ព័ត៌មានថ្ងៃនេះ ប៉ែន ចំរ៉ុង ​​​​​​​​ ​​​​សារភាពចំពោះ​មុខ​តុលា​ការ​ថា​​ស្រឡាញ់ ភិន សុដាលីស ​​កសិករកាន់តែច្រើនងាកមកធ្វើស្រែតាមបែបប្រពលវប្បកម្ម (វីដេអូ)សម្រាមនិងម៉ូទ័របូមទឹកតូចបង្កការលំបាកដល់ការរំដោះទឹកចេញពីក្រុង (វីដេអូ)​លោក ស ខេង បញ្ជា​ឲ្យ​នគរបាល​បង្កើន​ការអនុវត្តន៍​ច្បាប់​ចរាច​រណ៍​​អគ្គនាយកដ្ឋាន​អត្ដ​សញ្ញាណ​កម្ម​បដិសេធថា​មិន​មាន​ការ​បញ្ចុះ​តម្លៃ​ធ្វើ​អត្ដ​សញ្ញាណ​ប័ណ្ណ​សៀវភៅស្តីពីសេវាសំខាន់ៗនៅសភានឹងសម្រួលដល់ការងាររបស់តំណាងរាស្រ្ត (វីដេអូ)​រដ្ឋាភិបាល​ជប៉ុន​ខក​ចិត្តចំពោះ​វោហា​សាស្ត្រ​វាយប្រហារ​របស់​មេដឹកនាំ​ចិន​លោក​ ហ៊ុន​ សែន ទទូច​ឱ្យបក្សប្រឆាំងមាន​ភាពស្មោះត្រង់​នឹង​ជាតិករណី​ផែនទី​​រដ្ឋមន្ត្រីការបរទេសសហភាព​អឺរ៉ុប ជួបប្រជុំ​គ្នា​ដើម្បី​ពិនិត្យ​ករណីជនភៀសខ្លួនស៊ី​រី​ភ្ញៀវទេសចរ​ទៅ​ទស្សនា​អង្គរ​បន្ត​កើនឡើង ទោះ​ទេសចរ​ឆ្លង​មក​តាម​ប្រទេស​ថៃ​មាន​ការធ្លាក់ចុះ​

ថ្ងៃសុក្រ ទី4 កញ្ញា 2015
អំពីវីអូឌី | ទំនាក់ទំនង

ព័ត៌មានថ្មីបំផុត

ប្រជាជន​ជិត​ ៣០០​​នាក់ នៅ​ភូមិ​​ទំនប់​អភិវឌ្ឍន៍ ខេត្ដ​​ឧត្ដរមានជ័យ ប្រតិកម្ម​​ទៅ​នឹង​ការដក​មេភូមិ​​

ដោយ៖​ បូ សាវី និង ដួង សុខា​ | ថ្ងៃសុក្រ ទី6 ធ្នូ 2013, 05:01 PM​

ស្តាប់សំឡេង៖​

ចម្លងទុក

ប្រជាជន​ជិត​៣០០​នាក់ ក្នុង​ចំណោម​ប្រជាជន​សរុប​​ជាង​ ​១៧០០​នាក់ នៅ​ភូមិ​ទំនប់​​អភិវឌ្ឍន៍ ឃុំ​អូរ​ស្វាយ ស្រុក​ត្រពាំង​ប្រាសាទ ខេត្ដ​ឧត្ដរមានជ័យ បាន​​ប្រតិកម្ម​ទៅ​នឹង​ការដក​មេភូមិ ដោយ​ក្រុមប្រឹក្សា​ឃុំ កាលពី​ថ្ងៃ​ទី​៣ ខែ​ធ្នូ​នេះ ដោយ​ពួកគាត់​លើកទ្បើង​ថា មេភូមិ​ដែល​ត្រូវបាន​ដកចេញ បម្រើ​ការ​ងារ​​ល្អ​ជូន​អ្នក​ភូមិ ជាង​១០​ឆ្នាំ​មក​ហើយ​។​

​អ្នក​ភូមិ​ទំនប់​អភិវឌ្ឍន៍ លោក ប៊ូ នី ឲ្យដឹងថា ប្រជាជន​​ទាមទារ​ឲ្យ​មេឃុំ​អូរ​ស្វាយ លោក កេត សឿង យក​​លោក ឆេង រិន មេភូមិ​ដែល​ត្រូវបាន​ដក​ពី​តួនាទី​ឲ្យចូល​ធ្វើការ​វិញ​។ លោក អះអាងថា មេភូមិ​ដែល​ទើបតែ​ត្រូវបាន​តែងតាំង​ថ្មី ជា​បក្សពួក​មេឃុំ និង​មាន​កម្រិតវប្បធម៌​ទាប​ ៖ “​សុខចិត្ដ​មក​អោបដៃអោបជើង​ប្រធាន​ភូមិ​ចាស់​នេះ ដើម្បី​គាំទ្រ​គាត់​ឲ្យ​គាត់​ត្រឡប់​មក​កាន់​តួនាទី តំណែង​របស់​គាត់​វិញ​នៅក្នុង​មូលដ្ឋាន​របស់​គាត់ ជា​ជម្រើស​របស់​ប្រជាជន​ដែល​អ្នក​ដែល​ធ្វើ ហើយ​និង​អ្នក​មិន​ធ្វើ​ចឹង​អ្នក​ដែល​ធ្វើ​ត្រូវគេ​បង្អាក់​សកម្មភាព​របស់​គាត់​ទៅ​ជា​យក​អ្នក​មិន​ធ្វើ អ្នក​ដែល​ស៊ុំ​កា​លំ​គ្នា​ត្រូវ​ដៃ​ត្រូវ​ជើង​គ្នា​បី​បួន​ប្រាំ​នាក់​ហ្នឹង​គឺ​គេ​រៀបចំ​គ្នា អត់ឲ្យ​ប្រជាជន​មាន​សិទ្ធិ​ទៅ​បោះឆ្នោត​ទេ​” ។​

​លោក​​បន្តថា មេឃុំ និង​សមាជិក​ក្រុមប្រឹក្សាឃុំ បាន​យក​ឯកសារ​ដែល​មាន​ស្នាម​មេដៃ​របស់​​ប្រជាជន​ឲ្យ​ដោះ​ស្រាយ​ទំនាស់​ដីធ្លី មក​បន្លំ​ប្រជាជន ដើម្បី​ឲ្យ​​គាំទ្រ​ការតែងតាំង​មេ​ភូមិ​ថ្មី​។​

​មេភូមិ​ចាស់ លោក ឆេង រិន ដែល​ប្រជាជន​អះ​អាងថា​​បាន​ជួយ​ដោះស្រាយ​ទំនាស់​ដីធ្លី​ក្នុង​ភូមិ ថ្លែងថា ការដក​លោក​ចេញពី​តួនាទី ដោយសារ​លោក​រាយ​​ការណ៍​ទៅ​អភិបាលខេត្ត លោក ស ថា​វី អំ​ទ្បុង​វេទិកាសាធារណៈ​​របស់​អាជ្ញាធរខេត្ត ជុំវិញ​បញ្ហា​ការងាររដ្ឋបាល និង​ករណី​ទំនាស់​ដីធ្លី​មួយចំនួន នៅ​ក្នុង​​ភូមិ ​៖ “​ជា​ឆ្អឹង​ទទឹង​ក​គេ​ចឹង ព្រោះ​អី​យើង​ដឹង​រឿង​ច្រើនពេក​ចេះតែ​តវ៉ា​បញ្ហា​លក់​ដៃ​កន្លងមក យក​ធ្វើ​អី​ដោះស្រាយ​អី​គេ​មិន​ដែល​ឲ្យ​យើង​ដឹង វា​អត់ ហើយ​សួរ​ទៅ​គេ​ឆ្លើយថា ចេះ ថា​ចុះ ខ្ញុំ​និយាយ​អ​ញ្ចេះ ថា តើ​ថ្លៃ​ការពារ​ហ្នឹង​ក្រោម​ឱវាទ​របស់​ភូមិ ឫ​របស់​ឃុំ ខ្ញុំ​សួរ​អ​ញ្ចេះ ហើយ​ទី​ពីរ​ករណី​ដែល​មាន​កើតឡើង​ទំនាស់​ទាស់ទែង​ក្នុងភូមិ​ហ្នឹង តើ​មេភូមិ​មាន​សិទ្ធិ​ដោះស្រាយ​ដែរ​ឫ​អត់ ថា​អត់​” ។

​មេឃុំ​អូរ​ស្វាយ ស្រុក​ត្រពាំង​ប្រាសាទ លោក កេត សឿង អះអាងថា ប្រជាជន​៣៦៧​នាក់​បាន​ផ្តិតមេដៃ ស្នើ​ឲ្យមាន​ការតែងតាំង​មេ​ភូមិ​ថ្មី ទៅ​សាលា​ស្រុក​។ លោក​បញ្ជាក់ថា ការតែងតាំង​នេះ ជា​ការងារ​របស់​ក្រុមប្រឹក្សាឃុំ និង​មិន​មាន​បក្សពួក ពោលគឺ​ពាក់​ព័ន្ធ​ក្រសួង​មហាផ្ទៃ​​ ​៖ "បទបញ្ជា​ក្រុមប្រឹក្សា​ឃុំ បើ​​ភូមិ​ណា​មិនចាត់ការ​​ ភូមិណា​មិន​អនុ​វត្ត​តាម​គោល​ការណ៍របស់​ក្រសួង​​​មហា​ផ្ទៃ​ដាក់​ឲ្យ​ក្រុម​ប្រឹក្សា​ឃុំ​ធ្វើ​ ភូមិ​នោះ​ទទួល​ខុស​ត្រូវ​​ ក្រុមប្រឹក្សា​ឃុំ​នោះ​​ទទួល​ខុស​ត្រូវ ហើយ​ដល់​អញ្ចឹង​ប្រជា​ជន​សំណូម​ពរ​ហើយ យើង​ក៏​ហៅ​​តាម​ក្រុមប្រឹក្សា​ឃុំ​របស់​យើង​ប្រជុំ ប្រជុំ​ក្រុម​ប្រឹក្សា​ឃុំ​ទាំង​៥​រូប​ហ្នឹង យើង​អនុ​ម័ត​ អនុ​ម័ត​ហើយ​បាន​យើង​រាយ​ការណ៍​ទៅ​សាលា​ស្រុក"។

VOD​មិនអាច​សុំ​អត្ថាធិប្បាយ​ពី​អភិបាលខេត្ដ​ឧត្ដរមានជ័យ លោក ស ថា​វី បានទេ ដោយសារ​លោក​ប្រាប់​ថា​ជាប់រវល់​៕

សរសេរមកកាន់​លោក ​បូ សា​វី​ តាមរយៈ savy@vodhotnews.com


Tags: ទំនាស់ដីធ្លី - ខេត្តឧត្តរមានជ័យ

883

ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
​អគ្គនាយកដ្ឋាន​អត្ដ​សញ្ញាណ​កម្ម​បដិសេធថា​មិន​មាន​ការ​បញ្ចុះ​តម្លៃ​ធ្វើ​អត្ដ​សញ្ញាណ​ប័ណ្ណ​

ថ្ងៃទី4 កញ្ញា 2015, 04:55 PM

​អគ្គនាយកដ្ឋាន​អត្ដ​សញ្ញាណ​កម្ម​នៃ​ក្រសួង​មហាផ្ទៃ បដិសេធថា​មិន​មាន​ការ​បញ្ចុះ​តម្លៃ​ធ្វើ​អត្ដ​សញ្ញាណ​ប័ណ្ណ​សញ្ជាតិ​ខ្មែរ​គំរូ​ថ្មី​ទេ ពោល​គឺ​ពលរដ្ឋ​តម្រូវឲ្យ​បង់​ប្រាក់ចំនួន​១០០០០​រៀល​ដដែល​សម្រាប់​ការធ្វើ​អត្តសញ្ញាណប័ណ្ណ​។​ ​កាលពី​ថ្ងៃ​ពុធ​ម្សិលមិញ សាលា​រាជធានី​ភ្នំពេញ​បាន​ផ្សព្វផ្សាយ​ព័ត៌មាន​នៅ​លើ​ទំព័​រហ្វែ​សប៊ុក​ផ្លូវកា​ររបស់​ខ្លួន​ថា “​ដើម្បី​សម្រួល​ដល់​ដំណើរការ​នៃ​ការធ្វើ​អត្តសញ្ញាណប័ណ្ណ​សញ្ជាតិ​ខ្មែរ និង​ជា​ពិសេស​ដើម្បី​សម្រួល​ដល់​ជីវភាព​របស់​បងប្អូន​ប្រជាពលរដ្ឋ រាជរដ្ឋាភិបាល​កម្ពុជា​បាន បញ្ចុះ​ថ្លៃ​សេវា​រដ្ឋបាល​ពី​តំ​ម្លៃ​១០ ០០០​រៀល មក​ត្រឹមតែ ៥ ៣០០​រៀល​វិញ ក្នុង​មួយ​ទិន្នន័យ (​ម្នាក់​)”​។​

និទណ្ឌភាព​ក្លាយ​ជា​ប្រធាន​បទមួយ​នៃ​សន្និសីទអន្តរជាតិប្រឆាំងនឹងអំពើពុករលួយ

ថ្ងៃទី2 កញ្ញា 2015, 03:00 PM

បញ្ហានិទណ្ឌភាព អំពើពុករលួយក្នុងប្រព័ន្ធតុលាការនិងក្នុងផ្នែកនយោបាយ ត្រូវបានយកមកពិភាក្សានៅក្នុងសន្និសីទ​អន្តរជាតិប្រឆាំងនឹងអំពើពុករលួយលើក​ទី​១៦ ដែលធ្វើឡើងនៅប្រទេសម៉ាឡេស៊ី ចាប់ពីថ្ងៃទី០២ដល់ថ្ងៃទី០៤ខែកញ្ញា ឆ្នាំ២០១៥។ សន្និសីទ​អន្តរជាតិ​ប្រឆាំងនឹង​អំពើ​ពុក​រលួយ​នេះ​ធ្វើ​ឡើង​ជា​រៀង​រាល់​២ឆ្នាំម្តង​ ដែល​មាន​អ្នកចូលរួមដល់ទៅ១៥០០នាក់មកពី១៣៥ប្រទេស។ សន្និបាត​លើក​ទី​១៦នេះ​ក៏​មាន​ការ​ចូល​រួម​ពី​មន្រ្តី​អង្គការតម្លាភាព​កម្ពុជា ដែលដឹកនាំដោយនាយកប្រតិបត្តិរបស់អង្គការ លោក ព្រាប​ កុល។ ក្នុង​បទ​សម្ភាសន៍​មួយ​នៅ​ប្រទេស​ម៉ាឡេស៊ីនៅថ្ងៃ​ពុធនេះ​ លោក ព្រាប កុល មានប្រសាសន៍ថាការមក​ចូល​​រួមរបស់អង្គការតម្លាភាពកម្ពុជា​​មានគោល​បំណងពីរ គឺទីមួយ ​មក​រៀន​សូត្រ​ពីប្រទេស​ផ្សេងៗ សង្គមស៊ីវិល​និង​អ្នក​ជំនាញលើ​ការ​ប្រយុទ្ធប្រឆាំង​នឹង​អំពើ​ពុក​រលួយនិងទីពីរ​​ចែករំលែក​ពីបទពិសោធន៍​នៃ​ការ​ប្រយុទ្ធ​ប្រឆាំងនឹង​អំពើ​ពុក​រលួយ​នៅ​កម្ពុជា។ លោក​បន្តថា​ក្នុងសន្និសីទនោះ មាន​ការ​ជជែក​លើ​​ប្រធានបទ​​ច្រើន តែលោក​ថា​អ្វី​ដែល​សំខាន់នោះ​គឺ​​បញ្ហា​និទណ្ឌភាពនិង​អំណាច​របស់​ពលរដ្ឋ​ក្នុង​ការ​ចូល​រួម​ប្រយុទ្ធ​ប្រឆាំង​នឹង​អំពើ​ពុក​រលួយ​។​ លោក​បញ្ជាក់​ថា​និទណ្ឌភាព​នៅកម្ពុជា​​កើ​តចេញ​ពី​ប្រព័ន្ធ​តុលាការមិន​ឯក​រាជ្យ​និង​ត្រូវ​បាន​ប្រើ​ប្រាស់​ក្រោម​ឥទ្ធិពល​អ្នក​មាន​អំណាច​និង​លុយ។​​ លោក​ ព្រាប កុល បន្ត​ថា​រដ្ឋាភិបាលកម្ពុជា​​បាន​ចាត់វិធាន​ការ​ចំពោះ​មន្រ្តី​មួយ​ចំនួនដែល​ប្រព្រឹត្ត​អំពើ​ពុក​រលួយ អង្គភាពប្រឆាំងអំពើ​ពុក​រលួយ​ដោះ​ស្រាយ​បណ្តឹង​​របស់ប្រជា​ពលរដ្ឋនិង​ការ​អប់រំ​ប្រជា​ពលរដ្ឋ​ឲ្យ​ចូល​រួម​ប្រយុទ្ធ​ប្រឆាំងនឹង​អំពើ​ពុក​រលួយ​។ ​ប៉ុន្តែ​លោក​ថា​លោក​ចង់​ឃើញវិធាន​ការ​នេះ​មាន​វិសាលភាពធំជាងនេះ​ ​ពង្រឹងបន្ថែម​ឲ្យ​មាន​ប្រសិទ្ធ​ភាព​ កំណែទម្រង់​ប្រព័ន្ធតុលាការ និង​ការ​ចូល​រួម​របស់​ប្រជា​ពលរដ្ឋ​ឲ្យ​បាន​ច្រើន។​​ លោក​បន្ត​ថា​គណបក្ស​នយោបាយ​ប្រកួតប្រជែង​យក​សំឡេង​ឆ្នោត​ ត្រូវតែ​ដាក់​​របៀប​នៃ​ការ​ប្រយុទ្ធ​ប្រឆាំង​នឹង​អំពើ​ពុករលួយជា​គោល​នយោបាយ​របស់​គណបក្ស​ ដើម្បីអាច​ទទួល​សំឡេង​គាំទ្រ​ពី​ប្រជា​ពលរដ្ឋ។​​ បទសម្ភាសន៍​ជាមួយ​លោក​ ព្រាប កុល នាយកប្រតិបត្តិ​អង្គការតម្លាភាពកម្ពុជា ប្រធានបទផ្សេងៗសម្រាប់​សន្និសីទនេះ​រួមមានតើអំណាចប្រជាពលរដ្ឋមានឥទ្ធិពលយ៉ាងណាទៅលើអំពើពុករលួយនិងនិទណ្ឌភាព បទពិសោធន៍នៃប្រទេសនីមួយៗក្នុងការដោះស្រាយអភិបាលកិច្ចល្អនិងអំពើពុករលួយ ការប្រឆាំងអំពើពុករលួយក្នុងផ្នែកសន្តិសុខនិងការពារប្រទេស អំពើពុលរលួយនៅក្នុងប្រព័ន្ធតុលាការ អំពើពុករលួយផ្នែកនយោបាយ។ គួរបញ្ជាក់ថាថ្មីៗនេះ អង្គការជាតិនិងអន្តរជាតិរួមមានមជ្ឈមណ្ឌលសិទ្ធិមនុស្សកម្ពុជា អង្គការលីកាដូ សមា​​គមអាដហុក អង្គការឃ្លាំមើលសិទ្ធិមនុស្សអន្ដរជាតិនិងសម្ព័ន្ធអង្គការការពារសិទ្ធិមនុស្សអន្តរជាតិ បាន​ស្នើឲ្យក្រុមប្រឹក្សាសិទ្ធិមនុស្សអង្គការសហប្រជាជាតិជួយអន្តរាគមន៍ធ្វើយ៉ាងណាឲ្យដំណើរការនៃការគោរព​សិទ្ធិមនុស្សនៅកម្ពុជាឲ្យមានភាពល្អប្រសើរឡើង។ បណ្ដាញអង្គការសិទ្ធមនុស្សទាំងនោះ​ក៏​បានស្នើឲ្យក្រុមប្រឹក្សាសិទ្ធិមនុស្សនៃអង្គការសហប្រជាជាតិជួយអន្ដរាគមន៍ឲ្យរដ្ឋាភិបាលបញ្ឈប់ ការរំលោភបំពានសិទ្ធិសេរីភាពក្នុងការបញ្ចេញមតិ ការគំរាមកំហែងអ្នកការពារសិទ្ធិមនុស្ស ការខ្វះចន្លោះនៃប្រព័ន្ធយុត្ដិធម៌ឯករាជ្យ ការរំលោភបំពានសិទ្ធិជាម្ចាស់កម្មសិទ្ធិដីធ្លីនិងផ្ទះសម្បែង ការបាត់បង់គោលការណ៍ប្រជាធិបតេយ្យនិងនិទណ្ឌភាពឬអ្នកប្រព្រឹត្តខុសច្បាប់គ្មានទោសជាដើម។ ចំណែករបាយការណ៍របស់ក្រសួងការបរទេសសហរដ្ឋអាមេរិកស្តីពីបញ្ហាសិទ្ធិមនុស្សនៅកម្ពុជាសម្រាប់ឆ្នាំ២០១៤ ឲ្យដឹងថាអាមេរិកបារម្ភពីបញ្ហានិទណ្ឌភាពនៃការបាញ់សម្លាប់កម្មករនៅផ្លូវវ៉េងស្រេង បញ្ហាការឃុំឃាំងមនុស្សនៅក្នុងពន្ធនាគារនិងអំពើពុករលួយក្នុងប្រព័ន្ធតុលាការជាដើម។ របាយការណ៍ក៏បានលើកឡើង​ថារដ្ឋាភិបាលមិនបានអនុវត្តច្បាប់ប្រឆាំងអំពើពុករលួយឲ្យមានប្រសិទ្ធភាពក្នុងការចាត់វិធានការលើមន្រ្តី​ដែលជាប់ពាក់ព័ន្ធនឹងអំពើពុករលួយ ដោយថាបញ្ហានិទណ្ឌភាពនៅតែមានដដែល។ របាយការណ៍បញ្ជា​ក់ថាអំពើពុករលួយបានកើតឡើងគ្រប់ផ្នែកនៃសង្គមកម្ពុជា ទាំងផ្នែកនីតិប្រតិបត្តិ រដ្ឋសភា និងតុលាការ ។ ទោះ​ជា​យ៉ាង​ណា មន្រ្តី​រដ្ឋាភិបាល​បាន​ច្រាន​ចោល​របាយការណ៍​ទាំងនេះ​៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com

​គ្រួសារ​យោធិន​នៅ​ខណ្ឌ​ព្រែក​ព្នៅ​ដែល​ត្រូវ​អាជ្ញាធរ​រុះរើ​ផ្ទះ​ទាមទារ​សំណង​សមរម្យ​

ថ្ងៃទី1 កញ្ញា 2015, 05:47 PM

​គ្រួសារ​យោធិន​ដែល​ត្រូវបាន​អាជ្ញាធរ​ខណ្ឌ​ព្រែក​ព្នៅ ចុះ​រុះរើ​ផ្ទះ​កាលពី​ម្សិលមិញ ទាមទារ​ឲ្យ​អាជ្ញាធរ​ផ្ដ​ល់​សំណង​សមរម្យ​សម្រាប់​ផលប៉ះពាល់ និង​ឥ​វ៉ាន់​លក់ដូរ​ដែល​អាជ្ញាធរ​បាន​រឹបអូស​ពេល​ចុះ​រុះរើ​។​ កាលពី​រសៀល​ម្សិលមិញ កងកម្លាំង​ចម្រុះ​ខណ្ឌ​ព្រែក​ព្នៅ​ប្រមាណ​ជា​៣០​នាក់ បាន​ចុះ​រុះរើ​ផ្ទះ​២​ខ្នង​នៅ​សង្កាត់​ព្រែក​ព្នៅ ខណ្ឌ​ព្រែក​ព្នៅ សម្រាប់​គម្រោង​ពង្រីក​ផ្លូវជាតិ​លេខ​៥ ក្រោយ​ម្ចាស់ផ្ទះ​មិន​ព្រម​ទទួលយក​សំណង​ដែល​អាជ្ញាធរ​ផ្ដល់ឲ្យ​។​ ​អ្នកស្រី ស៊ូ ស្រី​នាង ម្ចាស់ផ្ទះ​ដែល​ត្រូវ​អាជ្ញាធរ​រុះរើ​ប្រាប់​វី​អូ​ឌី​(VOD)​នៅ​ថ្ងៃ​អង្គារ​នេះ​ថា ផ្ទះ​អ្នកស្រី និង​ដី​ផ្ទះ​របស់​កូន​អ្នកស្រី​ត្រូវ​ប៉ះពាល់​សម្រាប់​ការពង្រីក​ផ្លូវជាតិ​លេខ​៥​។ អ្នកស្រី​ថា អាជ្ញាធរ​ខណ្ឌ​បាន​យល់ព្រម​ផ្ដល់​សំណង​ជា​ទឹកប្រាក់​ចំនួន​៨០០០​ដុល្លារ​សម្រាប់​ផ្ទះ​អ្នកស្រី និង​សំណង​៣០០០​ដុល្លារ​សម្រាប់​ផ្ទះ​កូន​អ្នកស្រី ប៉ុន្តែ​អ្នកស្រី​មិន​ព្រម​ទទួលយក​។ អ្នកស្រី​អះអាងថា សំណង​នេះ​មិន​គ្រប់គ្រាន់​សម្រាប់​គាត់​ទិញ​ផ្ទះ​ថ្មី​ដើម្បី​ស្នាក់នៅ និង​ប្រកប​របរ​ចិញ្ចឹម​ជីវិត​នោះទេ ដោយ​អ្នកស្រី​ទាមទារ​សំណង​រួម​ចំនួន​៣៥០០០​ដុល្លារ​សម្រាប់​ផ្ទះ​អ្នកស្រី និង​កូន​។​ ​អ្នកស្រី ស៊ូ ស្រី​នាង បន្តថា ពេល​រុះរើ អាជ្ញាធរ​បាន​រឹបអូស​យក​ជ័រ​ប្រេង​របស់​អ្នកស្រី​អស់​២២​កាន ដែល​អ្នកស្រី​អះអាងថា អ្នកស្រី​បាន​ជឿ​ពី​គេ​មក​លក់​ត ដោយ​ជ័រ​លេខ​មួយ​តម្លៃ​ជាង​៣០​ម៉ឺន​រៀល​ក្នុង​មួយ​កាន​។ អ្នកស្រី​បន្ត​ថា​៖ “​ខាង​សមត្ថកិច្ច​ប៉ូលិស​ដឹក​ឡាន​ទៅ​តែម្ដង កូន​ខ្ញុំ​គ្រាន់​ថា​របស់​ហ្នឹង​យក​ទៅ​ធ្វើ​អី ចាប់​កូន​ខ្ញុំ​ក្រៀក​យកទៅ កូន​ខ្ញុំ​សួរ​យក​កូន​ខ្ញុំ​ទៅ​ធ្វើ​អី​ខ្ញុំ​នៅ​មើល​របស់ទ្រព្យ​ខ្ញុំ​”​។​ ​អ្នកស្រី​អំពាវនាវ​ឲ្យ​សមត្ថកិច្ច​ប្រគល់​ឥ​វ៉ាន់​លក់ដូរ​របស់គាត់​វិញ ដោយ​អ្នកស្រី​ព្រោះ​ពេល​នេះ គាត់​មិន​មាន​ទ្រព្យសម្បត្តិ​អ្វី​ទេ​។ អ្នកស្រី​បន្ត​ទៀត​ថា ក្នុង​ការរុះរើ​នោះ អ្នកស្រី​បាន​បាត់​លុយ និង​គ្រឿងអលង្កា​មួយចំនួន​នៅក្នុង​ផ្ទះ ដែល​អ្នកស្រី​អះអាងថា​បាន​ព្យាយាម​រក​តាំងពី​ម្សិលមិញ​រហូត​ដល់​ថ្ងៃនេះ​នៅតែរ​ក​ពុំ​ឃើញ​។​ VOD មិនទាន់​អាច​ទាក់ទង​អាជ្ញាធរ​ខណ្ឌ​ព្រែក​ព្នៅ​សុំ​ការ​អត្ថាធិបាយ​ពី​បញ្ហា​នេះ​បានទេ ដោយ​ទូរស័ព្ទ​ចូល​គ្មាន​អ្នកទទួល​។ វី​អូ​ឌី​ក៏​មិនអាច​សុំ​ការ​អត្ថាធិបាយ​ពី​អ្នកនាំពាក្យ​សាលា​រាជធានី​ភ្នំពេញ លោក ឡុង ឌី​ម៉ង់​ បានទេ ដោយ​លោក​អះអាងថា ថ្ងៃនេះ​លោក​សុំ​ច្បាប់​ឈប់សម្រាក​ព្រោះ​មានធុរៈ​។​

ស្រ្តីខ្មែរ៦នាក់ចាញ់បោកមេខ្យល់​ធ្វើ​ការ​នៅ​ម៉ាឡេស៊ី​ត្រូវ​បាន​ជួយ​សង្រ្គោះ

ថ្ងៃទី31 សីហា 2015, 05:30 PM

ស្រ្តី​ខ្មែរ​៦នាក់​ដែលរងគ្រោះ​ដោយ​សារ​ចាញ់បោកមេខ្យល់នាំទៅធ្វើការនៅប្រទេសម៉ាឡេស៊ី ត្រូវ​បាន​ជួយ​សង្រ្គោះ​​ហើយ​​នឹង​ត្រូវ​បញ្ជូន​កម្ពុជា​នៅ​ថ្ងៃអង្គារស្អែកនេះ។ សេចក្តីប្រកាសព័ត៌មាន​មានពីក្រសួងការបរទេសកម្ពុជា​ ចុះថ្ងៃទី៣១ខែសីហា ឲ្យ​ដឹងថាស្ថានឯកអគ្គរាជទូតកម្ពុជា​ប្រចាំនៅ​ប្រទេសម៉ាឡេស៊ីបានអន្តរាគមន៍ជួយពលការិនីខ្មែររងគ្រោះចំនួន៦នាក់​ដែលត្រូវបានមេខ្យល់​នាំយក​ទៅធ្វើការនៅប្រទេសម៉ាឡេស៊ី  ហើយជួបប្រទះនឹងការលំបាកក្នុងការងារ។ សេចក្តីប្រកាសដដែលបាន​បន្តថាក្នុងពេលរង់ចាំការត្រឡប់មកកម្ពុជាវិញ ស្ថានទូតបានផ្ដល់កន្លែងស្នាក់នៅនិងបាយទឹកនិង​បានចេញលិខិតធ្វើដំណើរបណ្តោះអាសន្នឲ្យ​ពលការិនីទាំង២នាក់នេះ។ ស្រ្តី​ទាំង៦នឹងមកដល់កម្ពុជាវិញ នៅថ្ងៃទី០១ ខែ​កញ្ញា ឆ្នាំ​២០១៥  ស្អែកនេះ​ នៅអាកាសយានដ្ឋានអន្តរជាតិភ្នំពេញ ​។ អ្នកនាំពាក្យក្រសួងការបរទេស លោក ជុំ សុន្ទរី មិន​ទាន់​អាច​បញ្ជាក់​ពី​ចំនួន​ស្រ្តីខ្មែរ​ដែល​រងគ្រោះ​ដែល​ត្រូវ​បាន​ជួយ​សង្រ្គោះបាន​នៅ​ឡើយ​ទេ។ ក្រសួងការបរទេស​កម្ពុជា​បាន​អំពាវនាវដោយទទូចដល់ពលរដ្ឋខ្មែរត្រូវប្រុង​​ប្រយ័ត្នចំពោះការឆបោក អូសទាញ បញ្ចុះ​បញ្ចូលពីសំណាក់មេខ្យល់៕ សរសេរមកកាន់លោក មាឃ ចាន់ តាមរយៈchanmeak981@gmail.com

សិស្ស​ប្រឡង​បាក់ឌុបភាគច្រើន​​ឆ្លើយ​មិន​ត្រូវ​​សំណួរ​ទាក់ទង​នឹង​វប្បធម៌សន្ទនា

ថ្ងៃទី31 សីហា 2015, 04:33 PM

អនុរក្ស​កំណែ​លើ​មុខវិជ្ជា​ប្រវត្តិ​វិទ្យា​បាន​និយា​យ​ថា​សិស្ស​ប្រឡង​បាក់ឌុប​ភាគច្រើន​មិន​​អាច​ឆ្លើយ​ត្រូវ​នឹង​សំណួរ​ទាក់ទង​នឹង”​វប្បធម៌សន្ទនា”​ដែល​ថ្នាក់ដឹកនាំ​គណបក្ស​ប្រជា​ជនកម្ពុជា​និង​គណបក្ស​សង្រ្គោះជាតិ​​បាន​បង្កើតនោះទេ​។​ នៅក្នុង​ការប្រឡង​ថ្នាក់ទី១២​កាលពីថ្ងៃទី​២៤ខែសីហា​ សម្រាប់​មុខវិជ្ជា​ប្រវត្តិ​វិទ្យា បេក្ខជន​ប្រឡង​តម្រូវ​ឲ្យ​​បក​​ស្រាយ​ពីតួនាទីនៃ​វប្បធម៌សន្ទនាក្នុង​សង្គមប្រជាធិបតេយ្យ។​ បើ​តាម​កំណែ​ប្រឡង​​ដែល​វីអូឌី​(VOD)​ទទួលបាននៅថ្ងៃ​ចន្ទនេះ​​ ចម្លើយ​លើ​សំណួរ​នេះ​អាច​ជា​វប្បធម៌សន្ទនា​បាន​​បញ្ចៀស​មុន​​សង្រ្គាម​ពាក្យ​សម្តី​និង​ទំនាស់ផ្សេងៗ​ក្នុង​សង្គម ដោះ​ស្រាយ​បញ្ហា​ផ្សេងៗ​ដោ​យ​សន្តិវិធី ផ្តល់នូវ​ភាព​ស្មោះ​ត្រង់​និង​ជឿជាក់ចិត្ត​ទៅ​វិញ​មក ជា​វេទិកា​ជជែក​ដេញ​ដោល​និង​ពិភាក្សា​ឈរ​លើ​គោ​ល​ការណ៍​ស្មើ​គ្នា ពុំមាន​ការ​គំរាម​កំហែង​គ្នា​ទៅ​វិញ​​ទៅ​មក មាន​ទំនួល​ខុសត្រូវ​លើ​ផល​ប្រយោជន៍​ជាតិ​ក្នុង​សង្គម​ប្រ​ជា​ធិបតេយ្យនិង​បញ្ចៀស​រាល់អំពើ​ហិង្សា​​និង​សង្រ្គាម​ជាដើម។​ ​គ្រូកំណែ​មុខ​វិ​​ជ្ជាប្រ​វត្តិ​វិទ្យា​មក​ពី​ខេត្ត​កំពត លោក​ គាត​ ងាន់​ បាន​ប្រាប់​វី​អូឌី​(VOD)ថាសិស្សភាគច្រើន​ឆ្លើយ​មិ​ន​ត្រូវ​នឹង​សំណួរ​ទាក់ទង​នឹង​វប្បធម៌សន្ទនានេះ។ លោក​បញ្ជាក់​ថា​៖”​ អា​សំណួរ​វប្ប​ធម៌​សន្ទនា​ហ្នឹង​ភាគច្រើន​សិស្ស​ធ្វើ​មិន​បាន​ ដោយ​សា​សិស្ស​អត់​ទាន់យល់​នូវ​​អាឃ្លា​ដែល​គេ​សួរ​​ ហើយ​មួយ​ទៀត​សំណួរ​ ហ្នឹង​​វា​នៅ​ក្រៅ​មេរៀន​ ហើយ​សិស្ស​អត់​ចេះទេ​ភាគ​ច្រើន​ធ្លាក់​​”។ លោក​​បន្ត​ថាក្រសួង​​មិន​គួ​រដាក់​សំណួរ​ទាក់​ទង​នឹង​​វប្ប​ធម៌សន្ទនានោះទេ ព្រោះ​គ្រូ​បង្រៀនបាន​​បង្រៀន​អ្វី​ដែល​មាន​តែ​​ក្នុង​មេរៀន​តែប៉ុណ្ណោះ។ លោក​បញ្ជាក់​​ថា​៖ ”ខ្ញុំ​សំណូម​ពរ​វិញចង់​ឲ្យ​អ្នក​ដែល​ដាក់​វិញ្ញាសា​ហ្នឹង​សរសេរ​សំណួរ​ចេញ​នៅ​ក្នុង​មេរៀន ដែល​សិស្ស​​បាន​រៀន​អា​ហ្នឹង​ល្អ”។ លោក​បន្ត​ថា​វិញ្ញាសាប្រឡង​​ឆ្នាំ​នេះ​ស្រាល​ជា​ង​ឆ្នំា​មុន ដោយ​លោក​​មើល​ឃើញ​ថា​ចំ​នួន​សិស្ស​អា​ច​ធ្វើ​បាន​ជា​ង​ឆ្នាំមុន​​ ហើយ​​មួយ​ថ្នាក់​មាន​ធ្លាក់​តែ​២ឫ៣នាក់​ប៉ុណ្ណោះ​។ គ្រូកំណែមុខវិជ្ជាប្រវត្តិវិទ្យា​ មកពីខេត្តកំពង់ស្ពឺ អ្នកគ្រូ​ ឈុំ សុផា បានប្រាប់វីអូឌី(VOD)នៅថ្ងៃចន្ទ​នេះថាសិស្ស​មួយចំនួនធំមិន​សូវចាប់អារម្មណ៍ពីបញ្ហា​នយោបាយនោះទេ​ ហើយ​ថា​វប្បធម៌សន្ទនាទើបកើត​ឡើង​ថ្មី​ៗ​។ អ្នកគ្រូបញ្ជាក់​ថា​៖ “សិស្សឆ្នាំហ្នឹងនិយាយរួមទៅវាអត់សូវយល់ពាក្យថាវប្បធម៌សន្ទនាទេ ពីព្រោះសិស្ស​(ដែល​)ខ្ញុំកែទៅ ឃើញ​ច្រើន​លើក​តែពីវប្បធម៌អរិយធម៌ពីមុន ដល់ពេលវប្បធម៌សន្ទនារបស់អត្រាកំណែចេញប្រឡងឆ្នាំហ្នឹងសិស្សអត់សូវយល់។ ខ្ញុំកែមួយដុំអញ្ចឹងមួយបន្ទប់អញ្ចឹងសិស្សតែម្នាក់ពីរនាក់ទេដែលអាចធ្វើ​បាន ក្រៅពីហ្នឹងធ្វើ​អត់បានអត់យល់”។ អ្នក​គ្រូ​ឲ្យ​ដឹង​ទៀត​ថា​ការប្រឡងឆ្នាំនេះប្រសើរ​ជាងឆ្នាំ​មុន​បន្តិច ដោយថាឆ្នាំមុន ក្នុង​មួយបន្ទប់​រកអ្នកជាប់មួយ​នាក់​ឬ​ពីរនាក់សឹង​មិនបាន។ រដ្ឋមន្រ្តីក្រសួងអប់រំ លោក ហង់ ជួន ណារ៉ុន ប្រាប់វីអូឌី(VOD)ថាលោកមិនទាន់​ដឹងភាគរយ​នៃ​សិស្សអាចធ្វើបានឫមិនអាចធ្វើបានលើ​សំណួរ​វប្បធម៌សន្ទនានេះ​ទេ។ លោក​បន្ត​ថា​លោក​រង់​ចាំ​លទ្ធ​ផលជា​មុន​សិន​ ទើប​អាច​ផ្តល់​ជា​យោបល់​បាន។ រដ្ឋមន្រ្តី​ក្រសួង​អប់រំ​រូប​នេះ​​ធ្លាប់​បាន​ប្រាប់​សារព័ត៌មាន​ថា​ការ​សួរ​សំណួរ​​ទាក់​ទង​នឹង​​វប្បធម៌សន្ទនា​នេះ​ ដោយសារ​ការ​បង្កើត​​វប្បធម៌សន្ទនា​អាច​ជា​ប្រវត្តិសាស្រ្ត​មួយ ហើយ​សិស្ស​​គួ​​រ​តែ​រៀន​អ្វី​​ដែល​បា​ន​កើត​ឡើង​នាពេល​បច្ចុប្បន្ន ​មិន​មែន​តែ​ពេល​អតី​ត​កាល​នោះទេ។​ ប្រ​ធាន​ម​ជ្ឈ​ម​ណ្ឌល​ពលរដ្ឋ​ដើម្បី​អភិ​វឌ្ឍន៍និង​សន្តិភាព លោក យង់​ គិម​អេង​​ យល់​ថា​មូល​ហេតុ​ដែល​សិស្ស​​ប្រ​ឡ​ង​ថ្នាក់​ទី​១២​​ធ្វើ​សំណួរ​​វប្ប​ធម៌​សន្ទនា​មិន​បាន​ដោយ​សា​រ​កង្វះ​ខាត​ក្នុង​ការ​​អាន​ព័ត៌មាន​​និង​ការ​រឹត​​ត្បិ​ត​សេរី​ភាពក្នុង​​បញ្ចេញមតិ​យោ​បល់​ទាក់​ទង​នឹង​នយោបាយ​។ ​កាលពីថ្ងៃទី​១៤ខែសីហា រដ្ឋមន្រ្តីក្រសួង​អប់រំ​បាន​ថ្លែង​ក្រើន​រំឭក​​ថាគ្រូបង្រៀន​មិន​អាច​យក​រឿង​ន​យោបាយ​ឬគណបក្ស​នយោបាយ​មក​និយាយ​នៅ​ក្នុង​ថ្នាក់រៀននោះទេ។ លោក​បាន​​បញ្ជាក់​ថា៖“តើស្អីទៅសកម្មភាពនយោបាយ? អ្វី​ដែល​មាន​ចែង​នៅក្នុង​ច្បាប់អប់រំ​។ យើង​អត់អាចធ្វើអីលើសពីច្បាប់ទេ។​ ខ្ញុំ​ចង់និយាយពីច្បាប់អប់រំតិច សង្ខេបថា​និយាយ​តែ​ខ្លីទេ នៅពេលទៅបង្រៀន​មិន​អាច​យក​រឿងនយោ​បាយ​​មក​លូក​លំជាមួយ​ការ​បង្រៀន​សិស្ស​នៅក្នុង​ថ្នាក់”។ លោករដ្ឋមន្រ្តី​ក៏​បាន​លើក​ជា​ឧទាហរណ៍នៃ​ការ​បកស្រាយនេះ​ថា​គណបក្សនយោបាយ​ណាមួយ​បាន​បញ្ជូន​មនុស្ស​មក​ពេញសាលាហើយ​​លុប​ចោល​ម៉ោងសិក្សា​ ដោយ​​យក​ពេលនោះ​ទៅ​រៀន​ពីគោលនយោ​បាយ​របស់គណបក្សណាមួយ​ ឬ​ក៏​យក​ពេលបង្រៀន​ទៅ​​ឃោ​សនា​ឲ្យ​គណបក្ស​ណាមួយ។​ គួររំឭកថា កាលពីថ្ងៃទី០៨ខែឧសភា ឆ្នាំ​២០១៥ លោកនាយករដ្ឋមន្រ្តី​ ហ៊ុន សែន និង​លោក សម រង្ស៊ី បាន​ឯកភាពគ្នាលើ​ការ​មិន​ឲ្យ​ប្រើ​ប្រាស់​ពាក្យ​ពេចន៍​មួយ​ចំនួន​ ក្នុង​នោះ​មាន​ពាក្យ​ចាប់ដាក់គុក​ សង្គ្រាម​កើត​ឡើង ​ការ​ញុះញង់​ ការ​លាប​ពណ៌ ការ​ប្រើ​ពាក្យអសុរោះ និង​ការ​ជេរ​ប្រមាថ​គ្នា ដូច​ជា​ករណី​​ប្រើ​ពាក្យ​អាក្បាល​យួន​ខ្លួន​ខ្មែរ ពួកកុម្មុយនីស្តផ្តាច់​ការ​ អាយ៉ងយួន អាក្បត់​ជាតិ អា​លក់​ជាតិ អា​មេចោរ និង​អាកូន​ចោរជាដើម​។ ថ្នាក់ដឹកនាំទាំងពីរ​បន្ត​ថា ដើម្បី​រក្សា​វប្បធម៌​សន្ទនា គណបក្ស​ទាំងពីរត្រូវ​មាន​ភាព​ស្មោះត្រង់​ជា​មួយគ្នា​ ដោយ​យក​វប្បធម៌​សន្ទនា​ធ្វើ​ជា​មូល​ដ្ឋាន​ក្នុង​ការ​ពិភាក្សា​ដោះ​​ស្រាយ​ដោយ​សន្តិវិធី នូវ​រាល់​បញ្ហា​ជតិ និង​សង្គម ដែល​ភាគីទាំងពីរ​អាច​មាន​ទស្សនៈ​មិន​ទាន់​ស្រប​គ្នា​៕ រាយការណ៍​បន្ថែម​ដោយ​លោក ស៊ុន ណារិន​ សរសេរ​មក​កាន់​ លោក​ ឆុង​ ស៊ីណាន តាម​រយៈChhong.sinan@yahoo.comនិង​លោក សេង វណ្ណៈ តាមរយៈsengvannakdmc@gmail.com

​កម្មករ​ព្រមាន​ដុត​រោងចក្រ ដោយសារ​ថៅកែ​រត់ចោល​មិន​បាន​ទូទាត់​សំណង​

ថ្ងៃទី31 សីហា 2015, 03:31 PM

កម្មករ​ជាង​១០០​នាក់ ​ដែល​ថៅកែ​រត់​ចោល​នោះ បាន​នាំគ្នា​តវ៉ា​ដុត​កង់ឡាននៅ​មុខ​រោងចក្រ​ដេរខោ​ខោ​ប៊ូ​យឈ្មោះ​ ធាន​ធាន ស្ថិតក្នុង​ខេត្ត​កណ្តាល នៅ​ព្រឹក​ថ្ងៃទី​៣១ ខែសីហា​នេះ ដើម្បី​ទាមទារ​រក​ដំណោះស្រាយលើ​ប្រាក់ខែ​ចុងក្រោយ​។  ​កម្ម​ការ​នី ឌុ​ត សុភ័ក្ត្រ ដែល​ចូលរួម​ការតវ៉ា​នេះបានឲ្យដឹងថា កម្មករ​បាន​ដាក់ពាក្យ​បណ្តឹង​ទៅ​តុលា​ការខេត្តកណ្តាល បន្ទាប់​ពី​ថៅកែ​រោងចក្របាន​លួច​រត់ចោល​កម្មករ ហើយ​តុលាការបាន​ចេញ​ដីកា ឲ្យ​ដាក់​លក់ឡៃ​ឡុង​នូវ​សម្ភារ​រោងចក្រ ដើម្បី​យកប្រាក់​ទូទាត់​ឲ្យ​កម្មករ​។ 

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To