ប្រធានាធិបតីអាមេរិកលោក ដូណល ត្រាំ នៅថ្ងៃពុធម្សិលមិញបាន អំពាវនាវឲ្យ Venezuela ដោះលែងមេដឹកនាំគណបក្សប្រឆាំងលោក Leopoldo Lopez ឲ្យមានសេរីភាពវិញជាបន្ទាន់ បន្ទាប់ពីការចាប់ខ្លួនកាលពីឆ្នាំមុន ហើយសម្រេចឃុំខ្លួន១៤ឆ្នាំ ពីបទដឹកនាំបាតុកម្មប្រឆាំងរដ្ឋាភិបាលកាលពីឆ្នាំ២០១៤។
លោកត្រាំបានសរសេរលើ Twitterរបស់លោកថា Venezuela គួរតែដោះលែង Leopoldo Lopez ជាអ្នកទោសនយោបាយឲ្យមានសេរីភាពវិញជាបន្ទាន់។នេះ បើតាមទីភ្នាក់ងារព័ត៌មានរ៉យទ័រ។
សមាជិកព្រឹទ្ធសភានៅរដ្ឋហ្វ័ររីដាលោកMarco Rubio ថ្លែងកាលពីថ្ងៃពុធថា លោកត្រាំរៀបចំការប្រជុំមួយជាមួយប្រពន្ធលោក Lopez គឺលោកស្រី Lilian Tintori និង គណបក្សសាធារណរដ្ឋ។
Venezuela ជាប្រទេសស្ថិននៅទ្វីបអាមេរិកខាងត្បូង សំបូរទៅដោយធនជាតិធម្មជាតិមានភាពទាក់ទាញ។ ប្រទេសនេះមានព្រំប្រទល់ជាប់ជាមួយសមុទ្រ Caribbean ប៉ែកខាងជើង ខាងកើតជាប់សមុទ្រ Atlantic ជាប់ប្រទេស កូឡំប៊ី ប្រទេសប្រេស៊ីល និង ប្រទេស ហ្គូយ៉ាណា៕
