កម្លាំងសន្តិសុខខណ្ឌជ្រោយចង្វារមួយក្រុមបានរារាំង លោក គឹម សុខ អ្នកតាមដាននិងវិភាគបញ្ហាសង្គមនិង ព្រះតេជគុណ ប៊ុត ប៊ុនទិញ រួមទាំងអ្នកចូលរួមមួយចំនួនទៀត មិនឲ្យបន្តដំណើរទៅកាន់សាលាដំបូងរាជធានីភ្នំពេញនៅព្រឹកនេះ ដោយប្រាប់ថាប៉ះពាល់សណ្តាប់ធ្នាប់។
តាមគម្រោងលោក គឹម សុខ ចូលបំភ្លឺនៅសាលាដំបូងរាជធានីភ្នំពេញនៅម៉ោង៩ព្រឹកនេះ។ លោក គឹម សុខ និង ព្រះសង្ឃជាច្រើនអង្គផ្សេងទៀត ធ្វើដំណើរថ្មើរជើងពីវត្តចាស់នៅត្រើយម្ខាងនៃទន្លេឆ្លងកាត់ស្ពានជ្រោយចង្វារ ទៅសាលាដំបូងរាជធានី។ ប៉ុន្តែដល់ជិតគល់ស្ពានត្រូវសន្តិសុខខណ្ឌរារាំងមិនឲ្យបន្តដំណើរ ដោយហេតុផលថា ប៉ះពាល់សណ្តាប់ធ្នាប់។
ក្រោយមកប្រមាណ២០នាទីព្រះសង្ឃនិងលោក គឹម សុខ ស្ថិតនៅមួយកន្លែង ក៏មានការសម្របសម្រួល ដោយប្រធានសណ្តាប់ធ្នាប់ខណ្ឌ អនុញ្ញាតឲ្យលោក គឹម សុខ និងព្រះសង្ឃ២អង្គធ្វើដំណើរបន្ត៕