ស្នងការនគរបាលនៅរដ្ឋ Selangor នៃប្រទេសម៉ាឡេស៊ី បានបញ្ជាក់នៅថ្ងៃសុក្រនេះថា ការព្រមប្រគល់សពបងប្រុសរបស់លោក គីម ជុងអ៊ុនតាមការតាមទាមទាររបស់រដ្ឋអំណាចទីក្រុងព្យុងយ៉ាង ត្រូវមានការត្រួតពិនិត្យ DNA ជាមុនសិន។
ស្នងការនគរបាលនៅរដ្ឋ Selangor លោក Abdul Samah Mat ថ្លែងថា រហូតមកដល់ពេលនេះ មិនទាន់មានសមាជិកគ្រួសារ ឬ សាច់ញាតិមកបញ្ជាក់អត្តសញ្ញាណដើម្បីទទួលយកសាកសពនោះនៅឡើយទេ។ លោក បន្តថា អ្វីដែលក្រុមលោកត្រូវការពេលនេះ គឺការពិនិត្យDNA ដើម្បីយកទៅផ្ទៀងផ្ទាត់ជាមួយប្រវត្តិនៃសាកសព ដែលកូរ៉េខាងជើងកំពុងស្នើយកនោះ។
កូរ៉េខាងជើងបានដាក់សំណើថា សាកសពនោះឈ្មោះ គីម ជុងណាម បងប្រុសលោក គីម ជុងអ៊ុន។ ប៉ុន្តែលោក Abdulមុនប្រគល់សាកសពឲ្យចាំបាច់ត្រូវធ្វើDNA។
ឧបនាយករដ្ឋមន្ត្រីម៉ាឡេស៊ីថ្លែងនៅថ្ងៃព្រហស្បតិ៍ម្សិលមិញថា បុរសដែលត្រូវបានគេសម្លាប់នៅកូឡាឡាំពួរកាលពីថ្ងៃចន្ទនោះ គឺពិតជាឈ្មោះគីម ជុងណាម ជាបងប្អូនបង្កើតជាមួយលោកគីម ជុងអ៊ុន។ លោកថ្លែងដោយបញ្ជាក់លើលិខិតឆ្លងដែនដែលបុរសម្នាក់នោះកាន់៕
