លោក កឹម សុខា ពិភាក្សាជាមួ​យទូតអាមេរិកពីការកែប្រែច្បាប់គណបក្សនយោបាយ

លោក កឹម ​សុខា ប្រធានស្តីទីបក្សប្រឆាំងនិងលោក William A. Heidt ឯកអគ្គរដ្ឋទូតអាមេរិកប្រចាំនៅកម្ពុជាបានជួបពិភាក្សាជុំវិញបញ្ហាកែប្រែច្បាប់ស្តីពីគណបក្សនយោបាយ ដែលថ្មីៗនេះបក្សកាន់អំណាចស្នើឡើងដើម្បីចាត់ការលើមេដឹកនាំបក្សមានទោស។​

តាមហ្វេសប៊ុករបស់ស្ថានទូតអាមេរិកប្រចាំនៅកម្ពុជាបានឱ្យដឹងថាជំនួបរវាងលោក កឹម សុខា និងលោក William A. Heidt កាលពីម្សិលម៉ិញនេះបានពិភាក្សាអំពីការវិវត្តនយោបាយចុងក្រោយសកម្មភាពនៅក្នុងរដ្ឋភា និងច្បាប់ស្តីពីគណបក្សនយោបាយដែលកំពុងត្រូវបានពិចារណា។​

គួររំលឹកថាកាលពីពេលថ្មីៗលោក សម រស្ស៊ី បានលាលែងពីតំណែងគណបក្សសង្គ្រោះជាតិ បន្ទាប់ពីលោកនាយករដ្ឋមន្ត្រី ហ៊ុន សែន បានប្រកាសថា ហាមមិនឱ្យអ្នកមានទោសធ្វើជាប្រធាននិងអនុប្រធានគណបក្សនយោបាយនោះទេ៕