ភាគីកម្ពុជានិងវៀតណាមបានចុះហត្ថលេខា ដើម្បីសហការគ្នាក្នុងឆ្នាំ២០១៧ លើវិស័យអក្សរសម្ងាត់ ជាផ្នែកមួយនៃការពង្រឹងសន្តិសុខសណ្តាប់ធ្នាប់នៃប្រទេសទាំងពីរ។
នៅក្នុងគេហទំព័រអគ្គស្នងការដ្ឋាននគរបាលជាតិចុះផ្សាយនៅថ្ងៃចន្ទនេះ បានឲ្យដឹងថា នៅក្នុងចុះហត្ថលេខានោះគឺខាងកម្ពុជាមានលោក ឯម សំអាន រដ្ឋលេខាធិការក្រសួងមហាផ្ទៃធ្វើជាសាក្សីក្នុងពិធីនោះ ចំណែកអ្នកចុះហត្ថលេខាខាងកម្ពុជាមានលោក គៀត ច័ន្ទថារិទ្ធ អគ្គស្នងការរងនគរបាលជាតិ និងភាគីវៀតណាមមានលោក ដាំង វូសឺន ជាប្រធានក្រុមអក្សរសម្ងាត់របស់រដ្ឋាភិបាលវៀតណាម។
រដ្ឋាភិបាលកម្ពុជាបច្ចុប្បន្នដែលដឹកនាំដោយគណបក្សប្រជាជនកម្ពុជា បានចាត់ទុករដ្ឋាភិបាលវៀតណាមជាប្រទេសជិតខាងនិងជាដៃគូរក្នុងការអភិវឌ្ឍសេដ្ឋកិច្ចនិង ពង្រឹងសន្តិសុខសណ្តាប់ធ្នាប់៕