូច​ថា​មាន​កេរ្តិ៍ឈ្មោះ គេ​ស្គាល់​ច្រើន ហើយ​មាន​គំនិត​ផ្សាភ្ជាប់​មហាជន​ច្រើន គេ​គ្រាន់តែ​ដាក់​តាម​អញ្ជឹង​ទៅ​”​។​

​មន្ត្រីជាន់ខ្ពស់​របស់​គ​ណ​បក្ស​ប្រជាជន​​កម្ពុជា លោក ឈាង វុន អះអាង​ប្រាប់​វិទ្យុ​​បារាំង​​អន្តរជាតិ (RFI) ថា គណបក្ស​​ប្រជាជន​កម្ពុជា កំពុង​ធ្វើ​កំណែ​ទម្រង់​​ស៊ីជម្រៅ ដើម្បី​ឆ្លើយតប​ទៅនឹង​ការចង់បាន​​របស់​អ្នកបោះឆ្នោត ដែល​បាន​សំដែង​ចេញ​តាមរយៈ​ការបោះឆ្នោត កាលពី​ថ្ងៃ​ទី​២៨ ខែកក្កដា ឆ្នាំ​២០១៣​។​

នាយក​ប្រតិបត្តិ​អង្គការ​ឃ្លាំមើល​ដំណើរការ​បោះ​ឆ្នោត ហៅ​កាត់ និ​កហ្វិច (NICFEC) លោក ហង្ស ពុទ្ធា យល់ថា ការធ្វើកំណែទម្រង់​នេះ គឺជា​យុទ្ធ​សាស្ត្រ​របស់​គណបក្ស​ប្រជាជន​​កម្ពុជា ដែល​បង្ហាញ​ថា កូន​​មន្ត្រី​ជាន់​ខ្ពស់ មាន​ឱកាស​ទទួល​តំណែង​ជា​តំណាងរាស្ត្រ បើ​ទោះបីជា​ខ្លួន​មិន​ទទួលបាន​សំឡេង​​គាំទ្រ​គ្រប់​ក៏ដោយ ហើយ​​ភាគច្រើន​នៃ​បេក្ខជន ដែល​លាលែង​​បេក្ខភាព​តំណាង​រាស្ត្រ​​នោះ គឺ​ជា​មន្ត្រី​ចាស់ទុំ និង​មាន​បទ​ពិសោធន៍​​ច្រើន ក្នុង​គណបក្ស​​នេះ​ ​៖ “​ទី​មួយ​គឺ​សាម៉ី​ខ្លួន​យល់ព្រម ឬក៏​សប្បាយ​ចិត្ត​ដើរ​ចេញ ទី​ពីរ​​ការងារ​ឯកភាព​​ផ្ទៃក្នុង​បក្ស ដូច​ជា​ការ​សន្យាថា ចេញ​ពី​តំណាង​រាស្ត្រ​មក ត្រូវ​ទទួល​តំណែង​ក្នុង​រដា្ឋភិបាល ជា​ដើម នេះ​ក៏​ជា​ដំណោះ​ស្រាយ​នៃ​ផ្ទៃ​ក្នុង​បក្ស​​ដែរ ប៉ុន្តែ​យ៉ាងណា​ក៏ដោយ សម្រាប់​ខ្ញុំៗ​មិន​គិត​ថា​តំណាងរាស្ត្រ ដែល​គាត់​បាន​ជាប់ឆ្នោត​ហើយ គាត់​សប្បាយចិត្ត នឹង​​ដើរ​​ចេញ ១០០​​ភាគរយ​​ទេ មាន​​អ្នកខ្លះ​​មិន​​ប្រាកដ​​ថា​​នឹង​​ដើរ​​ចេញ ដោយ​សារ​​ថា​គាត់​ត្រូវគោរព​ថ្នាក់លើ​របស់​គាត់ គាត់​ព្យាយាម​ដើរ​ចេញ​ដោយ​មិន​មាត់​មិន​ក“​។​

លទ្ធផល​បោះឆ្នោយ​ផ្លូវ​ការ​ដែល​ប្រកាស​​ដោយ គ​.​ជ​.​ប បង្ហាញ​ថា គណបក្ស​ប្រជាជន​​កម្ពុជា ទទួលបាន​៦៨​អាសនៈ ប្រហែល​ជា​៤៨.៨​ភាគរយ​នៃ​អ្នក​ចូល​រួម​​បោះ​ឆ្នោត​​សរុប​ ៦.៦៣​លាន​​នាក់ ហើយ​គណបក្ស​សង្គ្រោះ​ជាតិ ទទួលបាន​៥៥​​អាសនៈ ស្មើនឹង​៤៤.៥​ភាគរយ គឺ​ ២.៩២​លាន​សំឡេង​។​គណបក្ស​​ប្រជាជន​​កម្ពុជា បាន​បាត់បង់​តំណាងរាស្ត្រ​ចំនួន​២២​រូប បើ​ប្រៀបធៀប​ពី​ការបោះឆ្នោត​អាណត្តិ​ទី​៤ កាលពី​២០០៨ ដែល​ទទួលបាន​៩០​អាសនៈ​៕​

សរសេរមកកាន់លោក តាំង វីដា តាមរយៈ vida@vodhotnews.com


Tags: បោះឆ្នោត

1163

ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
​រដ្ឋ​ចំណាយ​ជាង​៧៣​លាន​ដុល្លារ​ក្នុង​មួយ​ឆ្នាំ​សម្រាប់​អតីតយុទ្ធជន​

ថ្ងៃទី1 កញ្ញា 2015, 06:27 PM

​រដ្ឋមន្ត្រី​ក្រសួង​សង្គមកិច្ច អតីតយុទ្ធជន និង​យុវនីតិសម្បទា​ន ឲ្យដឹងថា រដ្ឋាភិបាល​ចំណាយ​ប្រាក់​ជាង ៣០០​ពាន់​លាន​រៀល ឬ​ស្មើនឹង​ប្រមាណ​៧៣​លាន​ដុល្លារ​ក្នុង​មួយ​ឆ្នាំ សម្រាប់​ជា​ប្រាក់​របប​គោលនយោបាយ​ផ្ដល់​ឲ្យ​អតីតយុទ្ធជន ដើម្បី​ដោះស្រាយ​ជីវភាព​រស់នៅ​។ ​នៅ​ក្នុង​មហាសន្និបាត​តំណាង​សមាគម​អតីតយុទ្ធជន​កម្ពុជា​ទូទាំង​ប្រទេស​លើក​ទី​២ ធ្វើឡើង​ទីស្ដីការក្រសួង​នៅ​ថ្ងៃ​អង្គារ​នេះ រដ្ឋមន្ត្រី​ក្រសួង​សង្គមកិច្ច​លោក វង សូ​ត បាន​ថ្លែងថា គិត​ត្រឹម​ខែមិថុនា ឆ្នាំ​២០១៥​នេះ មាន​អតីតយុទ្ធជន​សរុប​ចំនួន ៨៧ ២៨៥​នាក់ និង​អ្នក​នៅ​ក្នុង​បន្ទុក​ចំនួន ១៤០ ៥២៨​នាក់ និង​ត្រូវ​ចំណាយ​ថវិកា​សរុប​ជាង​៣០០​ពាន់​លាន​រៀល​។ លោក​បន្តថា ប្រាក់​របប​គោលនយោបាយ​នេះ​ត្រូវបាន​កែសម្រួល​ជា​បន្តបន្ទាប់ ស្រប​តាម​ការ​ការដំឡើង​ប្រាក់បៀវត្ស​មន្ត្រីរាជការ និង​កងកម្លាំងប្រដាប់អាវុធ​។​

​ក្រសួង​មហាផ្ទៃ​ប្រកាស​​ផ្ដល់​លិខិត​ធ្វើ​ដំណើរ​សម្រាប់​ពលករ​ធ្វើការ​នៅ​បរទេស​ចាប់ពី​ខែកញ្ញា​​ទៅ​

ថ្ងៃទី28 សីហា 2015, 01:14 PM

​ក្រសួង​មហាផ្ទៃ​ឲ្យដឹងថា ខ្លួន​នឹង​ចាប់ផ្ដើម​ផ្ដល់​លិខិត​ធ្វើដំណើរ​ដល់​ពលក​រ​កម្ពុជា​ធ្វើការ​នៅ​បរទេ​សចាប់​ពី​ថ្ងៃ​ទី​១ ខែ​កញ្ញា ឆ្នាំ​២០១៥​នេះ​តទៅ ដើម្បី​ឲ្យ​ពលករ​ងាយទទួល​បាន​ការ​គាំពារ​ពេល​ចេញ​ទៅ​ធ្វើ​ការងារ​នៅ​បរទេស​។​ ​សេចក្ដីជូនដំណឹង​របស់​ក្រសួង​មហាផ្ទៃ​ចេញផ្សាយ​ថ្ងៃទី​២៥ ខែ​សីហា ឲ្យដឹងថា ចាប់ពី​ថ្ងៃ​ទី​១ ខែ​កញ្ញា ឆ្នាំ​២០១៥​នេះ តទៅ ក្រសួង​នឹង​ចាប់ផ្ដើម​ផ្ដល់​លិខិត​ធ្វើដំណើរ​ដល់​ពលក​រ​កម្ពុជា​ធ្វើការ​នៅ​បរទេស​។ សេចក្ដីជូនដំណឹង​បន្តថា លិខិត​ធ្វើដំណើរ​នោះ ជា​ឯកសារ​សម្រាប់​ធ្វើដំណើរ​ឆ្លងដែន​ពី​ប្រទេស​កម្ពុជា ទៅកាន់​ប្រទេស​ដែល​ពលករ​កម្ពុជា​ទទួល​បាន​ការអនុញ្ញាត​ឲ្យ​ស្នាក់នៅ និង​ធ្វើ​ការងារ​ជា​ផ្លូវការ​។ លិខិត​ធ្វើដំណើរ​នេះ​មាន​សុពលភាព​៥​ឆ្នាំ និង​មាន​កម្រាស់​១៦​ទំព័រ​។​

​ជនជាតិ​ព្នង​បារម្ភ​ពី​អសន្តិសុខ​ក្នុងភូមិ ខណៈ​មិន​មាន​ការទប់ស្កាត់​ល្បែងស៊ីសង​

ថ្ងៃទី26 សីហា 2015, 11:24 AM

ជនជាតិដើម​ភាគតិច​ព្នងនៅ​ភូមិ​ពូ​លូ​ង ខេត្ត​មណ្ឌលគិរី ព្រួយបារម្ភ​ពី​អសន្តិសុខ​នៅ​ក្នុង​ភូមិ ដោយ​ពួកគេ​អះអាងថាអាជ្ញាធរ​មិន​បាន​ទប់ស្កាត់​ល្បែង​ជល់​មាន់​និង​ល្បែង​ខុស​ច្បាប់​ផ្សេងៗ​ទៀតនៅក្នុង​មូលដ្ឋាន​។​ ជនជាតិដើម​ភាគតិច​ព្នង នៅ​ភូមិ​ពូ​លូ​ង សង្កាត់​រម្យ​នា ក្រុង​សែន​មនោ​រម្យ លោក យិន តេង ប្រាប់​អ្នកយក​ព័ត៌មានវីអូឌី(​VOD)នៅក្បែរ​កន្លែង​ជល់​មាន់នៅ​ថ្ងៃ​ពុធ​នេះ​ថានៅក្នុង​ភូមិ​នោះ​មាន​បើក​កន្លែង​ជល់​មាន់ អាប៉ោងនិង​លេងបៀ នៅ​ទល់មុខ​សាលា​សង្កាត់​រម្យ​នា ប្រមាណ​ជិត​១​ខែ​ហើយ ប៉ុន្តែ​មិនឃើញ​អាជ្ញាធរ​មូលដ្ឋាន​ចុះ​បង្ក្រាប​នោះទេ​។ លោក​ថា៖ “​អាជ្ញាធរ​ភូមិ​ឃុំ ប៉ូលិស មិន​បាន​ធ្វើការ​ជាក់លាក់ ហីអើៗ​ហ្នឹង​វា បើ​ថា​បណ្តោយ​អ៊ីចឹង​វា​តែងតែ​មាន​រឿង មាន​ហេតុ​ដល់​ក្រុមគ្រួសារ​ពិបាក​យើង​ដោះស្រាយ​”។

ពលរដ្ឋ​ចាក់សោនៅលើ​ផ្ទះ​ខណៈ​អាជ្ញាធរ​រៀបចំ​ឈូសឆាយ​ផ្ទះ​នៅ​ជិត​ព្រែក​ក្តាម​ព្រឹក​នេះ​

ថ្ងៃទី26 សីហា 2015, 06:40 AM

​ប្រជាពលរដ្ឋ​មួយ​គ្រួសារ​នៅ​ឃុំ​កំពង់​លួង ស្រុក​ពញាឮ​នៅជាប់​ស្ពាន​ព្រែក​ក្តាម សម្រេចចិត្ត​ចាក់សោសំងំ​លើផ្ទះ ខណៈ​សមត្ថកិច្ច​ចុះ​អនុវត្តដីកា​សាលាដំបូង​ខេត្តកណ្តាល​ឈូសឆាយ​ផ្ទះ​គាត់​នៅ​ព្រឹក​នេះ ដើម្បី​បន្ត​ការដ្ឋាន​សាងសង់​ស្ពាន​។​ ​អ្នកស្រី សូ ផល្លី​យ៉ា ប្រាប់​VOD​ថានៅ​ម៉ោង​៦​ព្រឹក​នេះ កម្លាំង​សមត្ថកិច្ច​បាន​លោម​ព័ទ្ធ​ផ្ទះ​របស់​គាត់ ហើយ​មាន​ទាំង​គ្រឿងចក្រ​ត្រៀម​ឈូសឆាយ​ផង​។ អ្នកស្រី​បញ្ជាក់ថារូបគាត់​រួមទាំង​ម្តាយ​វ័យ​៧៥​ឆ្នាំនិងកូន​ពីរ​នាក់ អាយុ​ជាង​១០​ឆ្នាំ​សម្រេចចិត្ត​ចាក់សោបិទទ្វារ​នៅលើផ្ទះ​។ អ្នកស្រី​ប្រាប់ថាពួកគាត់​សុខចិត្ត​ស្លាប់​ព្រោះ បើ​ផ្តល់​សំណង​ឲ្យ​គាត់​តិចតួច​ទៅ​នៅ​កន្លែង​ផ្សេង​ក៏​គាត់​មិន​អាច​រស់នៅ​បាន​ដែរ​។​ អ្នកស្រី​សូ ផល្លី​យ៉ា ថា​ការផ្តល់​សំណង​នេះ មិន​សមរម្យ​នោះទេ​ព្រោះ​ដី​ដែល​រដ្ឋាភិបាល​ឱ្យ​គាត់​រើ​ផ្ទះ​ទៅ​នោះ​មិនមែន​ជា​កន្លែង​រកស៊ី ហើយ​ទីធ្លា​ដី​នោះ​តូច​ជាង​ដី​របស់​អ្នកស្រី រីឯ​សំណង​ចំនួន១​ម៉ឺន​ដុល្លារ ​អ្នកស្រី​ថាគ្រាន់តែ​ចំណាយ​ទៅ​ការ​រើ​ផ្ទះ​ចុះ​ឡើងក៏ស្ទើរតែ​មិន​គ្រប់​ផង​។ អ្នកស្រី​ទាមទារ​សំណង៣៨០០០​ដុល្លារ​អាមេរិក ទើប​ព្រម​ចាកចេញ​។​ ​ដំបូង​ដីកា​សាលាដំបូង​ខេត្តកណ្តាល សម្រេច​ឈូសឆាយ​នៅ​ថ្ងៃ​ទី​២៤​ខែ​សីហា បន្ទាប់​មក​ថា ឈូសឆាយ​នៅ​ថ្ងៃទី​២៧ តែ​កម្លាំង​សមត្ថកិច្ច​បែរជា​រៀបចំ​ឈូសឆាយ​នៅ​ព្រឹក​ថ្ងៃទី​២៦​ខែសីហានេះ​ទៅ​វិញ​។ អ្នកស្រី​សូ ផល្លី​យ៉ា បាន​ដាក់​លិខិត​ស្នើ​សុំ​អន្តរាគមន៍​ពី​រដ្ឋសភា ហើយលោក ហេង សំរិន ប្រធានរដ្ឋសភា បាន​ចារ​កាលពី​ម្សិលមិញ​ឲ្យ​ពន្យារពេល​ឈូសឆាយសិន ដើម្បី​បន្ត​ចរចា​រក​ដំណោះស្រាយ​បន្ត​៕ សូមសរសេរមកកាន់លោក ពៅ មេត្តា តាមរយៈ minpov@vodhotnews.com  

​សាលា​រាជធានី​នឹង​ឈប់​ឲ្យមាន​ទីតាំង​រថយន្ត​ដឹក​ឣ្ន​ក​ដំណើរក្នុង​ក្រុង​ដើម្បី​កុំឲ្យ​កកស្ទះ​

ថ្ងៃទី21 សីហា 2015, 01:37 PM

សាលា​រាជធានី​ភ្នំពេញប្រកាស​ឲ្យ​តំណាង​ក្រុមហ៊ុន​ដែល​មាន​រថយន្ត​ដឹក​អ្នកដំណើរនិង​រថ​យន្ត​​ធំៗ​ដទៃ​ទៀត​ត្រូវ​រួសរាន់រក​ទីតាំង​ចំណត​របស់​ខ្លួន​នៅ​ឆ្ងាយ​ពី​ទីប្រជុំជន ដើម្បី​កាត់បន្ថយ​ការកកស្ទះនិង​គ្រោះថ្នាក់​ចរាចរណ៍​ក្នុង​រាជធានី​ភ្នំពេញ​។​ ​អភិបាល​រាជធានី​ភ្នំពេញ លោក ប៉ា សុជាតិ​វង្ស កាលពី​ថ្ងៃ​ទី​២០ ខែសីហា​ម្សិលមិញ បាន​រំឭក​ដល់​ប្រធាន​ក្រុមហ៊ុន​ដឹក​អ្នកដំណើរនិង​រថយន្ត​ដឹកទំនិញ​ធំៗ​ដទៃ​ទៀត​ថានៅ​ឆ្នាំ​២០១៦​ខាងមុខនេះ សាលា​រាជធានីនឹង​មិន​អនុញ្ញាត​ឲ្យ​ក្រុមហ៊ុន​ទាំងនោះ​យក​ទីតាំង​ណាមួយ​ក្នុង​រាជ​ធានី​ភំ​ពេញធ្វើជា​កន្លែង​ចត​រថយន្ត​ទៀត​ទេ ដោយ​លោក​អះអាងថាវិធានការ​នេះ​ដើម្បី​កាត់បន្ថយ​ការកកស្ទះដែល​កំពុង​កើតមាន​នា​បច្ចុប្បន្ននេះនិង​ទប់ស្កាត់​គ្រោះថ្នាក់​ចរាចរណ៍​ផ្សេងៗ​ដល់​អ្នកធ្វើដំណើរ​។​ ប្រធាន​សមាគម​រថយន្ត​ក្រុង​ដឹក​អ្នកដំណើរ និង​ជា​ប្រធាន​ក្រុមហ៊ុន​ភ្នំពេញ​សូរិយា​ដឹក​អ្នកដំណើរដែល​មាន​ទីតាំង​ជិតផ្ស​ធំថ្មី លោក ឆឹម ចាន់ណា អះអាងថាកិច្ចប្រជុំ​នៅ​សាលា​រាជធានី​ភ្នំពេញ កាល​ពី​ម្សិលមិញ​នេះ ក្រុមហ៊ុន​ដឹក​អ្នកដំណើរ​ទាំងអស់​មិន​ជំទាស់​នឹង​ការរៀបចំ​សណ្តាប់​​ធ្នា​ប់​ក្នុង​រាជធានី​ទេ​។​ ប៉ុន្តែ​លោក​ថាភាគី​ក្រុមហ៊ុន​នឹង​បន្ត​ពិភាក្សា​ជាមួយ​មន្ត្រី​សាលា​រាជធានី​បន្ថែមទៀត ដើម្បី​រក​ដំណោះស្រាយ​ជុំវិញ​ការចំណាយ​បន្ថែម​របស់​ក្រុមហ៊ុនក្នុង​ការសម្រួល​ដល់​អ្នកដំណើរលើ​ការដឹកជញ្ជូន​ពី​ទីប្រជុំជន​ទៅ​ទីតាំង​ថ្មី​នៅ​ជាយក្រុង​។ លោក​ថា ករណី​នេះ​ក្រុមហ៊ុន​អាច​នឹង​ពិចារណាពី​ការ​ដំឡើង​ថ្លៃ​សំបុត្រ​បន្ថែមទៀត​។ លោក​ថា​៖ “​ប្រហែល​ជា​អាច​ពីព្រោះថា បើសិន​ជា​សេវា​ដឹកជញ្ជូន​ហ្នឹង ឬ​ចំណាយ​ធំ​លើ​ទីតាំង ឬ​ចំណាយ​អី​ផ្សេងៗ អាហ្នឹង​យើង​មិនទាន់​ដឹង​ច្បាស់ ចាំ​មើល​ជាក់ស្តែង​សិន ខ្ញុំ​មិន​ទាន់​ហ៊ាន​ថា​តើ​ត្រូវ​ដំឡើង​​ឬ​យ៉ាងម៉េច យើង​នឹង​ពិភាក្សា​គ្នា​សិន​”​។​ ​ប្រធាន​សហព័ន្ធ​សហជីព​វិស័យ​ទេសចរណ៍របស់​សហភាព​ការងារ​កម្ពុជា លោក ម៉ម រិទ្ធី បាន​ស្វាគមន៍​ទៅនឹង​វិធានការ​កាត់បន្ថយ​ការកកស្ទះ​ក្នុង​រាជធានី​ភ្នំពេញ​នេះ ប៉ុន្តែ​លោក​ជំរុញ​ឲ្យ​វិធាន​ការនេះធ្វើ​ដោយ​ស្មើភាព​គ្នាមិន​ភ្ជាប់​នឹង​អំពើ​ពុករលួយ ដើម្បី​ទប់ស្កាត់​ក្រុមហ៊ុននិង​ជន​ខិល​ខូច​មួយចំនួន ដែល​លោក​ថាមាន​ខ្នងបង្អែក​ពី​មន្ត្រី​រដ្ឋាភិបាល​បំពាន​លើ​វិធានការ​នេះ​តែ​គ្មាន​ទោស​ពៃ​។ លោក​ថា​៖ “​ឡាន​ក្រុមហ៊ុន​ច្រើនណាស់ ពេល​គាត់​(​សាលា​រាជធានី​)​ប្រកាស​ហើយ គាត់​(​ក្រុមហ៊ុន​ដឹក​អ្នកដំណើរ​)​អត់​ធ្វើ​តាម ហើយ​បេន​ចំណត​ហ្នឹង​គឺ​យក​ទៅ​ទុកចោល​ទេ អត់​មាន​ឡាន​ណា​ទៅ​ចត​ទេ​។ អ៊ីចឹង​យើង​ឃើញថា បើ​គាត់​ធ្វើ​អ៊ីចឹង​ជា​រឿង​ល្អប្រសើរ ប៉ុន្តែ​គ្រាន់​ថា ការអនុវត្ត​នោះ វា​អត់​បាន ហើយ​វា​មាន​ភាពលម្អៀង​បក្ខពួក​ច្រើន​នៅក្នុង​ហ្នឹង​។ មាន​អ្នកខ្លះ​គេ​ទៅ​ចត​នៅ​ចំណត​ហ្នឹង​ទៅ អ្នកខ្លះ​អត់​ទេ អត់​មាន​ខ្សែ​បក្ខពួក ក្រុមហ៊ុន​គេ​ខ្សោយៗ​ក៏​ទៅៗ អ្នកណា​ខ្លាំង​មក​ក្នុង​ក្រុង​ដដែល​”​។​ វីអូឌី(VOD)មិន​អាច​ស្វែងរក​ការបញ្ជាក់​បន្ថែម​ពី​អ្នកនាំពាក្យ​សាលា​រាជធានី​ភ្នំពេញ លោក ឡុង ឌី​ម៉ង់ ដើម្បី​សុំ​បញ្ជាក់​ពិ​វិធានការ​ទប់ស្កាត់ឬ​ជំរុញ​ឲ្យ​ការអនុវត្ត​វិធានការ​នេះ​ដោយ​ស្មើភាព​គ្នា​ទេ ដោយ​ទូរសព្ទរបស់លោកមិនអាច​ទាក់ទង​បាន។ ប៉ុន្តែ​បើ​តាម​សាលា​រាជធានី​ភ្នំពេញ​អះអាងថា យ៉ាង​យូរ​៥​ឆ្នាំ​ទៀត គម្រោង​ដឹកជញ្ជូន​ផ្លូវដែក​លើ​អាកាស​៣​ខ្សែនឹង​ជួយ​កាត់បន្ថយ​ការកក​ស្ទះ​។​ ​កន្លង​ទៅ​សាលា​រាជធានី​ភ្នំពេញធ្លាប់​បរាជ័យ​ម្តង​ហើយពី​វិធានការ​ទប់ស្កាត់​មិនឲ្យ​រថយន្ត​ដឹក​អ្នកដំណើរចូល​រាជធានី​ភ្នំពេញ ដើម្បី​កាត់បន្ថយ​ការកកស្ទះ​នេះ ដោយសារ​តែ​ក្រុមហ៊ុន​ដែល​ម៉ៅការ​ចំណតរថយន្តនៅ​ជាយក្រុង​នោះ ប្រើ​កម្លាំង​សន្តិសុខ​រារាំងអ្នកបើកប​រហើយ​បង្ក​ឲ្យមាន​​ហិង្សា​ច្រើនដង ទើប​រដ្ឋាភិបាល​សម្រេច​ឲ្យ​រថយន្ត​ទាំង​នោះ​បើក​ចូល​រាជធានី​ដូចដើម​វិញ​៕ ​សូម​សរសេរ​មក​លោក ញឹម សុខន តាមរយៈ sokhorn@vodhotnews.com

មន្ត្រី​ក្រសួង​មហាផ្ទៃ​ថា​រូបភាព​នៃ​ការជួញដូរ​មនុស្ស​មានភាព​សាំ​ញ៉ាំ​ពិបាក​ចាប់​ជនល្មើស​

ថ្ងៃទី19 សីហា 2015, 05:15 PM

​មន្ត្រីជាន់ខ្ពស់​ក្រសួង​មហាផ្ទៃ​លើកឡើងថា អាជ្ញាធរ​មាន​ការពិបាក​ក្នុង​ការតាមដាន​ចាប់​មេខ្យល់និង​មេខ្លោង​ជួញដូរ​មនុស្ស ក៏ដូចជា​ពិបាក​ក្នុង​ការកំណត់​អត្តសញ្ញាណ​ជនរងគ្រោះ ដោយ​អះអាង​ថាដោយសារ​តែ​រូបភាព​នៃ​ការ​ឆបោកនិង​ជួញដូរ​មាន​ភាព​សាំ​ញ៉ាំ​​។​ ​រដ្ឋលេខាធិការ​ក្រសួងមហាផ្ទៃនិង​ជា​អនុប្រធាន​អចិន្ត្រៃយ៍​របស់​គណៈកម្មាធិកា​រ​ជាតិ​ប្រយុទ្ធ​ប្រឆាំង​ការជួញដូរ​មនុស្ស លោកស្រី ជូ ប៊ុន​អេង បាន​ថ្លែង​បែប​នេះ​ប្រាប់​អ្នកសារព័ត៌មាន បន្ទាប់​ពី​លោកស្រី​បញ្ចប់​សុន្ទរកថា​​នៅ​ក្នុង​សន្និ​សីទ​មួយ​នៅ​ព្រឹក​ថ្ងៃ​ពុធ​នេះ ស្តី​អំពី​ការអនុវត្ត​ល្អ​​នៃ​គម្រោង​ប្រយុទ្ធប្រឆាំង​អំពើ​ជួញដូរ​មនុស្សនិង​យុទ្ធសាស្ត្រ​ទៅ​ថ្ងៃ​អនាគត​។ 

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To