យន្តហោះដឹកទំនិញរបស់តួកគី បានធ្លាក់នៅជិតព្រលាន Manas របស់ប្រទេស Kyrgyzstan គឺធ្លាក់ប៉ះចំផ្ទះរបស់ប្រជាពលរដ្ឋបណ្តាលឲ្យស្លាប់មនុស្សអស់៣៧នាក់ ភាគច្រើនជាអ្នកភូមិ នៅពេលដែលយន្តហោះ Boeing 747 នោះព្យាយាមចុះចតនៅលើដីមិនបានសម្រេច។
យោងតាម រដ្ឋបាលព្រលានយន្តហោះ បានឲ្យដឹងថា យន្តហោះនោះ ដឹកទំនិញពីហុងកុង ទៅ អ៊ីស្តំមូល ព្យាយាមចុះចត ពេលឆ្លងកាតManas នៅជិតរដ្ឋធានី Bishkek ពេលដែលយន្តហោះនោះជួបបញ្ហាហើយក៏ធ្លាក់នៅម៉ោង៧កន្លះព្រឹក ម៉ោងនៅក្នុងតំបន់នោះ។
អំបែង និង សំឡេងផ្ទុះឮខ្លាំងរាប់រយម៉ែត នៅក្នុងភូមិ ដែលបណ្តាលឲ្យអាគារជាផ្ទះរបស់ប្រជាពលរដ្ឋចំនួន១៥រងការខូចខាត។
មន្ត្រីក្រសួងសង្គ្រោះបន្ទាន់របស់ Kyrgyzstan សន្និដ្ឋានជាជំហានដំបូងគឺចំនួនអ្នកស្លាប់មានប្រមាណ៣៧នាក់។ ពេលនេះ អាជ្ញាធរ Kyrgyzstan កំពុងតែជួយសង្គ្រោះអ្នកនៅរស់រានមានជីវិត និង កំណត់អត្តសញ្ញាណ ជនរងគ្រោះទាំងនោះ៕