មន្ត្រីរបស់ឥណ្ឌូនេស៊ីបានថ្លែងថា យ៉ាងហោចណាស់មនុស្សពីរនាក់បានស្លាប់ ដោយការការញ្ជួយកម្លាំង៦,៥រិច្ឆទ័រ កាលពីយប់ថ្ងៃសុក្រម្សិលមិញ នៅលើកោះJava ជាកោះធំមួយរបស់ឥណ្ឌូនេស៊ី។
តាមរបាយការណ៍របស់ក្រុមអ្នកភូមិសាស្ត្រអាមេរិកបានឲ្យដឹងថា ការរញ្ជួយនេះញ័រក្នុងជម្រៅ៩១គីឡូម៉ែត្រ នៅជាយក្រុងCipatujah ស្ថិតនៅក្បែរមាត់សមុទ្រ។នេះបើតាមសារព័ត៌មានChannel News Asia។
អ្នកដែលស្លាប់ទាំងពីរនោះគឺម្នាក់ជាបុរសអាយុ៦២ឆ្នាំ និងម្នាក់ទៀតជាស្ត្រីអាយុ៨០ឆ្នាំ គឺស្លាប់ដោយសារអគារបាក់រលំលើ។ នេះបើតាមមន្ត្រីគ្រប់គ្រងគ្រោះមហន្តរាយរបស់ឥណ្ឌូនេស៊ី។
ចំណែកអ្នករងរបួសជាច្រើនទៀត បានបញ្ជូនទៅកាន់មន្ទីរពេទ្យ ខណៈមន្ទីរពេទ្យជាច្រើនបានរងការខូចខាតដោយសារតែការរញ្ជួយដីនេះ។