យោធាជើងទឹករបស់ម៉ាឡេស៊ីថ្លែងថា នាវាផ្ទុកប្រេងចំនួន៩០០ ០០០លីត្រ របស់ ម៉េឡេស៊ី ត្រូវចោរសមុទ្រប្លន់នៅដែនទឹកនៃប្រទេសឥណ្ឌូនេស៊ី។
នាវាដឹកប្រេងTM Vier Harmoni បានចាកចេញពីកំពុងផែ Tanjung Pelepas របស់ម៉ាឡេស៊ី កាលពីថ្ងៃចន្ទ។ ភ្នាក់ងារកម្លាំងទ័ពជើងទឹកម៉ាឡេស៊ីអះអាងថា ការបាត់នោះគឺនៅជិតកោះ បាតាម របស់ឥណ្ឌូនេស៊ី។នេះបើតាមសារព័ត៌មានBBC។
តាមរបាយការណ៍របស់អាជ្ញាធរម៉ាឡេស៊ីគឺប្រេងនោះមានតម្លៃ ១,៥៧ លានរីងហ្គីត ស្មើនឹងជិត៤០ម៉ឺនដុល្លារ។ សមត្ថកិច្ចមិនទាន់សន្និដ្ឋានបានថា ក្រុមណាមួយអ្នក ប្លន់នៅ ឡើយ។