ព័ត៌មានថ្ងៃនេះ រដ្ឋាភិបាលសម្រេច​ឈប់យកលុយ​ផ្លូវ​១២៣ នៅស្រុកបាទី ខេត្ត​តាកែវ​លោក​កឹម សុខា​៖ ខ្ញុំ​ខំប្រឹងប្រែង​មិន​ឲ្យ​បក្ស​និង​ជាតិ​បែកបាក់​អាជ្ញាធរ​នឹង​បិទ​ផ្លូវ​មួយចំនួន​នៅក្នុង​សៀមរាប​ដើម្បី​ឲ្យ​ពលរដ្ឋ​ចូលរួម​ដង្ហែ​តុក្កតា​យក្ស​​កម្មករ​ស្លាប់​២​នាក់​និង​របួស​ជិត​២០​នាក់​ក្នុង​គ្រោះថ្នាក់​ចរាចរណ៍​នៅ​ព្រៃវែង​នៅ​ព្រឹក​នេះ​អតីត​អ្នកបើក​រថយន្ត​ឲ្យ​ក្រុមហ៊ុន​កា​ពី​តូ​ល​ជាង​២០នាក់​រងរបួស​ធ្ងន់ និង ស្រាល​ស្ត្រី​ខ្មែរ​៣​នាក់​សង្គ្រោះ​ពី​ការជួញដូរ​ទៅ​ចិន​នឹង​បញ្ជូន​មក​កម្ពុជា​វិញ​នៅ​ថ្ងៃស្អែក​​ក្លឹប​អ្នកកាសែត​ជំរុញ​ឲ្យមាន​ការស៊ើបអង្កេ​ត​ករណី​ឃាតកម្ម​ស្លាប់​អ្នកកាសែត​ម្នាក់​នៅ​កំពង់ស្ពឺ​រញ្ជួយ​ដី​បាក់​អគារ​នៅ​តៃវ៉ាន់​សម្លាប់​មនុស្ស​៣​នាក់​មនុស្សរាប់ម៉ឺននាក់កកស្ទះនៅស្ថានីយរថភ្លើងក្នុង​ប្រទេស​ចិនសហជីព​មួយ​ស្នើអភិបាលខេត្តកំពង់ស្ពឺអន្តរាគមន៍ដោះលែងមន្ត្រីខ្លួន២នាក់ដែលត្រូវសមត្ថកិច្ចចាប់ខ្លួន

ថ្ងៃអាទិត្យ ទី7 កុម្ភៈ 2016
អំពីវីអូឌី | ទំនាក់ទំនង

ព័ត៌មានថ្មីបំផុត

ការផ្លាស់ប្តូរ​​បេក្ខភាព​​តំណាង​រាស្ត្រ​​របស់ CPP គឺ​ស្រប​តាម​តម្រូវការ​បក្ស​​

ដោយ៖​ តាំង វីដា និង ដួង សុខា​ | ថ្ងៃចន្ទ ទី9 កញ្ញា 2013, 11:33 AM​

ស្តាប់សំឡេង៖​

ចម្លងទុក

​មន្ត្រីជាន់ខ្ពស់​គណបក្ស​ប្រជាជន​​កម្ពុជា (CPP) អះអាង​នៅ​ព្រឹក​ថ្ងៃ​ចន្ទ​នេះ​ថា ការផ្លាស់ប្តូរ​បេក្ខភាព​តំណាងរាស្ត្រ ជាប់ឆ្នោត​របស់​គណបក្ស​ប្រជាជន​កម្ពុជា គឺ​ផ្អែក​លើ​តម្រូវការ​ចាំបាច់​របស់​គណបក្ស ហើយ​មន្ត្រី​ដែល​ត្រូវ​ផ្លាស់​ចេញ​​នោះ មិនមែន​រង​ការ​បោះបង់​​ចោល​​នោះ​​ទេ តែ​នឹង​មាន​ការរៀបចំ តួនាទី​​ថ្មី​​ជំនួស​។​

​បញ្ជី​ឈ្មោះ​បេក្ខជន​ជាប់​ឆ្នោត ចេញ​ផ្សាយ​​ដោយ​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប) បង្ហាញ​ថា បេក្ខជន​ដែល​ជាប់ឆ្នោត​​ជា​តំណាង ​រាស្ត្រ​​​​របស់​​​គណបក្ស​​ប្រជាជន​​ក​ម្ពុជា មាន​តំណាងរាស្ត្រ​១០​រូប ដែល​កាន់​តំណែង​​ជា​រដ្ឋមន្ត្រី​បច្ចុប្បន្ន បាន​លាលែង​ពី​តួនាទី​តំណាងរាស្ត្រ​របស់​ខ្លួន បើ​ទោះ​​ជា​រដ្ឋ​មន្ត្រី​ទាំងនោះ បាន​ឈរឈ្មោះ​ជា​បេក្ខជន​ពេញ​សិទ្ធិ​ក៏​ដោយ​។ តំណាង​រាស្ត្រ​ទាំងនោះ​មាន លោក វង សូ​ត លោក ខៀវ កាញារីទ្ធ លោក ជា សុផារ៉ា លោក លឹម គានហោ លោក អ៊ិត សំហេង និង លោក ចម ប្រសិទ្ឋិ ជាដើម​។ ជាមួយគ្នានេះ ប្រធាន​គណបក្ស​ប្រជាជន​កម្ពុជា លោក​ជា ស៊ីម ក៏​បាន​​លាលែង​​ដែរ​។​

មន្ត្រីជាន់ខ្ពស់​គណបក្ស​ប្រជាជន​កម្ពុជា និង​ជា​ប្រធាន​គណៈកម្មការ​ហិរញ្ញវត្ថុ ធនាគារ និង សវនកម្ម​នៃ​រដ្ឋសភា លោក ជាម យៀប មានប្រសាសន៍ថា ការផ្លាស់​បេក្ខភាព​តំណាងរាស្ត្រ គឺ​ស្រប​តាម​តម្រូវការ​ចាំបាច់​របស់​​គណបក្ស​។ លោក​បន្តថា បេក្ខភាព​ដែល​ត្រូវ​ផ្លាស់ចេញ​​នោះ គឺ​អាច​នឹង​ត្រូវ​បាន​រៀប​ចំ​​ឲ្យ​​បន្ត​​តួនាទី​​ជា​​រដ្ឋ​មន្ត្រី​​ដ​ដែល ឬ​ផ្លាស់​ទៅ​បំពេញ​​ការងារ​អង្គភាព​ពាក់ព័ន្ធ​នានា តាមរយៈ​ស្នាដៃ​ការងារ និង​បទពិសោធន៍​ ៖ “​នរណា​ដែល​នៅលើ​មិនបាន​អី​ទេ អាច​មាន​តួនាទី​នៅ​ខាង​អង្គការ​និតិប្រតិបត្តិ គឺ​ខាង​រដ្ឋាភិបាល មាន​មួយ​ចំនួន​ហើយ ហើយ​មួយចំនួន​ទៀត អាច​ចាត់តាំង​ធ្វើ​ជា​មន្ត្រី​អ្វី​ផ្សេងៗ​ទៀត គេ​មិន​មាន​លះបង់​ចោល​ទេ ក៏​ប៉ុន្តែ​អ្នក​នោះ​ឯង​គេ​សំរាំង ក៏ប៉ុន្តែ​ដាក់​ដោយសារ​អ្នក​នោះ​ឯង ដូច​ថា​មាន​កេរ្តិ៍ឈ្មោះ គេ​ស្គាល់​ច្រើន ហើយ​មាន​គំនិត​ផ្សាភ្ជាប់​មហាជន​ច្រើន គេ​គ្រាន់តែ​ដាក់​តាម​អញ្ជឹង​ទៅ​”​។​

​មន្ត្រីជាន់ខ្ពស់​របស់​គ​ណ​បក្ស​ប្រជាជន​​កម្ពុជា លោក ឈាង វុន អះអាង​ប្រាប់​វិទ្យុ​​បារាំង​​អន្តរជាតិ (RFI) ថា គណបក្ស​​ប្រជាជន​កម្ពុជា កំពុង​ធ្វើ​កំណែ​ទម្រង់​​ស៊ីជម្រៅ ដើម្បី​ឆ្លើយតប​ទៅនឹង​ការចង់បាន​​របស់​អ្នកបោះឆ្នោត ដែល​បាន​សំដែង​ចេញ​តាមរយៈ​ការបោះឆ្នោត កាលពី​ថ្ងៃ​ទី​២៨ ខែកក្កដា ឆ្នាំ​២០១៣​។​

នាយក​ប្រតិបត្តិ​អង្គការ​ឃ្លាំមើល​ដំណើរការ​បោះ​ឆ្នោត ហៅ​កាត់ និ​កហ្វិច (NICFEC) លោក ហង្ស ពុទ្ធា យល់ថា ការធ្វើកំណែទម្រង់​នេះ គឺជា​យុទ្ធ​សាស្ត្រ​របស់​គណបក្ស​ប្រជាជន​​កម្ពុជា ដែល​បង្ហាញ​ថា កូន​​មន្ត្រី​ជាន់​ខ្ពស់ មាន​ឱកាស​ទទួល​តំណែង​ជា​តំណាងរាស្ត្រ បើ​ទោះបីជា​ខ្លួន​មិន​ទទួលបាន​សំឡេង​​គាំទ្រ​គ្រប់​ក៏ដោយ ហើយ​​ភាគច្រើន​នៃ​បេក្ខជន ដែល​លាលែង​​បេក្ខភាព​តំណាង​រាស្ត្រ​​នោះ គឺ​ជា​មន្ត្រី​ចាស់ទុំ និង​មាន​បទ​ពិសោធន៍​​ច្រើន ក្នុង​គណបក្ស​​នេះ​ ​៖ “​ទី​មួយ​គឺ​សាម៉ី​ខ្លួន​យល់ព្រម ឬក៏​សប្បាយ​ចិត្ត​ដើរ​ចេញ ទី​ពីរ​​ការងារ​ឯកភាព​​ផ្ទៃក្នុង​បក្ស ដូច​ជា​ការ​សន្យាថា ចេញ​ពី​តំណាង​រាស្ត្រ​មក ត្រូវ​ទទួល​តំណែង​ក្នុង​រដា្ឋភិបាល ជា​ដើម នេះ​ក៏​ជា​ដំណោះ​ស្រាយ​នៃ​ផ្ទៃ​ក្នុង​បក្ស​​ដែរ ប៉ុន្តែ​យ៉ាងណា​ក៏ដោយ សម្រាប់​ខ្ញុំៗ​មិន​គិត​ថា​តំណាងរាស្ត្រ ដែល​គាត់​បាន​ជាប់ឆ្នោត​ហើយ គាត់​សប្បាយចិត្ត នឹង​​ដើរ​​ចេញ ១០០​​ភាគរយ​​ទេ មាន​​អ្នកខ្លះ​​មិន​​ប្រាកដ​​ថា​​នឹង​​ដើរ​​ចេញ ដោយ​សារ​​ថា​គាត់​ត្រូវគោរព​ថ្នាក់លើ​របស់​គាត់ គាត់​ព្យាយាម​ដើរ​ចេញ​ដោយ​មិន​មាត់​មិន​ក“​។​

លទ្ធផល​បោះឆ្នោយ​ផ្លូវ​ការ​ដែល​ប្រកាស​​ដោយ គ​.​ជ​.​ប បង្ហាញ​ថា គណបក្ស​ប្រជាជន​​កម្ពុជា ទទួលបាន​៦៨​អាសនៈ ប្រហែល​ជា​៤៨.៨​ភាគរយ​នៃ​អ្នក​ចូល​រួម​​បោះ​ឆ្នោត​​សរុប​ ៦.៦៣​លាន​​នាក់ ហើយ​គណបក្ស​សង្គ្រោះ​ជាតិ ទទួលបាន​៥៥​​អាសនៈ ស្មើនឹង​៤៤.៥​ភាគរយ គឺ​ ២.៩២​លាន​សំឡេង​។​គណបក្ស​​ប្រជាជន​​កម្ពុជា បាន​បាត់បង់​តំណាងរាស្ត្រ​ចំនួន​២២​រូប បើ​ប្រៀបធៀប​ពី​ការបោះឆ្នោត​អាណត្តិ​ទី​៤ កាលពី​២០០៨ ដែល​ទទួលបាន​៩០​អាសនៈ​៕​

សរសេរមកកាន់លោក តាំង វីដា តាមរយៈ vida@vodhotnews.com


Tags: បោះឆ្នោត

1268

ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
នាយករដ្ឋមន្រ្តីបញ្ជាឲ្យ​ផ្តល់​ឯកសារ​អត្តសញ្ញាណជូនពលរដ្ឋឲ្យបានលឿន

ថ្ងៃទី5 កុម្ភៈ 2016, 04:14 PM

ប្រមុខរដ្ឋាភិបាលបញ្ជាទៅមន្ត្រីជំនាញពន្លឿនឲ្យផ្តល់សេវា​ធ្វើឯកសារអត្តសញ្ញាណជូនប្រជាពលរដ្ឋឲ្យបាន​លឿនខណៈលោកទទួលស្គាល់ពីភាពយឺតយ៉ាវនៃផ្តល់សេវាកម្មនេះកន្លងមក​។ ក្នុងពិធីចែកសញ្ញាបត្រដល់និស្សិតដែលធ្វើឡើងនៅរាជធានីភ្នំពេញនៅថ្ងៃ​សុក្រនេះលោក ហ៊ុន សែន បានថ្លែងថាអាជ្ញាធរ​គ្រប់ជាន់ថ្នាក់ត្រូវពន្លឿនចំពោះការធ្វើសៀវភៅគ្រួសារនិង​អត្តសញ្ញាណប័ណ្ណជូន​​ប្រជាពលរដ្ឋដោយលោកថាកន្លងមក​មន្ត្រីគ្រប់ជាន់ថ្នាក់​បង្កការលំបាកដល់ពលរដ្ឋ។ លោកបន្តថា៖”បញ្ហាស្ថិតនៅត្រង់ថា​ធ្វើការវាស្ទក់តែប៉ុណ្ណឹងទេតែគេកើតមកអាហ្នឹងតម្រូវ​ការ​ប្រទេស​ជាតិអាហ្នឹង​សេវាតម្រូវ​ការ​មនុស្សម្នាក់ៗត្រូវ​មាន​អត្តសញ្ញាណប័ណ្ណអាហ្នឹង​សេវាតម្រូវ​ការ​សៀវភៅគ្រួសារ​ដូច្នេះត្រូវ​ធ្វើអាហ្នឹងឲ្យល្អមន្ត្រីគ្រប់ថ្នាក់​ធ្វើកិច្ចការហ្នឹង​ឲ្យល្អ”។ អ្នកនាំពាក្យ​អគ្គនាយក​ដ្ឋានអត្តសញ្ញាណកម្មលោក ចាន់ គីមសេង មានប្រសាសន៍ថាការធ្វើអត្តសញ្ញាណប័ណ្ណនិង​សៀវភៅគ្រួសារនគរបាលនៅក្នុងមូលដ្ឋាន​ជា​អ្នក​ធ្វើ​ជូនប្រជាពលរដ្ឋ។ ប៉ុន្តែលោកថាការ​យឺតយ៉ាវក្នុងការធ្វើឯកសារទាំងនោះ​មិនមែនជាកំហុស​របស់អាជ្ញាធរ​នោះទេគឺជាកំហុស​របស់ប្រជាពលរដ្ឋដែលមិនមានឯកសារ​គ្រប់គ្រាន់ជាពិសេសអ្នកផ្លាស់ទីលំនៅថ្មី។ លោកបន្ថែមថា​​៖ “យើងដឹងហើយមួយរយៈកន្លងមក​នេះ​គឺហេដ្ឋារចនាសម្ព័ន្ធរូបវ័ន្តពិសេសផ្លូវ​ដែលគេពង្រីកផ្លូវ​បានច្រើនខ្សែច្រើនអីចឹងទៅប្រជាជនគាត់ចាប់ផ្តើមពង្រីកទីលំនៅគាត់នៅតំបន់អស់ហ្នឹងអញ្ចឹងមួយចំនួនអស់ហ្នឹង​ដែលនៅមានបញ្ហារឿង​ឯកសារ​សម្រាប់ការផ្លាស់ទីលំនៅរបស់គាត់...បាទនេះមិនមែនពាក់ព័ន្ធនឹង​អាជ្ញាធរទេ​ព្រោះអីការងារហ្នឹងវាជាការងារ​គេធ្វើជាប្រចំាទៅហើយ”។ នាយកប្រតិបត្តិសម្ព័ន្ធគណនេយ្យភាពសង្គមកម្ពុជាលោក សន ជ័យ ​យល់ថាដើម្បី​អនុវត្តតាមការលើឡើង​របស់លោក ហ៊ុន សែន ឲ្យមានប្រសិទ្ធិភាពលុះត្រា​តែរដ្ឋាភិបាលត្រូវ​បញ្ជូនអ្នកជំនាញបណ្តុះបណ្តាលមន្ត្រីថ្នាក់ក្រោមនិង​ផ្តល់សម្ភារៈ បច្ចេកទេសឲ្យ​បានគ្រប់គ្រាន់ដល់មន្រ្តីជំនាញ​។ ប៉ុន្តែលោកហាក់មិនមានជំនឿលើរដ្ឋាភិបាលក្នុង​ការដោះស្រាយ​បញ្ហា​ទំាងនោះ​។ លោកបន្តថា៖ ”យើងចង់ឲ្យការផ្តល់សេវាគឺធ្វើឡើង​ទៅតាមភូមិនីមួយៗឲ្យចប់មួយភូមិហើយចំាទៅមួយភូមិទៀតនៃសង្កាត់នីមួយៗហ្នឹង ប៉ុន្តែបើសិនដូចប្រព័ន្ធសព្វថ្ងៃនេះខ្ញុំមិនមានជំនឿទាល់តែសោះថាប្រជាពលរដ្ឋនឹង​អាចធ្វើអត្តសញ្ញាណប័ណ្ណបានលឿននោះជាពិសេសប្រជាពលរដ្ឋនៅក្រុងភ្នំពេញហ្នឹងឯង”។ បើតាមអ្នកនាំពាក្យ​អគ្គនាយក​ដ្ឋានអត្តសញ្ញាណកម្មរហូត​មក​ដល់ពេលនេះក្រសួងមហាផ្ទៃ​បាន​​ធ្វើអត្តសញ្ញា​ណប័ណ្ណគំរូចាស់ដល់ប្រជា​ពលរដ្ឋ​​​ប្រមាណ​៩លាននាក់និង​គំរូថ្មី​ប្រមាណ៦លានកន្លះនាក់​គឺនៅសល់ប្រជា​ពលរដ្ឋ​ជាង​៣​លាន​នាក់​ទៀត ដែលនឹងត្រូវធ្វើអត្តសញ្ញាណប័ណ្ណគំរូថ្មី​ឲ្យ៕ សូម​សរសេរ​មក​កាន់​លោក ណាត សុភាព តាមរយៈ pheap@vodhotnews.com

ក្រសួងព័ត៌មានតម្រូវឲ្យទូរទស្សន៍ខ្សែកាបទាំងអស់ចាក់ផ្សាយវណ្ណកម្មខ្មែរក្នុងម៉ោងមាស

ថ្ងៃទី4 កុម្ភៈ 2016, 01:11 PM

រដ្ឋមន្ត្រីក្រសួងព័ត៌មានតម្រូវឲ្យម្ចាស់ស្ថានីយទូរទស្សន៍ខ្សែកាបទាំងអស់ដែលកំពុងដំណើរការនៅកម្ពុជា ត្រូវចាក់ផ្សាយវណ្ណកម្មខ្មែរចាប់ពីម៉ោង៧យប់ដល់ម៉ោង៩យប់ ដូចស្ថានីយទូរទស្សន៍ទូទៅផ្សេងទៀតដែរ។  នៅក្នុងលិខិតចុះថ្ងៃទី១ ខែកុម្ភៈ រដ្ឋមន្ត្រីក្រសួងព័ត៌មានលោក ខៀវ កាញារីទ្ធ លើកឡើងថា កន្លងមក ក្រសួងបានពិនិត្យឃើញថា នៅតាមស្ថានីយទូរទស្សន៍ខ្សែកាប និងទូរទស្សន៍ប្រភេទផ្សេងៗទៀត បានបង្កើតប៉ុស្តិ៍សម្រាប់ចាក់ផ្សាយខ្សែភាពយន្ត វីដេអូ ខារ៉ាអូខេ និងកម្មវិធីកម្សាន្តផ្សេងៗ បន្ថែមលើប៉ុស្តិ៍ទូរទស្សន៍បរទេសដែលបានផ្សាយបន្ត។  លិខិតបន្តថា ដើម្បីបំផុស លើកស្ទួយវិស័យសិល្បៈ វប្បធម៌ និងអត្តសញ្ញាណជាតិខ្មែរឲ្យកាន់តែមានការរីកចម្រើនថែមទៀត ក៏ដូចជារួមចំណែកផ្តល់តម្លៃ និង ឪកាសកាងារដល់សិល្បៈករ សិល្បៈការិនីខ្មែរ មានការងារធ្វើ និងបានបញ្ចេញស្នាដៃ និងទេពកោសល្យរបស់ខ្លួន ក្រសួងតម្រូវស្ថានីយទូរទស្សន៍ខ្សែកាប និងទូរទស្សន៍គ្រប់ប្រភេទ ត្រូវចាក់ផ្សាយវណ្ណកម្មខ្មែរចាប់ពីម៉ោង៧ល្ងាចដល់ម៉ោង៩ល្ងាច ចាប់ពីថ្ងៃទី១ ខែកុម្ភៈតទៅ។ កាលពីខែកញ្ញា ឆ្នាំ២០១៥ រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ បានចេញលិខិតមួយច្បាប់តម្រូវឲ្យស្ថានីយទូរទស្សន៍ត្រូវចាក់ផ្សាយវណ្ណកម្មខ្មែរចាប់ពីម៉ោង៧យប់ដល់ម៉ោង៩យប់។ លោកបានព្រមានដកអាជ្ញាប័ណ្ណស្ថានីយទូរទស្សន៍ណាដែលនៅតែចាក់ផ្សាយរាល់កម្មវិធីបរទេសនៅចន្លោះម៉ោងនេះទៀត។ អនុរដ្ឋលេខាធិការក្រសួងព័ត៌មាន លោក អ៊ុក គឹមសេង មានប្រសាសន៍ថា ការចេញលិខិតជាថ្មីរបស់ក្រសួងនាពេលនេះ គឺផ្តោតបន្ថែមទៅលើស្ថានីយទូរទស្សន៍ខ្សែកាបក្នុងស្រុក។ លោកបញ្ជាក់ថា ការតម្រូវនេះគឺសម្រាប់តែប៉ុស្តិ៍ដែលទូរទស្សន៍ខ្សែកាបនោះបង្កើតបន្ថែមដោយខ្លួនឯងប៉ុណ្ណោះ ចំពោះប៉ុស្តិ៍ដែលទូរទស្សន៍ខ្សែកាបផ្សាយបន្តពីប៉ុស្តិ៍បរទេសគឺក្រសួងមិនតម្រូវអោយបញ្ឈប់ការផ្សាយទេ។ លោកថា៖ “អ្វីដែលគេផ្សាយបន្តភាសាបរទេសមកខ្សែកាបនោះណាមិនទាក់ទងជាមួយអាហ្នឹងទេ ប៉ុន្តែសំខាន់ក្រៅពីខ្សែភាពយន្តបរទេសដែលគេបកប្រែភាសាខ្មែរនោះណា ហ្នឹងហើយដែលយើងឲ្យប៉ុស្តិខ្សែកាបហ្នឹងផ្អាកការផ្សាយអស់ហ្នឹងរយៈពេលពីរម៉ោងហ្នឹង”។ បើតាមលោក អ៊ុក គឹមសេង ក្រសួងនឹងចាត់វិធានការទៅតាមផ្លុវច្បាប់ទៅលើម្ចាស់ស្ថានីយទូរទស្សន៍ខ្សែកាបណាដែលមិនគោរពតាមបទបញ្ជានេះ៕ សរសេរមកកាន់លោក ហ៊ុន សិរីវឌ្ឍន៍ តាមរយៈ hunsirivadh@gmail.com  

អង្គការមួយថាមានមនុស្សតិចតួចបំផុតហ៊ានផ្តល់ព័ត៌មានពីអំពើពុករលួយ

ថ្ងៃទី3 កុម្ភៈ 2016, 05:50 PM

អង្គការក្រៅរដ្ឋាភិបាលមួយជំរុញឲ្យរដ្ឋាភិបាលធ្វើច្បាប់ការពារអ្នក​ផ្តល់​ព័ត៌មានពីអំពើពុករលួយដោយអះអាងថាបច្ចុប្បន្ននេះ មានមនុស្សតិចតួចបំផុតហ៊ានផ្តល់ព័ត៌មានពីអំពើពុករលួយ។ ក្នុង​​បទបង្ហាញមួយនៅក្រសួងមហាផ្ទៃនាថ្ងៃទី៣ខែកុម្ភៈនេះនាយកប្រតិបត្តិអង្គការតម្លាភាពកម្ពុជាលោ​​​ក ព្រាប កុល ថ្លែងថា តាមរយៈនៃការចុះស្រាវជ្រាវមួយឆ្នាំមកនេះលោកថាអ្នកដែលបា​នរាយកា​រណ៍ពី​អំ​ពើ​​ពុ​ករលួយមានតែ៨ភាគរយប៉ុណ្ណោះ ក្រៅពីនោះលោកថាពួកគេមានការភ័យខ្លា​ចក្នុងការរា​យការ​ណ៍ ខ្លះ​​​មិ​ន​​ចា​ប់អារម្មណ៍ និងខ្លះទៀតថាមិន​ដឹងពីនី​តិ​វិធី​​​​រា​យការណ៍។ លោក ព្រាប កុល អះអាងទៀតថាមូលហេតុដែលនាំឲ្យសាធារណៈជនភ័យខ្លាចមិនហានរាយការណ៍ពេលពួកគេឃើ​ញ​មានអំ​ពើពុករលួយនោះលោកថាដោយសារច្បាប់​ប្រឆាំ​​ង​​​អំ​​​ពើ​​ពុ​ករលួយត្រង់មា​ត្រា៤១​បានចែងពីការដាក់ទោសទណ្ឌនិង​ផាកពិន័យចំពោះអ្នករាយការណ៍មិនពិតជាដើម។ លោក ព្រាប កុល​ ជំរុញឲ្យរដ្ឋាភិបាលលុបចោលមាត្រា៤១នេះដែលលោកថាដើម្បីលើក​ទឹកចិត្តដល់​សា​​​​ធា​រណជនឲ្យ​ចូល​រួមផ្តល់ព័ត៌មានពីអំពើពុករលួយដោយគ្មានការ​ភ័យខ្លាច។ ​ជាងនេះ​ទៅទៀ​​ត​លោកថារដ្ឋាភិបាលត្រូវធ្វើច្បាប់ការពារសាក្សី និងអ្នករាយការណ៍ព័ត៌មានពីអំពើពុក​រលួយ​នេះ​ផង​ដែរ​។ លោកថា៖ "​យើងមិនគួមើលរំលងទេ ច្បាប់នេះជាច្បាប់មួយសំខាន់ណាស់ ត្រូវតែធ្វើបើយើងមានបំណងចង់ប្រយុទ្ធប្រឆាំងនឹងអំពើពុករលួយពិតប្រាកដមែននោះ មិនអាចអត់ច្បាប់នឹងបានទេ។នៅប្រទេសជិតខាងដូចជាបង់ក្លាដេស ហើយនៅវៀតណាមក៏គេមានច្បាប់នឹងដែ នៅម៉ាឡេស៊ី នៅឥណ្ឌូនេស៊ី នៅពីលីពីន នៅជុំវិញយើងនឹងភាគច្រើនគេមានច្បាប់អស់ទាំងហ្នឹង ហើយយើងដូចជានៅក្រោយគេហើយ ដូច្នេះត្រូវតែពន្លលឿន"។ កាលពីឆ្នាំ២០០៧រដ្ឋាភិបាលបានផ្តល់សច្ចាប័នទៅលើអនុសញ្ញាអង្គការសហប្រជាជាតិប្រឆាំងអំពើពុករលួយហើយច្បាប់​ស្តីពីការប្រឆាំងអំពើពុករលួយរបស់កម្ពុជាក៏បានបង្កើតឲ្យមានស្ថាប័នពីរទទួលខុសត្រូវគឺអង្គភាព​ប្រឆាំង​អំ​ពើ​ពុក​រ​​លួយនិង​ក្រុមប្រឹក្សាជាតិប្រឆាំងអំពើពុករលួយ។ ជាងនេះ​ទៅទៀតស្ថាប័នរដ្ឋសភាក៏បាន​បង្កើ​តគ​​ណៈកម្ម​​ការទី១០ហៅ​ថាគណៈ​កម្មការ​អង្កេត បោស​សំអាត​ និងប្រឆាំងអំពើពុករលួយ។ VODមិនអាចសុំការអត្ថាធិប្បាយពីប្រធានអង្គភាពប្រឆាំងអំពើពុករលួយលោក ឱម​ យ៉ិនទៀង បានទេនៅ​ថ្ងៃ​ពុធនេះដោយ​លោកមិនលើកទូរសព្ទ។ ប៉ុន្តែបើតាមលោក ព្រាប កុល គឺលោក ឱម យ៉ិនទៀង និងរដ្ឋម​ន្ត្រី​ក្រ​​សួងយុត្តិធម៌​ធ្លាប់បង្ហាញ​ជំ​​ហ​រ​​ច​ង់ឲ្យមាន​ច្បាប់​ការពារ​សាក្សីនិង​អ្ន​ករាយការណ៍ពីអំពើ​ពុក​រលួយនេះតែលោ​កថា​ច្រើនឆ្នាំមកនេះការរំពឹងទុកនៅតែមិនចេញរួច។ ប្រ​ធា​​នគណៈកម្ម​​ការទី១០នៃរដ្ឋសភាមកពីគណបក្សសង្គ្រោះជាតិលោក ហូរ វ៉ាន់ អះអាងថា​ការមាន​​ច្បា​​ប់​ការ​ពារសាក្សី និងការពារអ្នករាយការណ៍រឿងពុករលួយលោកថានឹងអាចជួយប្រមូល​ថវិកាជាតិបាន​​រា​ប់រយលានដុល្លារបន្ថែមទៀត​ដល់​រដ្ឋាភិបាលសម្រាប់អភិវឌ្ឍន៍ជាតិ។  ​តំណាងរា​ស្ត្រប​ក្ស​ប្រ​ឆាំ​​ង​រូបនោះអះអាងទៀតថាកន្លងទៅគណៈកម្មការលោ​កធ្លាប់​ជំ​​រុញករណីនេះ ប៉ុន្តែលោក​ថាមក​ដល់​ពេល​នេះ​ការជំរុញនោះទើរនៅលើអង្គភាពប្រឆាំងអំពើពុករលួយ។ លោកថា៖ "អំពើពុករលួយស្ថិតនៅលើអ្នកមានលុយច្រើន ឬអ្នកដែលមានអំណាច ហើយបើសិនជាគ្នាអ្នកអត់មានអំណាច នៅជិតគាត់ ហើយដឹងរឿង របស់គាត់ ប៉ិនបើគាត់និយាយទៅអត់មានច្បាប់ការពារគាត់ទទួលរងគ្រោះ តើគាត់មានហេតុផលអីដែលត្រូវនិយាយ គាត់មានហេតុផលអីឲ្យរងគ្រោះខ្លួនឯងនោះហើយវាបាត់បង់ផលប្រយោជន៍គាត់ទៀត"។ អង្គការតម្លាភាពកម្ពុជាបានបង្ហាញរបាយការណ៍មួយថាឆ្នាំ២០១៥កម្ពុជានៅតែស្ថិ​តក្នុង​ក្រុមប្រ​ទេស​ដែល​មាន​អំពើពុករ​លួយ​ធ្ងន់ធ្ង​រជាង​គេក្នុង​ចំ​​ណោ​​ម​ប្រទេស១៦៨លើពិភពលោក។ របាយការណ៍នោះ​បានចាត់ទុកថា​អំពើពុករលួយជាចរន្តរាំ​ងស្ទះការ​អភិវ​ឌ្ឍសេ​ដ្ឋកិច្ចគំរាមកំហែងដ​ល់ស្ថេរភា​ពសង្គមនិងនយោបាយព្រមទាំងជា​ហេតុផល​ចម្បងនាំឲ្យមានភាពក្រីក្រ។ បើតាមអង្គាការតម្លាភាពអ្នកដែលហ៊ានលាតត្រដាងព័ត៌មានពីអំពើពុករលួយដើម្បី​ការពារផល​ប្រយោជន៍​សាធារណៈជា​រឿយៗ​ពួកគេជួបប្រទះនឹងការបំភិតបំភ័យ ការរុកកួន ការបណ្តេញចេញពីការងារឬអំពើហិង្សា​ និង​ប្រឈម​គ្រោះ​ថ្នា​ក់ក្នុ​ងជីវិតប្រចាំថ្ងៃ។ អង្គ​កា​រ​នេះស្នើ​ឲ្យមានការលើកទឹកចិត្ត និងធ្វើច្បាប់​ការពារ​ដល់អ្នកចូ​លរួមទប់​​ស្កាត់អំពើ​ពុករលួយ​នេះ៕ សូម​សរសេរ​មក​កាន់​លោក ញឹម សុខន តាម​រយៈ​ sokhorn@vodhotnews.com

នាយករដ្ឋមន្រ្តីបញ្ជាឲ្យមន្ត្រីពាក់ព័ន្ធពង្រឹងវិធានការប្រយុទ្ធប្រឆាំងគ្រឿងញៀន

ថ្ងៃទី3 កុម្ភៈ 2016, 05:13 PM

នាយករដ្ឋមន្រ្តីបញ្ជាឲ្យមន្រ្តីពាក់ព័ន្ធពង្រឹងវិធានការប្រយុទ្ធប្រឆាំងគ្រឿងញៀនដោយអះអាងថាដើម្បីបញ្ចៀស​ហានិភ័យដល់សង្គមនិងទប់ស្កាត់ការរាលដាលការប្រើប្រាស់គ្រឿងញៀន។ បទបញ្ជាស្ដីពីការពង្រឹងវិធានការប្រយុទ្ធប្រឆាំងគ្រឿងញៀនចុះ​ហត្ថលេខាដោយលោក ហ៊ុន សែន នៅថ្ងៃទី១ខែមករាបានបញ្ជាឲ្យអាជ្ញាធរជាតិប្រយុទ្ធប្រឆាំង​គ្រឿងញៀន ក្រសួងមហាផ្ទៃ និងស្ថាប័នពាក់ព័ន្ធទាំងអស់ធានាឲ្យមានប្រសិទ្ធិភាពខ្ពស់ក្នុងវិធានការ​អនុវត្ត​ច្បាប់ ការអប់រំ និងការបង្ការដើម្បីបញ្ចៀសឲ្យបាននូវបញ្ហាគ្រឿងញៀន។ ក្នុងបទបញ្ជាដដែលលោកនាយករដ្ឋមន្រ្តីក៏បានបញ្ជាឲ្យក្រសួងមហាផ្ទៃនិង​ស្ថាប័នផ្សេងទៀតត្រូវពង្រឹងការអនុវត្តគោលនយោបាយភូមិឃុំមានសុវត្ថិភាពដើម្បីបង្ការនូវ​អំពើចោលួច ប្លន់ និងប្រឆាំងនឹងមុខសញ្ញាបទ​ល្មើសគ្រឿងញៀន។ បទបញ្ជាដដែលបន្ថែមថា៖ “ក្រសួងមហាផ្ទៃត្រូវណែនាំដល់អង្គភាពអនុវត្តច្បាប់ឲ្យកសាងផែនការសកម្មភាពជាក់ស្ដែងដើម្បីពង្រឹងវិធានការបង្ការនិងវិធានការជំនាញសំដៅធ្វើការទប់ស្កាត់និងបង្រ្កាបនូវរាល់សកម្មភាព​នៃការជ្រៀតចូល ការដឹកជញ្ជូនឆ្លងកាត់ ការផលិត ការដាំដុះ ការចម្រាញ់ ការស្ដុកទុកជូញដូរ និងការប្រើប្រាស់គ្រឿងញៀនផងដែរ”។ នៅក្នុងសន្និបាតបូកសរុបការងារត្រួតពិនិត្យគ្រឿងញៀនឆ្នាំ២០១៥រដ្ឋ​មន្រ្តីក្រសួងមហាផ្ទៃលោក ស ខេង បានលើកឡើងពីកង្វះខាតក្នុងការចូលរួមរបស់មន្រ្តី​មូលដ្ឋានក្នុងការអនុវត្តច្បាប់និងកង្វះខាត​នូវផែនការទប់ស្កាត់និងបង្ក្រាបគ្រឿងញៀនរបស់មន្រ្តីមូលដ្ឋានទើបបញ្ហាគ្រឿងញៀន​នៅតែកើនឡើងខ្ពស់។ ​លោកបន្ថែមថា៖ “ក្រសួងស្ថាប័នពាក់ព័ន្ធទាំងអស់គួរគប្បីរៀបចំឲ្យមានយន្តការឬក្រុម​បង្គោល​ទទួលបន្ទុកការងារអប់រំផ្សព្វផ្សាយគ្រឿងញៀននៅតាមមូលដ្ឋានសហគមន៍គ្រឹះស្ថានសិក្សាព្រម​ទាំង​បង្កើតកម្មវិធីបញ្ជាក់ការអប់រំផ្សព្វផ្សាយដូចការអនុវត្តកន្លងមកដោយចាត់តាំងសកម្មភាពឲ្យបានញឹកញ៉ាប់និងទូលំទូលាយបន្ថែមទៀត”។ មន្ត្រី​ឃ្លាំមើល​ការរំលោភ​សិទ្ធិមនុស្ស​នៃ​អង្គការ​លីកាដូ​លោក អំ សំអាត មានប្រសាសន៍ថាលោក​គាំទ្រនូវការដាក់បញ្ជារបស់នាយករដ្ឋមន្រ្តីក្នុងការពង្រឹងវិធានការប្រយុទ្ធប្រឆាំងគ្រឿងញៀននេះ។ ប៉ុន្តែ​លោក​បន្ថែម​ថាដើម្បីមានប្រសិទ្ធិភាពខ្ពស់ក្នុងការអនុវត្តនោះលុះត្រាតែរដ្ឋាភិបាលមានការគាំទ្រដល់មន្រ្តីដែលមានឆន្ទៈក្នុង​ការអនុវត្តនូវបទបញ្ជានេះ។ លោកបន្ថែមថា៖ “ជាបទបញ្ជារបស់នាយករដ្ឋមន្រ្តីខ្ញុំឃើញគេមានការអនុវត្តបានខ្ពស់ ប៉ុន្តែទោះ​យ៉ាងណាក៏ដោយដូចខ្ញុំថាចឹង​ត្រូវតែហ៊ានអារកាត់ឲ្យតែអ្នកពាក់ព័ន្ធមិនថាមន្រ្តីប៉ូលីសឬមន្រ្តី​តុលាការណាឬក៏អ្នកពាក់ព័ន្ធមានឋានន្តរសក្តិណាទេត្រូវតែអនុវត្តទៅតាមផ្លូវច្បាប់អាហ្នឹងអាចកាត់​បន្ថយ​បានហើយ”។ គួរបញ្ជាក់ថារបាយការណ៍ស្ដីពីលទ្ធផលការងារត្រួតពិនិត្យគ្រឿងញៀនឆ្នាំ២០១៥របស់អាជ្ញាធរ​ជាតិ​​ប្រយុទ្ធប្រឆាំងគ្រឿងញៀនរកឃើញថា​អ្នក​ប្រើប្រាស់គ្រឿងញៀនមានចំនួន១៦ ៥៧៥នាក់។ ក្នុងនោះ​អាជ្ញាធរអនុវត្តន៍ច្បាប់​បង្ក្រាបបទល្មើសគ្រឿង​ញៀនបាន៣០៦១គឺកើន១២៨.៩៤ភាគរយ​ដែលឆ្នាំ​២០១​៤មាន​តែ១៣៣៧ករណី។ របាយការណ៍ដដែលឲ្យដឹងថាជនល្មើសចំនួន៧០០៨នាក់(ស្រី ៨៥៣)​ត្រូវបានឃាត់ខ្លួនគឺកើនឡើង១២៣.០៤ភាគរយ ហើយគ្រឿ​ងញៀនដែលពួកគេប្រើរួមមាន​ហេរ៉ូអ៊ីន អ៊ិចស្ដាស៊ី និងកូកាអ៊ីនដែល​សរុបទម្ងន់ជាង១តោន៕ សូម​សរសេរ​មកកាន់​លោក លី បេឡា តាមរយៈ  bela@vodhotnews.com

ក្រសួងមហាផ្ទៃរកឃើញថាបញ្ហាគ្រឿងញៀនកើតមានច្រើនដោយសារមិនបានដាក់ទោសឧក្រិដ្ឋជនធំៗ

ថ្ងៃទី2 កុម្ភៈ 2016, 05:45 PM

អាជ្ញាធរប្រយុទ្ធប្រឆាំងគ្រឿងញៀនទទួលស្គាល់ថាកន្លងមកមានការខ្វះខាតក្នុងការអនុវត្តច្បាប់ឲ្យបានត្រឹមត្រូវលើឧក្រិដជនគ្រឿងញៀនធំៗដែលមានទ្រព្យសម្បត្តិច្រើនទើបបទល្មើសនេះនៅតែបន្តកើតមាន។​ ក្នុងការបិទសន្និបាតបូកសរុបលទ្ធផលការងារត្រួតពិនិត្យគ្រឿងញៀនឆ្នាំ២០១៥និងគោល​ដៅក្នុងការអនុវត្តឆ្នាំ២០១៦ដែលធ្វើនៅថ្ងៃទី០២ខែកុម្ភៈនេះ ​ប្រធានអាជ្ញាធរ​ជាតិ​ប្រយុទ្ធ​ប្រឆាំងគ្រឿង​ញៀនលោក កែ គឹមយ៉ាន មានប្រសាសន៍ថាការអនុវត្តច្បាប់គ្រឿងញៀនមានការខ្វះចន្លោះនិងមានការ​សម្រាលទោសច្រើនចំពោះឧក្រិដ្ឋជនធំៗជាពិសេសនោះអ្នកមានលុយច្រើន។ លោកបន្ថែមថា៖ “ទីមួយយើងឃើញបើមានអ្នករត់ការច្រើនច្រើនតែកាត់តម្រូវឲ្យរួចហ្មងជាប់ពីរបីឆ្នាំកាត់ទៅពីរបីឆ្នាំហ្នឹងរួចខ្លួនហ្មងអញ្ចឹងហើយអានេះប្រយ័ត្នមែនទែនជាប់ដែរតែជាប់រយៈ​ពេលខ្លី ហើយខ្ញុំមិនទាន់ឯកភាពអារឿងថាបន្ថយអាកម្រិតឆ្នាំហ្នឹងឥឡូវតែប៉ុនហ្នឹងឲ្យតែជាប់គុកតាម​ហ្នឹងទៅ។ ដូចមានពេលខ្លះត្រូវជាប់មួយជីវិតកាត់ចុះកាត់ឡើងសល់តែ២០ឆ្នាំចុះគ្រឿងញៀន៣ទៅ៤គីឡូត្រូវជាប់គុកមួយជីវិត។ ខ្ញុំមិនបញ្ចេញឈ្មោះអ្នកណាទេតែល្បីល្បាញចុងក្រោយនេះខ្លះកាត់ទៅ​ត្រូវ​ជាប់គុក២ឆ្នាំអីចេញបណ្ដោយ”។ លោក កែ គឹមយ៉ាន បន្ថែមថាប្រទេសកម្ពុជាក៏មានច្បាប់ដែរក្នុងការដាក់ទោសទណ្ឌទៅលើអ្នកប្រើប្រាស់ក៏​ដូចជាអ្នកជួញដូរគ្រឿងញៀន​ ប៉ុន្តែកន្លងមកមន្រ្តីមូលដ្ឋានក៏ដូចជាមន្ត្រីតុលាការមិនទាន់មាន​ការអនុវត្ត​ឲ្យបានត្រឹមត្រូវនៅឡើយទេ។ ទោះយ៉ាងណា​លោកមិនបានបញ្ជាក់ពីមូលហេតុនៃការខ្វះចន្លោះក្នុងការអនុវត្តច្បាប់នេះទេ។​​   មន្ត្រី​ឃ្លាំមើល​ការរំលោភ​សិទ្ធិមនុស្ស​នៅ​អង្គការ​លីកាដូ​ លោក អំ សំអាត ​មានប្រសាសន៍ថា​អ្នក​រកស៊ី​គ្រឿងញៀនភាគច្រើនពាក់ព័ន្ធជាមួយនឹងអ្នកមានលុយនិងមន្រ្តីមានអំណាចដែលធ្វើឲ្យមាន​ចន្លោះប្រហោងក្នុងការអនុវត្តច្បាប់។ លោកបន្ថែមថា៖ “ប្រព័ន្ធសង្គមខ្មែរយើងកាលណាមានចេះតែរកស៊ីគ្រឿងញៀននិងចរាចរណ៍​គ្រឿងញៀនច្រើនបង្កឲ្យប៉ះពាល់ធ្ងន់ធ្ងរដល់សង្គមជាតិជាពិសេសជនរងគ្រោះដោយសារបញ្ហា​គ្រឿង​ញៀន។ មួយទៀតបើយើងមិនស្វះស្វែងរកភស្តុតាងឬក៏ដាក់ទោសទេអាហ្នឹង​វាបង្កលក្ខណៈ​​ងាយស្រួល​ដល់ឧក្រិដ្ឋ​ជនគ្រឿងញៀនហ្នឹងចេះតែបន្តប្រព្រឹត្តទៀត”។ មន្រ្តីឃ្លាំមើលការរំលោភសិទ្ធិមនុស្សរូបនោះក៏លើកឡើងដែរថាដើម្បីកាត់បន្ថយការប្រើប្រាស់គ្រឿងញៀនអាជ្ញាធរត្រូវតែធានាក្នុងការអនុវត្តច្បាប់លើឈ្មួញធំៗដើម្បីជៀសវាងការឃាត់ខ្លួនជាមួយម្សៅ​គ្រឿងញៀន ហើយប្រែក្លាយទៅជាម្សៅផ្សេងសម្រាប់ជាវត្តុតាង។ នៅក្នុងពិធីបិទសន្និបាតនោះលោក កែ គឹមយ៉ាន ​ក៏បានលើកឡើងដែរថាដោយសារកង្វះខាតក្នុង​ការអនុវត្តច្បាប់ ខ្វះការចូលរួមពីមន្រ្តីមូលដ្ឋាននិងអាណាព្យាបាល ក៏ដូចជាការឆ្លៀតឱកាសស្វែងរក​ផល​ប្រយោជន៍ពីមន្រ្តីនិងជនមួយចំនួនទើបធ្វើឲ្យករណីប្រើប្រាស់គ្រឿងញៀនមានការកើនឡើងខ្ពស់​។ លោកបន្ថែមថាទោះបីជាយ៉ាងអាជ្ញាធរជាតិប្រយុទ្ធប្រឆាំងគ្រឿងញៀននឹងដាក់ទិសដៅការងារក្នុងឆ្នាំ២០១៦ដើម្បីបញ្ចៀសឲ្យបាននូវហានិភ័យបណ្ដាលមកពីគ្រឿងញៀននិងដោះស្រាយរាល់ការព្រួយ​បារម្ភ​របស់ប្រជាពលរដ្ឋផងដែរ។ គួរបញ្ជាក់ថារបាយការណ៍ស្ដីពីលទ្ធផលការងារត្រួតពិនិត្យគ្រឿងញៀនឆ្នាំ២០១៥របស់អាជ្ញាធរ​ជាតិ​ប្រយុទ្ធប្រឆាំងគ្រឿងញៀនរកឃើញថា​ អ្នក​ប្រើប្រាស់គ្រឿងញៀនមានចំនួន១៦ ៥៧៥នាក់។ ក្នុងនោះអាជ្ញាធរអនុវត្តន៍ច្បាប់​បង្ក្រាបបទល្មើសគ្រឿង​ញៀនបាន៣០៦១គឺកើន១២៨.៩៤ភាគរយ​ដែលឆ្នាំ​២០១​៤មាន​តែ១៣៣៧ករណី។ របាយការណ៍ដដែលឲ្យដឹងថាជនល្មើសចំនួន៧០០៨នាក់(ស្រី ៨៥៣)ត្រូវបានឃាត់ខ្លួនគឺកើនឡើង១២៣.០៤ភាគរយ ហើយគ្រឿ​ងញៀនដែលពួកគេប្រើរួមមាន​ហេរ៉ូអ៊ីន អ៊ិចស្ដាស៊ី និងកូកាអ៊ីនដែល​សរុបទម្ងន់ជាង១តោន៕ សូម​សរសេរ​មកកាន់​លោក លី បេឡា តាមរយៈ  bela@vodhotnews.com

អាជ្ញាធរនឹងផ្អាកការផ្គត់ផ្គង់ទឹកដល់ប្រជាពលរដ្ឋនៅតាមបណ្តោយផ្លូវកម្ពុជាក្រោម

ថ្ងៃទី2 កុម្ភៈ 2016, 11:34 AM

អាជ្ញាធរនឹងផ្អាកការផ្គត់ផ្គង់ទឹកដល់ប្រជាពលរដ្ឋរស់នៅតាមបណ្តោយផ្លូវកម្ពុជាក្រោមក្នុងរាជធានីភ្នំពេញរយៈពេលបីម៉ោងនៅយប់ថ្ងៃទី៥ខែកុម្ភះខាងមុខដើម្បីរៀបចំនាឡិកាទឹកនៅក្នុងបរិវេណទីស្តីការគណៈរដ្ឋមន្ត្រី។     លិខិតរបស់រដ្ឋាករទឹកស្វយ័តក្រុងភ្នំពេញចុះថ្ងៃទី០១ខែកុម្ភះផ្ញើទៅអភិបាលខណ្ឌ៧មករាស្តីពីការផ្អាកការផ្គត់ផ្គង់ទឹកនេះបានបញ្ជាក់ថាការផ្អាកគឺពីចន្លោះម៉ោង០៩:០០ដល់ម៉ោង១២:០០នាទីនៅយប់ថ្ងៃទី៥ខែកុម្ភះឆ្នាំ២០១៦។ ក្នុងលិខិតនោះបានឲ្យដឹងទៀតថារដ្ឋាករទឹកស្វយ័តក្រុងភ្នំពេញបានតម្លើងនាឡិកាទឹកទំហំ១១០មីលីម៉ែត្រនិង ១៥០មីលីម៉ែត្រនៅក្នុងបរិវេណទីស្តីការគណៈរដ្ឋមន្ត្រីថ្មីរួចហើយ ប៉ុន្តែនៅមិនទាន់កាត់ទឹកភ្ជាប់ទើបត្រូវការផ្អាកការផ្គត់ផ្គង់ទឹកដល់ប្រជាពលរដ្ឋនេះដើម្បីកាត់តភ្ជាប់បញ្ជូលទឹក៕ សូមសរសេរមកកាន់លោក ពៅ មេត្តា តាមរយៈ minpov@vodhotnews.com  

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To