អន្តរជាតិ

អាជ្ញាធរតួកគីចាប់ខ្លួនជនវាយប្រហារលើក្លឹបកម្សាន្តនៅថ្ងៃឆ្លងឆ្នាំ

លោក ឌិត សុខធី
| ១៧ មករា ២០១៧
ម៉ោង ០៩:០៨

ប៉ូលិសតួកគី នៅថ្ងៃនេះ បានចាប់ខ្លួនជនសង្ស័យជាជនបះបោរ ដែលបានសម្លាប់មនុស្ស ៣៩នាក់ នៅយប់ថ្ងៃចូលឆ្នាំថ្មី នៅឯក្លឹបកម្សាន្តមួយ នៅទីក្រុងអ៊ីស្តង់ប៊ុល អំឡុងពេលប្រតិបត្តិការលើសង្កាត់មួយក្នុងទីក្រុងនេះ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។

ជនវាយប្រហារនោះ ត្រូវបានគេរកឃើញជាមួយក្មេងប្រុសអាយុ ៤ឆ្នាំម្នាក់ នៅក្នុងផ្ទះមួយកន្លែង ស្ថិតនៅក្នុងសង្កាត់មួយ នៅទីក្រុងអ៊ីស្តង់ប៊ុល បន្ទាប់ពីប្រតិបត្តិការដ៏ធំរបស់ប៉ូលិស។

ជនវាយប្រហារនោះ បានគេចខ្លួនអស់រយៈពេល ២សប្ដាហ៍មកហើយ បន្ទាប់ពីវាយប្រហារទៅលើក្លឹបកម្សាន្តដ៏ល្បីមួយ នៅទីក្រុងអ៊ីស្តង់ប៊ុល។

ក្រុមរដ្ឋអ៊ីស្លាម បានប្រកាសទទួលខុសត្រូវចំពោះការវាយប្រហារនេះ ដែលនេះគឺជាលើកទី១ហើយដែលក្រុមនេះបានប្រកាសទទួលខុសត្រូវដោយចំហរចំពោះការវាយប្រហារទ្រង់ទ្រាយធំនៅក្នុងប្រទេសតួកគី។ ក្រុមនេះក៏ត្រូវបានគេចោទប្រកាន់ចំពោះការវាយប្រហារជាច្រើននាពេលមុនៗផងដែរ ដូចជាការវាយប្រហារគ្រាប់បែកអត្តឃាតនៅព្រលានយន្តហោះទីក្រុងអ៊ីស្តង់ប៊ុល កាលពីខែមិថុនាឆ្នាំមុន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។