មន្ត្រីការិយាល័យពិសេសនៃរដ្ឋអាជ្ញាកូរ៉េខាងត្បូងថ្លែងថា ពេលនេះ ពួកគេកំពុងស្វែងរកនីតិវិធីផ្លូវច្បាប់ក្នុងការចេញដីកាឃាត់ខ្លួនមេដឹកនាំក្រុមហ៊ុន Samsung Group ដែលប្រទេសកំពុងតែបើកយុទ្ធនាការទ្រង់ទ្រាយធំក្នុងការបោសសម្អាត ករណីរឿងអាស្រូវពុករលួយពាក់ព័ន្ធប្រធានាធិបតី ប៉ាក ឃៀនហេ។
ប្រធាន Samsung Groupលោក Jay Y. Lee កាលពីសប្តាហ៍មុនបានចូលបំភ្លឺនៅការិយាល័យរដ្ឋអាជ្ញា យ៉ាងតឹងតែងជុំវិញការស៊ើបអង្កេតករណីពុករលួយ ដែលប្រើពេលអស់២២ម៉ោង។
ការិយាល័យរដ្ឋអាជ្ញាឲ្យដឹងថា ដីកាឃាត់ខ្លួន ប្រធានក្រុមហ៊ុនដ៏ធំមួយនេះ និងមានការយល់ព្រមពីតុលាការនៅពេលឆាប់ៗខាងមុខ។ រដ្ឋអាជ្ញាថា ចំណាត់ការរបស់តុលាការនៅមិនទាន់បញ្ជាក់ច្បាស់ទេ តែថាអាចនឹងធ្វើនៅថ្ងៃពុធក្នុងសប្តាហ៍នេះ។ នេះបើតាមការចុះផ្សាយរបស់ Channel news Asia។
រដ្ឋអាជ្ញាកំពុងស្រាវជ្រាវជុំវិញអ្នកគាំទ្រក្រុមហ៊ុនSamsung និង អ្នកបង្កើតមូលនិធិ ដោយមិត្តភ័ក្ររបស់លោកស្រី ប៉ាក ឃឿនហេ គឺលោកស្រី Choi Soon-sil ដែលអាចពាក់ព័ន្ធប្រាក់សោធននិវត្តន៍កាលពីឆ្នាំ២០១៥ ដ៏ចម្រូងចម្រាស់ ក្នុងការសម្រេចលើទឹកប្រាក់៨ពាន់លានដុល្លារ ក្នុងការបញ្ចូលក្រុមហ៊ុនពីរជាមួយក្រុមSamsung Group។
ប្រធានសេវាប្រាក់សោធននិវត្តន៍ជាតិ លោក Moon Hyung-pyo ត្រូវបានចោទប្រកាន់ទាក់ទងនិងការរំលោភអំណាច និងការមិនចូលរួមក្នុងការផ្តល់ចម្លើយនៅតុលាការថ្ងៃចន្ទនេះ ខណៈលោកស្រី Choi បានបង្ហាញមុខនៅតុលាការរដ្ឋនុញ្ញ ហើយបានបដិសេធរាល់ការចោទប្រកាន់៕
