មន្ត្រីត្រួតពិនិត្យផ្នែកសុវត្ថិភាពរបស់អាមេរិកបានប្រកាសឲ្យមានការប្រមូលទូរសព្ទប្រភេទ Samsung Galaxy Note 7 ចំនួន១លានគ្រឿងដែលចែកចាយលើទីផ្សារ បន្ទាប់ពីមានសេចក្តីរាយការណ៍ជាច្រើនថា ទូរសព្ទនោះផ្ទុះឆេះបង្កគ្រោះថ្នាក់ពេលមានបញ្ហាសាកថ្ម។ នេះបើតាមការចុះផ្សាយរបស់សារព័ត៌មាន BBC។
ក្រុមហ៊ុនផលិតគ្រឿងអេឡិចត្រូនិចរបស់កូរ៉េខាងត្បូងបានប្រកាសរួមហើយពីការប្រមូលទូរសព្ទ Samsung Galaxy Note 7 នោះទៅក្រុមហ៊ុនវិញ បន្ទាប់ពីមានការរិះគន់ថាទូរសព្ទផ្ទុះពេលសាកថ្ម។
បើតាមរបាយការណ៍របស់ក្រុមហ៊ុន Samsung គឺទូរសព្ទដែលមានបញ្ហានោះមានចំនួន២លាន៥សែនគ្រឿង ដែលបានចែកចាយលើពិភពលោក ក្នុងនោះរួមទាំងចែកចាយទៅអាមេរិកចំនួន១លានគ្រឿងផងដែរ។
ការប្រកាសប្រមូលរបស់ក្រុមហ៊ុន Samsung នេះស្របពេលដែលក្រុមហ៊ុន Apple ជាដៃគូប្រជែងរបស់ខ្លួនបានបង្ហាញពីទូរស័ព្ទទំនើបប្រភេទថ្មីគឺ iPhone7៕