ប្រជាពលរដ្ឋចំនួន១៥គ្រួសារ រស់នៅក្នុងភូមិព្រៃកន្ទួត ឃុំតាលោ ស្រុកបាកាន ខេត្តពោធិ៍សាត់ ដែលមានទំនាស់ព្រំដីជាមួយប្រជាពលរដ្ឋដូចគ្នាដ៏រ៉ាំរ៉ៃយូឆ្នាំមកហើយនោះ ពេលនេះបានឯកភាពទទួលយកតាមកិច្ចសម្របសម្រួលរបស់អជ្ញាធរស្រុកនិងខេត្ត។
អភិបាលរងនៃគណ:អភិបាលខេត្តពោធិ៍សាត់លោក អឹង គឹមលាង បានសហការណ៍ជាមួយអភិបាលស្រុកបាកាន លោក សៅ ដារឿន នៅព្រឹកថ្ងៃទី១៧ ខែកុម្ភៈ ឆ្នាំ២០១៧ បានចុះជួបនិងជួយដោះស្រាយករណីទំនាស់ដីធ្លីខាងលើ ដែលបានអូសបន្លាយពេលជិត១០ឆ្នាំមកហើយនេះ។
ជាលទ្ធផល ពលរដ្ឋទាំង១៥គ្រួសារបានឯកភាពបញ្ចប់ជំលោះនិងបានធ្វើកិច្ចសន្យាទទួលយករៀងៗខ្លួន៕
ដោយពលរដ្ឋអ្នកសារព័ត៌មានខេត្តពោធិសាត់ លោក នូ រ៉េន
