ព័ត៌មានថ្ងៃនេះ រដ្ឋ​មន្ត្រី​ក្រសួង​វប្បធម៌អំពាវនាវ​ឲ្យ​​​តារា​អាជីព​​​​​​​​ចូល​សាលា​ហាត់​​សម្ដែងភរិយាឧកញ៉ាថោង សារ៉ាត់ ទ្រ​ហោយំសុំនាយករដ្ឋមន្រ្តី​រកយុត្តិធម៌ជូនស្វាមីរដ្ឋមន្រ្តីសុខាភិបាលថា ការ​ផ្តល់​បរិក្ខាពេទ្យ​ពីអាមេរិក​នឹង​កាត់​បន្ថយ​អត្រា​ស្លាប់​របស់​មាតានិង​ទារក (វីដេអូ)អភិបាលរងខណ្ឌចំការមនថានឹងលាលែងពីតំណែងបើមានការបណ្ដេញអ្នករស់នៅអគារប៊ុលឌីង (វីដេអូ)ចលនាបង្កើតគណបក្សនយោបាយ វគ្គ២ បញ្ចប់ (វីដេអូ)អាមេរិក​ផ្តល់ជំនួយ​៤៥ម៉ឺនដុល្លារសម្រាប់​ការ​អភិរក្ស​ប្រាសាទ​ភ្នំបាខែ​ងអាជ្ញាធរ​ថា​វៀត​​​ណាម​​​បន្តធ្វើ​​​​ផ្លូវ​​​នៅ​​​តំបន់​ព្រំដែន​ខេត្ត​​​កំពតចលនាបង្កើតគណបក្សនយោបាយ វគ្គ១ (វីដេអូ)​លោក សម រង្ស៊ី ទាមទារ​ឱ្យ​វៀតណាម​គោរព​កិច្ចព្រមព្រៀង​ទីក្រុង​ប៉ារីស​យាយ ង៉ែត ឃុន រក្សាជំហរជួយជនរងគ្រោះដីធ្លីដទៃទៀតក្រោយទទួលបានប្លង់កម្មសិទ្ធិ (វីដេអូ)

ថ្ងៃសៅរ៍ ទី1 សីហា 2015
អំពីវីអូឌី | ទំនាក់ទំនង

ព័ត៌មានថ្មីបំផុត

ប្រជាជន​ជិត​ ៣០០​​នាក់ នៅ​ភូមិ​​ទំនប់​អភិវឌ្ឍន៍ ខេត្ដ​​ឧត្ដរមានជ័យ ប្រតិកម្ម​​ទៅ​នឹង​ការដក​មេភូមិ​​

ដោយ៖​ បូ សាវី និង ដួង សុខា​ | ថ្ងៃសុក្រ ទី6 ធ្នូ 2013, 05:01 PM​

ស្តាប់សំឡេង៖​

ចម្លងទុក

ប្រជាជន​ជិត​៣០០​នាក់ ក្នុង​ចំណោម​ប្រជាជន​សរុប​​ជាង​ ​១៧០០​នាក់ នៅ​ភូមិ​ទំនប់​​អភិវឌ្ឍន៍ ឃុំ​អូរ​ស្វាយ ស្រុក​ត្រពាំង​ប្រាសាទ ខេត្ដ​ឧត្ដរមានជ័យ បាន​​ប្រតិកម្ម​ទៅ​នឹង​ការដក​មេភូមិ ដោយ​ក្រុមប្រឹក្សា​ឃុំ កាលពី​ថ្ងៃ​ទី​៣ ខែ​ធ្នូ​នេះ ដោយ​ពួកគាត់​លើកទ្បើង​ថា មេភូមិ​ដែល​ត្រូវបាន​ដកចេញ បម្រើ​ការ​ងារ​​ល្អ​ជូន​អ្នក​ភូមិ ជាង​១០​ឆ្នាំ​មក​ហើយ​។​

​អ្នក​ភូមិ​ទំនប់​អភិវឌ្ឍន៍ លោក ប៊ូ នី ឲ្យដឹងថា ប្រជាជន​​ទាមទារ​ឲ្យ​មេឃុំ​អូរ​ស្វាយ លោក កេត សឿង យក​​លោក ឆេង រិន មេភូមិ​ដែល​ត្រូវបាន​ដក​ពី​តួនាទី​ឲ្យចូល​ធ្វើការ​វិញ​។ លោក អះអាងថា មេភូមិ​ដែល​ទើបតែ​ត្រូវបាន​តែងតាំង​ថ្មី ជា​បក្សពួក​មេឃុំ និង​មាន​កម្រិតវប្បធម៌​ទាប​ ៖ “​សុខចិត្ដ​មក​អោបដៃអោបជើង​ប្រធាន​ភូមិ​ចាស់​នេះ ដើម្បី​គាំទ្រ​គាត់​ឲ្យ​គាត់​ត្រឡប់​មក​កាន់​តួនាទី តំណែង​របស់​គាត់​វិញ​នៅក្នុង​មូលដ្ឋាន​របស់​គាត់ ជា​ជម្រើស​របស់​ប្រជាជន​ដែល​អ្នក​ដែល​ធ្វើ ហើយ​និង​អ្នក​មិន​ធ្វើ​ចឹង​អ្នក​ដែល​ធ្វើ​ត្រូវគេ​បង្អាក់​សកម្មភាព​របស់​គាត់​ទៅ​ជា​យក​អ្នក​មិន​ធ្វើ អ្នក​ដែល​ស៊ុំ​កា​លំ​គ្នា​ត្រូវ​ដៃ​ត្រូវ​ជើង​គ្នា​បី​បួន​ប្រាំ​នាក់​ហ្នឹង​គឺ​គេ​រៀបចំ​គ្នា អត់ឲ្យ​ប្រជាជន​មាន​សិទ្ធិ​ទៅ​បោះឆ្នោត​ទេ​” ។​

​លោក​​បន្តថា មេឃុំ និង​សមាជិក​ក្រុមប្រឹក្សាឃុំ បាន​យក​ឯកសារ​ដែល​មាន​ស្នាម​មេដៃ​របស់​​ប្រជាជន​ឲ្យ​ដោះ​ស្រាយ​ទំនាស់​ដីធ្លី មក​បន្លំ​ប្រជាជន ដើម្បី​ឲ្យ​​គាំទ្រ​ការតែងតាំង​មេ​ភូមិ​ថ្មី​។​

​មេភូមិ​ចាស់ លោក ឆេង រិន ដែល​ប្រជាជន​អះ​អាងថា​​បាន​ជួយ​ដោះស្រាយ​ទំនាស់​ដីធ្លី​ក្នុង​ភូមិ ថ្លែងថា ការដក​លោក​ចេញពី​តួនាទី ដោយសារ​លោក​រាយ​​ការណ៍​ទៅ​អភិបាលខេត្ត លោក ស ថា​វី អំ​ទ្បុង​វេទិកាសាធារណៈ​​របស់​អាជ្ញាធរខេត្ត ជុំវិញ​បញ្ហា​ការងាររដ្ឋបាល និង​ករណី​ទំនាស់​ដីធ្លី​មួយចំនួន នៅ​ក្នុង​​ភូមិ ​៖ “​ជា​ឆ្អឹង​ទទឹង​ក​គេ​ចឹង ព្រោះ​អី​យើង​ដឹង​រឿង​ច្រើនពេក​ចេះតែ​តវ៉ា​បញ្ហា​លក់​ដៃ​កន្លងមក យក​ធ្វើ​អី​ដោះស្រាយ​អី​គេ​មិន​ដែល​ឲ្យ​យើង​ដឹង វា​អត់ ហើយ​សួរ​ទៅ​គេ​ឆ្លើយថា ចេះ ថា​ចុះ ខ្ញុំ​និយាយ​អ​ញ្ចេះ ថា តើ​ថ្លៃ​ការពារ​ហ្នឹង​ក្រោម​ឱវាទ​របស់​ភូមិ ឫ​របស់​ឃុំ ខ្ញុំ​សួរ​អ​ញ្ចេះ ហើយ​ទី​ពីរ​ករណី​ដែល​មាន​កើតឡើង​ទំនាស់​ទាស់ទែង​ក្នុងភូមិ​ហ្នឹង តើ​មេភូមិ​មាន​សិទ្ធិ​ដោះស្រាយ​ដែរ​ឫ​អត់ ថា​អត់​” ។

​មេឃុំ​អូរ​ស្វាយ ស្រុក​ត្រពាំង​ប្រាសាទ លោក កេត សឿង អះអាងថា ប្រជាជន​៣៦៧​នាក់​បាន​ផ្តិតមេដៃ ស្នើ​ឲ្យមាន​ការតែងតាំង​មេ​ភូមិ​ថ្មី ទៅ​សាលា​ស្រុក​។ លោក​បញ្ជាក់ថា ការតែងតាំង​នេះ ជា​ការងារ​របស់​ក្រុមប្រឹក្សាឃុំ និង​មិន​មាន​បក្សពួក ពោលគឺ​ពាក់​ព័ន្ធ​ក្រសួង​មហាផ្ទៃ​​ ​៖ "បទបញ្ជា​ក្រុមប្រឹក្សា​ឃុំ បើ​​ភូមិ​ណា​មិនចាត់ការ​​ ភូមិណា​មិន​អនុ​វត្ត​តាម​គោល​ការណ៍របស់​ក្រសួង​​​មហា​ផ្ទៃ​ដាក់​ឲ្យ​ក្រុម​ប្រឹក្សា​ឃុំ​ធ្វើ​ ភូមិ​នោះ​ទទួល​ខុស​ត្រូវ​​ ក្រុមប្រឹក្សា​ឃុំ​នោះ​​ទទួល​ខុស​ត្រូវ ហើយ​ដល់​អញ្ចឹង​ប្រជា​ជន​សំណូម​ពរ​ហើយ យើង​ក៏​ហៅ​​តាម​ក្រុមប្រឹក្សា​ឃុំ​របស់​យើង​ប្រជុំ ប្រជុំ​ក្រុម​ប្រឹក្សា​ឃុំ​ទាំង​៥​រូប​ហ្នឹង យើង​អនុ​ម័ត​ អនុ​ម័ត​ហើយ​បាន​យើង​រាយ​ការណ៍​ទៅ​សាលា​ស្រុក"។

VOD​មិនអាច​សុំ​អត្ថាធិប្បាយ​ពី​អភិបាលខេត្ដ​ឧត្ដរមានជ័យ លោក ស ថា​វី បានទេ ដោយសារ​លោក​ប្រាប់​ថា​ជាប់រវល់​៕

សរសេរមកកាន់​លោក ​បូ សា​វី​ តាមរយៈ savy@vodhotnews.com


Tags: ទំនាស់ដីធ្លី - ខេត្តឧត្តរមានជ័យ

867

ផ្តល់ជាមតិយោបល់

អ៊ីមែល​​លោកអ្នកនឹងមិនបង្ហាញជាសាធារណៈឡើយ។

បញ្ជាក់៖ យើងខ្ញុំសូមរក្សាសិទ្ធិមិនបង្ហាញមតិយោបល់ណាដែលមានខ្លឹមសារជេរប្រមាថ មានពាក្យពេចន៍អសុរស ដែលធ្វើឲ្យប៉ះពាល់ដល់កិត្តិយសបុគ្គលនិងផ្ទុយពីខ្លឹមសារច្បាប់។

ព័ត៌មានផ្សេងៗ

មើលព័ត៌មានផ្សេងៗទាំងអស់
ភរិយាឧកញ៉ាថោង សារ៉ាត់ ទ្រ​ហោយំសុំនាយករដ្ឋមន្រ្តី​រកយុត្តិធម៌ជូនស្វាមី

ថ្ងៃទី31 កក្កដា 2015, 10:27 PM

ភរិយា​របស់​ថោង សារ៉ាត់ដែលជាប់​ពាក់ព័ន្ធ​នឹង​ការ​បាញ់សម្លាប់ឧកញ៉ាម្នាក់ ​រួម​ជាមួយ​​ក្រុមគ្រួសារអង្គរក្ស​​របស់​លោក ថោង សារ៉ាត់ បាន​ស្រែក​ទ្រហោយំក្នុង​វីដេអូឃ្លីប​មួយ​ អំពាវនាវ​ឲ្យ​លោកនាយករដ្ឋមន្រ្តី ហ៊ុន សែន ជួយ​រកយុត្តិធម៌​ ដោយ​អះអាង​ថា​ស្វាមីរបស់ខ្លួន​មិន​បាន​ប្រព្រឹត្តដូច​ការ​ចោទប្រកាន់នោះទេ។ វីដេអូមួយ​ដែល​ពោរពេញ​ដោយ​សំឡេងស្រែកយំ​រកយុត្តិធម៌​ត្រូវ​បាន​ផ្សព្វផ្សាយនៅថ្ងៃសុក្រនេះ។ ​ភរិយា​​​របស់​​​លោក ថោង សារ៉ាត់ លោកស្រី ទាវ ធីតា ព្រមទាំងក្រុមគ្រួសារ ​ភរិយារបស់អង្គរក្សលោក​ ថោង សារ៉ាត់​​​ ព្រម​ទាំង​ក្រុមគ្រួសារ ​បាន​សុំ​អន្តរាគមន៍​ពី​លោក​នាយករដ្ឋមន្រ្តី ហ៊ុន សែន​ និង​ភរិយា ដោយ​លើក​ឡើង​​ថា​លោក ថោង សារ៉ាត់ និង​អង្គរក្ស​មិន​បានពាក់ព័ន្ធ​នឹង​ការ​​ធ្វើ​ឃាតឧកញ៉ា អ៊ឹង ម៉េង​ជឺ នោះទេ។ គួរ​រំ​ឭកថា តុលាការ​បាន​ចោទ​លោក ថោង សារ៉ាត់ ពី​បទ​ផ្តើមគំនិត​​ក្នុង​អំពើ​ឃាតកម្ម​គិត​ទុកជាមុន ពាក់ព័ន្ធ​​នឹង​ការបញ្ជាឲ្យ​អង្គរ​ក្ស​បាញ់​សម្លាប់​លោកឧ​ក​ញ៉ា អ៊ឹង ម៉េង​ជឺ កាល​វេលា​ម៉ោងជាង​៧​យប់​ថ្ងៃ​ទី​២២ ខែវិច្ឆិកា ឆ្នាំ​២០១៤។ ចំណែក​អង្គរក្ស​៤​នាក់​របស់​លោក​ត្រូវបាន​ចោទប្រកាន់​ពីបទ“​ឃាតកម្ម​គិត​ទុក​ជាមុននិង​បទ​​សមគំនិត​” ។ អង្គរក្ស​ទាំង​៤​នាក់​នោះ​មានឈ្មោះ មាស សម្បត្តិ ឈ្មោះ សៀង វាសនា ឈ្មោះ កូយ ចាន់ថុល និង​ឈ្មោះ លី សៅរ៍ ។​ ​ក្នុង​វីដេអូឃ្លីប​ដែលមាន​​​​មនុស្ស​ប្រមាណ​៥០០នាក់ចូលរួម​ ភរិយាលោក ថោង សារ៉ាត់ លោក​ស្រី  ទាវ ធីតា បាន​និយាយ​ថា​គ្រួ​សារ​របស់លោក​ស្រី​តែ​ងតែ​រកស៊ី​ត្រឹមត្រូវ​តាម​ច្បាប់និង​តែ​ងតែ​ជឿលើ​ប្រព័ន្ធយុត្តិ​ធម៌កម្ពុជា ទើប​ស្វាមី​របស់លោកស្រី​​បាន​វិលត្រឡប់មកកម្ពុជា​វិញដើម្បី​រក​ខុសត្រូវ។ លោកស្រី​​បន្ត​ថា​លោកនាយក​រដ្ឋមន្រ្តីបាន​រក​យុត្តិធម៌ជូនអតីតពិធីការិនីទូរទស្សន៍​ ​កញ្ញាសាសា ករណី​ហិង្សា​ពីសំណាក់​​ឧកញ៉ា សុខ ប៊ុន។​ លោកស្រី ទាវ ធីតា បាន​និយាយ​ថា​​ស្វាមីរបស់ខ្លួន​បាន​កាន់អាវុធស្របច្បាប់ មិន​ដូច​កា​រ​កាត់ទោសរបស់តុលា​ការ​នោះទេ​។ លោកស្រី​និយាយ​​ទាំងទ្រហោយំ​ថា​៖”…មានតែម្រាមដៃ​១០លើកប្រណមទទូចសុំអង្វរ សូមក្តីមេត្តាដ៏ខ្ពង់ខ្ពស់ពីសម្តេចតេជោនិង​សម្តេចកិត្តិព្រឹទ្ធបណ្ឌិតដែលជា​ឪពុកម្តាយទីពីរ​របស់យើង​ទាំងអស់​គ្នា ជួយ​អំពាវនាវ​ដល់តុលាការ​និង​ប្រព័ន្ធច្បាប់​បើកការស៊ើបអង្កេត​ឡើងវិញ កាត់ក្តីមិនលម្អៀងសំអាង​​លើ​ច្បាប់និង​ភស្តុតាងជាគោលក្នុង​ការ​ចោទប្រកាន់ខុស​លើ​ប្តី​របស់នាង​ខ្ញុំទាំងអស់គ្នា បង្កើតជាទុក្ខ​សោកវេទនា កូនព្រាត់ឪពុក ប្រពន្ធព្រាត់ប្តី គ្រួសាររងទុក្ខ ជីវភាពកាន់តែតោកយ៉ាក បាត់ភាពថ្លៃថ្នូរជាមនុស្ស​និង​បាត់កិត្តិយសជាស្រ្តីខ្មែរ…”។ ក្រុមគ្រួសារ​របស់​អង្គរក្សទំាងបួននាក់ក៏​បាន​អំពាវនាវ​ដល់​លោកនាយក​រដ្ឋមន្ដ្រី ហ៊ុន សែន ជួយ​រក​យុត្តិ​ធម៌​ឲ្យ​ស្វាមី​របស់​ពួកគេដែល​កំពុង​ជាប់​ឃុំ​នៅ​ពន្ធនាគារ​ព្រៃ​ស ដោយ​អះអាង​ថាស្វាមី​របស់​ខ្លួន​មិន​បាន​ប្រព្រឹត្ត​ដូច​ការ​ចោទប្រកាន់​របស់តុលាការ​នោះ​ទេ ។​ កន្លងទៅ សាលាដំបូង​រាជធានី​ភ្នំពេញ​បាន​សម្រេច​ផ្ដន្ទាទោស​លោក ថោង សារ៉ាត់ ឲ្យ​ជាប់​ពន្ធនាគារ​២​ឆ្នាំ​៦​ខែ ចំណែក​ឪពុក​ម្ដាយ​របស់​លោក​ជាប់​ពន្ធនាគារ​ចំនួន​២​ឆ្នាំនិង​ពិន័យ​អ្នក​ទាំង​៣​ជា​ទឹកប្រាក់​ម្នាក់​៦​លាន​រៀល ដោយ​ចោទ​ពី​បទ​កាន់កាប់​អាវុធ​ដោយ​គ្មាន​លិខិតអនុញ្ញាត ។​ ​រហូត​មក​ដល់ពេលនេះ ​តុលាការ​មិន​ទាន់​សម្រេច​យ៉ាងណា​ករណីលោក ថោង សារ៉ាត់ ពាក់ព័ន្ធ​នឹង​ការ​​ចោទ​ពី​បទ​ឃាតកម្ម​គិត​ទុកជាមុន​​នោះទេ។​ តាម​បទចោទនេះ លោក ថោង សារ៉ាត់ ​​អាច​ប្រឈម​មុខ​នឹង​ការជាប់​ពន្ធ​នាគារ​អស់​មួយ​ជីវិត។ កន្លងទៅ ឧកញ៉ា ថោង សារ៉ាត់ ដែល​កំពុង​ជាប់ពន្ធនាគារ​ក៏​បាន​អំពាវ​នាវ​យ៉ាង​ទទូច​​សុំ​​លោក​នាយក​រដ្ឋ​មន្រ្តី ហ៊ុន សែន ជួយ​រក​យុត្តិធម៌​ឲ្យ​ខ្លួន ដោយ​ចាត់​ទុក​​ថា​នេះ​ជា​ករណី​ទម្លាក់​កំហុស ដើម្បី​រំលាយ​គ្រួសារ​របស់​លោក។​ កាលពីថ្ងៃ​ទី​១៧ ខែកុម្ភៈ ឆ្នាំ​២០១៥ លោកនាយក​រដ្ឋមន្ត្រី ហ៊ុន សែន បាន​ថ្លែង​ជា​លើក​ទី​១ ដោយ​អំពាវនាវ​ដល់​ឧត្តមក្រុមប្រឹក្សា​នៃ​អង្គ​ចៅក្រមឲ្យ​ចាត់វិធានការ​ជាបន្ទាន់​លើ​សំណុំរឿង​ឪពុក​ម្តាយ​ឧកញ៉ា ថោង សារ៉ា​ត់ ករណី​តុលាការ​ដោះ​លែងឲ្យ​នៅ​ក្រៅ​ឃុំ​បណ្តោះអាសន្ន​ទាំង​មាន​ភាពមិនប្រក្រតី។​ លោក​មាន​ប្រសាសន៍ថា៖”រដ្ឋាភិបាលបាន​ប្រឹង​ដុត​ដៃ​ដុត​ជើង បញ្ជា​កម្លាំ​ង​ដើម្បី​តាម​រក​ឃាតក​សម្លាប់​ឧកញ៉ា​ អ៊ឹង​ ម៉េងជឺ ។ ទី​ចុង​បំផុត​យើង​សម្រេច​ចាប់បាន​​នូវ​មួយ​សំបុក ។ រឿង​ដែល​មិន​យល់​គឺ​នៅ​ត្រង់​ថា ឲ្យ​ឪពុក​ម្តាយ​មេខ្លោង​ឃាតក​ ដែល​បញ្ហា​ឃាតក ដែល​ជាប់​ពិរុទ្ធ​ភាព​លើ​បទចោទ​នេះឲ្យ​នៅក្រៅ​ឃុំ ហើយ​អានៅ​ក្រៅ​ឃុំ​នេះ បើ​ធ្វើ​ត្រូវ​នីតិវិធី​វា​មិនអីទេ ប៉ុន្តែ​វា​ខុស​នីតិវិធីទៅទៀត​​” ។ ​នៅក្នុង​វីដេអូឃ្លីបនោះ លោកស្រី ទាវ ធីតា បានលើក​ឡើង​ថា៖”​ដោយ​ឭគេថា​សម្តេច​តេ​ជោបានស្រែកទៅហើយ​ គ្មាន​នរណា​អាច​​តវ៉ាបានទេ បើ​ទោះ​ជា​មាន​ភស្តុតាងបញ្ជាក់ថា​មិន​បាន​ប្រព្រឹត្តឬពាក់​ព័ន្ធ​យ៉ាងណាក៏ដោយ​”៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com

អាមេរិក​ផ្តល់ជំនួយ​៤៥ម៉ឺនដុល្លារសម្រាប់​ការ​អភិរក្ស​ប្រាសាទ​ភ្នំបាខែ​ង

ថ្ងៃទី31 កក្កដា 2015, 06:06 PM

សហរដ្ឋអាមេរិកបានផ្តល់ថវិកាមកឲ្យកម្ពុជាចំនួន៤៥ម៉ឺនដុល្លារអាមេរិក​សម្រាប់​ការអភិរក្ស​ប្រាសាទ​ភ្នំ​បា​ខែង​​ក្នុង​ខេត្ត​សៀមរាប ដែលត្រូវ​បាន​សាង​សង់ឡើ​ងតាំង​​ពីសតវត្សរ៍ទី១០។ សេចក្តីប្រកាសព័ត៌​មាន​របស់​ស្ថានទូតអាមេរិកនៅថ្ងៃ​សុក្រនេះ​ឲ្យដឹង​ថា​​មជ្ឈមណ្ឌលបេតិក​ភណ្ឌ​វប្ប​ធម៌​របស់​​​ការិយាល័យកិច្ចការវប្បធម៌និងអប់រំ​នៃក្រសួងការបរទេសអាមេរិកបានផ្តល់​ថវិកា​ចំនួន​៤៥​ម៉ឺន​ដុល្លារ​ដល់អង្គការមូលនិធិប្រាសាទពិភពលោកសម្រាប់​ការ​អភិ​រក្សប្រាសាទ​ភ្នំបា​ខែង (ដំណាក់​កាលទី៤)។​ សេចក្តីប្រកាស​បន្ត​ថា​ប្រាសាទភ្នំបាខែងគឺជាប្រាសាទដែលចាស់ជាងគេ​ក្នុងសម័យអង្គរ ហើយជា​ស្ថាបត្យ​កម្មដ៏​អស្ចារ្យ​បំផុតមួយរបស់ពិភពលោក។ តាំងពីឆ្នាំ២០០៨មក គម្រោង​អភិរក្សប្រាសាទភ្នំបា​ខែង​បានផ្តោតលើការធ្វើឲ្យ​សំណង់មានលំនឹងនិងការទប់មិនឲ្យ​លិចទឹក នៅ​ចំហៀងខា​ងកើតនៃប្រា​សាទ​​កណ្តា​ល ដោយ​ទន្ទឹមនឹងនោះបញ្ចូលសកម្មភាពគ្រប់គ្រងលើទីតាំងនិងការបណ្តុះបណ្តាល។ សេចក្តីប្រកាស​ឲ្យ​ដឹង​ទៀត​ថា​ដំណាក់កាលទី៤របស់គម្រោង​នឹងបង្ហើយការ​ជួសជុល​ពេញ​លេញ​ទៅលើ​ចំហៀង​ខាងកើត​នៃប្រាសាទកណ្តាល ស្របតាមគម្រោង​ប្លង់​ជួស​ជុល ដែលត្រូវបានកំណត់ច្បាស់ នៅ​ដំណាក់​កាល​មុនៗ។ គួរបញ្ជាក់​ថា​ចាត់​តាំងពីឆ្នាំ២០០៤  អង្គការមូលនិធិប្រាសាទពិភពលោកបានទទួលថវិកាជិត៣លាន​ដុល្លារ​អាមេ​រិកសម្រាប់​ការងារ​អភិរក្សប្រាសាទភ្នំបាខែង។ សេចក្តីប្រកាស​ព័ត៌មាន​ឲ្យ​ដឹង​ថា​ក្រៅ​ពី​ប្រា​សាទ​​ភ្នំបាខែង រដ្ឋាភិបាលសហរដ្ឋអាមេរិកថែមទាំងបានផ្តល់​អំណោយថវិកា ដើម្បីជួយអភិរក្ស​ទីតាំង​បេតិក​ភណ្ឌ​វប្បធម៌សំខាន់ៗដទៃទៀតនៅកម្ពុជា ដូចជាប្រាសាទ​​ហាន់ជ័យ​ក្នុងខេត្តកំពង់ចា​មជាដើ​ម។ ជំ​នួយ​សរុបរបស់អាមេរិក​សម្រាប់​ការអភិរក្សវប្ប​ធម៌នៅកម្ពុជា មានចំនួន៣,៥លាន​ដុល្លារ​អាមេរិក ដែល​ក្នុងនោះ​ទឹកប្រាក់​២,៨លានដុល្លារ​ត្រូវ​បានផ្តល់ឲ្យ​តាមរយៈមូលនិធិ​ឯកអគ្គរដ្ឋ​ទូត​​អាមេរិក​សម្រាប់​ការ​អភិរក្សវប្បធម៌​៕ ​សរសេរ​មក​កាន់​លោក​ ឆុង​​ ស៊ីណានតាមរយៈChhong.sinan@yahoo.com

អាជ្ញាធរ​ថា​វៀត​​​ណាម​​​បន្តធ្វើ​​​​ផ្លូវ​​​នៅ​​​តំបន់​ព្រំដែន​ខេត្ត​​​កំពត

ថ្ងៃទី31 កក្កដា 2015, 05:49 PM

គេហទំព័រ​​​របស់​អគ្គ​​​​​​ស្នង​​​ការដ្ឋាន​​​នគរបាល​​ជាតិឲ្យ​ដឹងថា​​នៅ​ថ្ងៃ​ទី​៣០ ខែកក្កដា វៀតណាម​បាន​ធ្វើ​​ផ្លូ​វ​​នៅ​តំបន់​ក្បែ​រ​ព្រំដែ​នខេត្ត​កំពត ​ដែល​អា​ជ្ញាធរ​​ខេត្ត​អះអាង​ថា​ជា​តំបន់ហាមឃាត់​។​ ​​គេហទំព័រ​​​​បាន​ដក​ស្រង់សម្តី​របស់​ស្នងការ​នគរបាល​ខេត្ត​កំពតថាកាលពី​រសៀល​​ថ្ងៃ​ទី​៣០ខែកក្កដា​ ​កម្លាំង​នគរបាល​ល្បាត​តាម​ព្រំដែនបាន​ពិនិត្យ​ឃើញ​កម្លាំង​ភាគី​វៀតណាមបាន​យក​គ្រឿង​ចក្រ​ចំនួន​១​គ្រឿងមក​ជីកដីធ្វើ​ផ្លូវ​តាម​បណ្ដោយ​ព្រំដែននៅខាងមុខ​បង្គោល​តំរុយ​​ខណ្ឌ​សីមា​ព្រំដែន​៣០៦​លើ​១ក្នុង​ភូមិ​កោះ​ចំការ ឃុំ​បឹង​សាលា​ខាងត្បូង ស្រុក​​​កំពង់​ត្រាច។ គេហទំព័រ​បន្ត​ថា​ទំហំ​ដី​ដែល​ជីក​នោះគឺ​មាន​បណ្ដោយ​ប្រហែល​៣០០​ម៉ែត្រ ទទឹង​​៥​ម៉ែត្រ​និងមាន​ជម្រៅ​​១,៥​ម៉ែត្រ ដោយ​ឃ្លាត​ចេញពី​ព្រំដែន​២០​ម៉ែត្រ។​ ស្នងការរង​​​ខេត្តកំពត លោក អ៊ឹង សុខុន  បាន​​​ប្រាប់​​​វីអូឌី(VOD)នៅ​​​ថ្ងៃសុក្រ​​​នេះ​​ថាអាជ្ញាធរ​​​កម្ពុជា​​​​​បាន​ស្នើ​ឲ្យ​ភាគីវៀ​តណាម​​​​ផ្អាក​​​ការ​​​ធ្វើ​​​​ផ្លូវ​​​នៅ​​​តំបន់​​​នោះ​​​​​​សិន ដោយថា​​​កំពុង​​​​​រង់​​​ចាំចំណាត់ការ​ពី​​​​​​​​​ចំណាត់ការពីថ្នាក់លើ។​ អនុប្រធាន​គណៈកម្មាធិកា​រ​ព្រំដែន​កម្ពុជា លោកស្រី  កុយ ពិសី ប្រាប់​វី​អូ​ឌី​នៅថ្ងៃសុក្រនេះ​ថាលោក​​ស្រី​បាន​ដឹងពីការ​​ធ្វើ​ផ្លូវ​នៅតំបន់ទាំងនោះ ដោយ​លោក​ស្រី​ថា​វៀតណាមធ្វើ​ផ្លូវ​នោះនៅ​លើ​ដីរបស់គេទេ៕ សរសេរមកកាន់លោក សេង វណ្ណៈ តាមរយៈsengvannakdmc@gmail.com

អង្គការ​សមាគម​ប្រមាណ​៥០​ស្នើ​ព្រះរាជអន្តរាគមន៍​ពីព្រះមហាក្សត្រ​លើ​ច្បាប់អង្គការ

ថ្ងៃទី31 កក្កដា 2015, 02:12 PM

​អង្គការសមាគម​ប្រមាណ​៥០​នៅថ្ងៃ​សុក្រនេះ​បាន​​ដាក់លិខិត​ចំហ​មួយច្បាប់​​ថ្វាយព្រះមហាក្សត្រ ព្រះបាទនរោ​ត្តម​ សីហមុនី ដោយ​ស្នើ​​ព្រះរាជអន្តរាគមន៍​និង​ព្រះរាជ​តម្រិះ​លើ​ការ​ឡាយព្រះហត្ថ​លេខា​​លើ​ច្បាប់អង្គការ​ ដោយ​ចាត់​​ទុក​ថា​ច្បា​ប់នេះ​​​​ផ្ទុយ​ពីរដ្ឋធម្មនុញ្ញ​និង​កតិកាសញ្ញាអន្តរជាតិ។​ អង្គការទាំងនេះ​រួមមាន​មជ្ឈមណ្ឌលសិទ្ធិមនុស្សកម្ពុជា គណៈកម្មាធិការ​ប្រព្រឹត្តិកម្ម​នៃ​អង្គការ​សមាគមការពារ​សិទ្ធិ​មនុស្ស​កម្ពុជា(CHRAC)ដែល​ជា​សម្ព័ន្ធនៃសមាគមអង្គការមិនមែនរដ្ឋាភិ​បាលចំនួន២១ សមាគម​អាដហុក​ ស​ហ​ភាព​ការងារ​កម្ពុជានិង​មជ្ឈមណ្ឌល​ច្បាប់​សម្រាប់​សហគមន៍​។​ លិខិត​​របស់អង្គការ​សមាគម​ចុះថ្ងៃ​ទី​៣០ខែកក្កដាសរសេរថា​សំណើទាំងអស់​របស់សង្គមស៊ីវិល​ពុំត្រូវ​បាន​ស្តាប់និង​​​ត្រូ​វ​បា​ន​យក​ចិត្ត​ទុក​ដា​ក់​ឲ្យ​បានពេញលេញ ហើយ​ដំណើរ​ការធ្វើ​ច្បាប់នេះ​នៅតែ​ស្ថិត​ក្នុង​ភាព​អាថ៌កំបាំង​និង​ខ្វះ​តម្លាភាព។ លិខិត​ចំហបញ្ជាក់​ថា​៖ “ច្បាប់នេះ​ផ្តល់អំណាច​ដ៏ទូលំទូលាយ​ទៅដល់រាជ​រដ្ឋាភិបាល​ដែល​លើ​ស​ពីកម្រិត​​អនុញ្ញាត​មាន​ចែង​ក្នុង​ច្បាប់​សិទ្ធិមនុស្សអន្តរជាតិ និង​អាច​ប៉ះពាល់​ដល់លទ្ធ​ភាព​របស់អង្គការ​សង្គមស៊ីវិល​ក្នុង​ការ​ងារ​ប្រតិបត្តិ​ការនៅកម្ពុជា។ លិខិត​បញ្ជាក់​ថា​៖  “ប្រសិន​បើ​ច្បាប់នេះ​ត្រូវ​បាន​ប្រកាស​ឲ្យ​ប្រើ​ នោះ​នឹង​បណ្តាល​ឲ្យ​មាន​ការ​រឹត​បន្តឹង​យ៉ាងធ្ងន់ធ្ងរ​ទៅ​លើ​សិទ្ធិ​និង​សេរីភាព​ខាង​បង្កើត​សមាគម​ខាង​ការ​បញ្ចេញ​មតិនិង​ជួបប្រជុំ​ និង​សិទ្ធិ​ក្នុង​ការ​ចូល​រួម​ក្នុង​ជីវ​ភាព​សាធារណៈ​រួម​បញ្ចូល​ទាំង​សិទ្ធិក្នុង​ការ​បង្ហថាញពី​ការ​មិន​ពេញ​ចិត្ត​ដែលជា​ការ​រំលោភ​លើ​សិទ្ធិ​ដែល​ត្រូវ​បាន​ចែង​ក្នុង​រដ្ឋធម្មនុញ្ញ និង​កតិកាសញ្ញា​អន្តរជាតិ​ស្តីពី​សិទ្ធិ​ពល​រដ្ឋ​និង​សិទ្ធិ​នយោបាយ​”។ តាម​រយៈលិខិត​ចំហនេះ អង្គការ​សមាគម​បាន​សរសេរ​ថ្វាយព្រះមហាក្សត្រ៖ “ព្រះរាជ​តម្រិះ​លើ​ការ​ឡាយ​ព្រះហត្ថ​លេខា​និ​ង​អន្តរាគមន៍​ជា​បន្ទាន់​ចំពោះ​ច្បាប់អង្គការ​សមាគម ដើម្បីធានា​ជាផ្លូវ​ការ​នូវ​សិទ្ធិ​និង​សេរីភាព​របស់ប្រជា​ពល​រ​ដ្ឋ​ទាំងអស់ ដែល​មាន​ចែង​ក្នុង​រដ្ឋធម្មនុញ្ញ​និងកតិកា​សញ្ញា​សិទ្ធិមនុស្ស​អន្តរជាតិ​ដែលកម្ពុជា​ជា​រដ្ឋភាគី”។ កាលពីថ្ងៃ​ទី​២៤ខែកក្កដា ព្រឹទ្ធសភា​កម្ពុជា​បាន​ឯក​ភាព​ទាំងស្រុង​លើ​សេចក្តីព្រាងច្បាប់​សមា​គមនិងអង្គការ​ក្រៅរដ្ឋាភិ​បាល ដោយ​មិន​មាន​សំឡេង​សមាជិក​មកពីគណបក្ស​សម រង្ស៊ី។​ ចំណែក​កាលពីថ្ងៃទី១៣ ខែកក្កដា សេចក្តីព្រាងច្បាប់គ្រប់គ្រងអង្គការត្រូវបានរដ្ឋសភាអនុម័តដែលមា​ន​តែ​តំណាងរាស្រ្តគណបក្សប្រជាជនកម្ពុជា៦៨រូប ដោយតំណាងរាស្រ្តគណបក្សប្រឆាំ​ងធ្វើពហិការមិនចូលរួមអនុម័តច្បាប់មួយនេះ។  ប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុក លោក នី ចរិយា ប្រាប់វីអូឌី(VOD)ថាសង្គមស៊ីវិលដាក់លិខិតទៅកាន់ព្រះមហាក្សត្រដើម្បីឲ្យព្រះអង្គទ្រង់បានដឹងពីកង្វល់របស់អង្គការសង្គមស៊ីវិលចំពោះច្បាប់សមាគមនិងអង្គការមិនមែនរដ្ឋាភិបាលនេះ។  លោកបន្ថែមថា៖ “ទោះបីជាយ៉ាងណាក្នុងនាមយើងជាសង្គមស៊ីវិលយើងបានមើលឃើញថាច្បាប់នេះមានបញ្ហារំលោភសិទ្ធិមនុស្សហើយអញ្ចឹងអ្វីដែលយើងដាក់ថ្វាយព្រះមហាក្សត្រ...គឺយើងមានបញ្ហាក្នុងការធ្វើច្បាប់មួយដែលរំលោកភសិទ្ធិមនុស្សហើយ អញ្ចឹងបានជាយើងទូលថ្វាយព្រះអង្គកុំឲ្យថ្ងៃក្រោយព្រះអង្គបន្ទោសយើងថាហេតុអ្វីបានជាយើងមិនទូលថ្វាយព្រះអង្គពីរឿងហ្នឹង”។  ទីប្រឹក្សាព្រះរាជលេខាធិការដ្ឋានរបស់ព្រះមហាក្សត្រី នរោត្តម មុនីនាថ សីហនុ លោក អ៊ុំ ដារ៉ា វុធ ប្រាប់វីអូឌីយ៉ាងខ្លីថាព្រះបរមរាជវាំងមិនទាន់ទទួលបានលិខិតរបស់សង្គមស៊ីវិលនៅឡើយទេ។ លោកមានប្រសាសន៍ថា៖ “ដឹងហើយគេទើបតែសួរមិញដែរតើ តែអត់ទាន់បានទទួលទេក្មួយ”។ កាលពីថ្ងៃ​​ព្រហស្បតិ៍ តំណាងរាស្រ្តគណបក្សសង្រ្គោះជាតិ១៣រូបបានដាក់លិខិត​មួយ​ទៅ​ក្រុម​ប្រឹក្សា​​ធម្មនុញ្ញ​ដោយ​​ស្នើឲ្យពិនិត្យមើលធម្មនុញ្ញភាពនៃច្បាប់ស្តីពីសមាគមនិងអង្គការមិ​នមែន​រដ្ឋាភិបាល។​ លិខិតរបស់តំណាង​រាស្រ្តបានលើកឡើងពីមាត្រាមួយចំនួននៃច្បាប់អង្គការដែលពួកគេយល់ថារិតត្បតសិទ្ធិសេរីភាព ដូចជាការ​ទាមទា​រឲ្យបុគ្គលមានអាយុគ្រប់១៨ឡើងទៅ ទើបអាចបង្កើតសមាគមឬអង្គការ ការតម្រូវឲ្យចុះបញ្ជីអង្គការ​ ការតម្រូវឲ្យចុះបញ្ជីនៅក្រសួងមហាផ្ទៃ  ការតម្រូវឲ្យប្រកាន់ជំហរអព្យាក្រឹតចំពោះ​គណបក្សនយោបាយនិងការត្រួតពិនិត្យនិងសវនកម្មលើសមាគមឬអង្គការ។ តំណាងរាស្រ្តគណបក្សសង្រ្គោះជាតិ លោក សុន ឆ័យ មានប្រសាសន៍ថាតំណាងរាស្រ្តចង់ឲ្យក្រុមប្រឹក្សាធម្មនុញ្ញពិនិត្យនិងកែលម្អ ហើយរុញសេចក្តីព្រាងច្បាប់នេះទៅរដ្ឋសភាវិញ។ លោកបន្តថានៅពេលក្រុមប្រឹក្សាធម្មនុញ្ញសម្រេចរុញច្បាប់នេះទៅរដ្ឋសភា គណបក្សសង្រ្គោះជាតិនឹងមានឱកាសក្នុងការបញ្ចេញសេចក្តីព្រាងច្បាប់វិសោ​ធនកម្មមួយសម្រាប់ការត្រួតពិនិត្យ។ អ្នកនាំពាក្យ​ក្រុម​ប្រឹក្សា​ធម្មនុញ្ញ ​លោក​ ព្រហ្ម ញាណ​វិចិត្រ ប្រាប់​វីអូឌី​កាលពីថ្ងៃ​ព្រហស្បតិ៍​ថា​​ក្រុម​ប្រឹក្សា​នឹង​ពិនិត្យ​មើល​លិខិត​របស់តំណាងរាស្រ្ត​ ហើយ​នឹង​ឆ្លើយ​តបនៅពេលក្រោយ។​ បើ​តាម​គេហទំព័ររបស់ក្រុមប្រឹក្សាធម្មនុញ្ញ ក្រុមប្រឹក្សាធម្មនុញ្ញនឹង​​បកស្រាយ​រដ្ឋធម្ម នុញ្ញនិង​ច្បាប់ក្នុង​ក្រប​ខ័ណ្ឌ​​នៃ​កា​រត្រួតពិនិត្យ​ធម្មនុញ្ញភាព​ តាម​សំណើ​ពីព្រះមហា ក្សត្រ ប្រធានព្រឹទ្ធសភា  ប្រធានរដ្ឋសភា ​នាយករដ្ឋមន្ដ្រី សមាជិក​ព្រឹទ្ធសភា​ចំនួន​មួយ​ភាគ​បួនឬ​អ្នកតំណាងរាស្ដ្រ​មួយ​ភាគ​ដប់(យ៉ាងតិច​១៣រូប)។ គួរ​បញ្ជាក់​ថា ថ្មីៗនេះ អង្គការលើកលែងទោសអន្តរជាតិ(Amnesty International)បានទទូចឲ្យព្រះមហាក្សត្រកម្ពុជា ព្រះបាទនរោត្ដម សីហមុនី បដិសេធការចុះព្រះហស្ថលេខាលើសេចក្ដីព្រាងច្បាប់សមាគមនិងអង្គការមិនមែនរដ្ឋាភិបាល ដោយចាត់ទុកថាច្បាប់នេះនឹងរឹតត្បិតសិទ្ធិសេរីភាពរបស់ប្រជាពលរដ្ឋ៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com

​អ្នក​ឃ្លាំ​មើល​ថា​ការចាប់​ជនជាតិ​វៀតណាម​ជា​យុទ្ធសាស្ត្រ​បំភាន់​ភ្នែក​

ថ្ងៃទី31 កក្កដា 2015, 11:36 AM

អ្នកវិភាគ និង​អ្នកឃ្លាំមើល​ព្រឹត្តិការណ៍​សង្គម​លើកឡើងថា ចំណាត់ការ​ជា​បន្តបន្ទាប់​ទៅលើ​ជនអន្តោប្រវេសន៍​វៀតណាម​ដែល​ចូលមក​កម្ពុជា​នោះ គ្រាន់តែ​ធ្វើ​ឡើង​បំភាន់​ភ្នែក​មហាជន ដើម្បី​កាត់បន្ថយ​កុំឲ្យ​មាន​ការរិះគន់​។​ ​អគ្គនាយកដ្ឋាន​ជនអន្តោប្រវេសន៍ នៃ​ក្រសួង​មហាផ្ទៃ​បាន​ចាប់​ជនអន្តោប្រវេសន៍​រាប់ពាន់នាក់ ដែល​សមត្ថកិច្ច​ថា​៩៨​ភាគរយ​ជា​ជនជាតិ​វៀតណាម ត្រូវ​បញ្ជូន​ចេញពី​កម្ពុជា ក្រោម​ហេតុផល​ថា រស់នៅ​ខុសច្បាប់​។​

ពល​រដ្ឋ​មាន​ជម្លោះ​​ដី​ធ្លី​តវ៉ា​ទាម​ទារ​ឲ្យ​តុលាការ​ខេត្ត​​កំពង់ស្ពឺ​​ផ្តល់​យុត្តិ​ធម៌​ដល់ពួកគេ

ថ្ងៃទី31 កក្កដា 2015, 11:28 AM

ប្រ​ជា​ពល​រដ្ឋ​ខេត្ត​កំពង់​ស្ពឺ​ប្រ​មាណ​១០០​នាក់ប្រមូល​ផ្តុំ​​នៅ​មុខ​តុលាការ​ខេត្ត​កំពង់​ស្ពឺ​នៅ​ព្រឹកថ្ងៃ​សុក្រ​​នេះ ដើម្បី​ទាម​ទា​រ​ឲ្យ​តុ​លាការ​ផ្តល់​យុត្តិ​ធម៌​ដល់​ពួក​គាត់​ក្នុង​រឿង​ជម្លោះ​ដី​ធ្លី ដោយ​ពួកគាត់​អះ​អាង​ថា​ម្ចាស់​ដី​ត្រូវ​តុលាការ​កោះ​ហៅ​​ឯ​អ្ន​ក​ឃុ​ប​ឃិត​លក់​ដី​ត្រូវ​រួច​ខ្លួន។ ពល​រដ្ឋ​ភូមិ​ភូមិ​ថ្មី​ ឃុំតាំង​សំរង ស្រុក​ភ្នំស្រួច លោក ពុធ ផែន ប្រាប់​វី​អូ​ឌី(VOD)​​ថាប្រ​ជាពល​រដ្ឋជិត​​១០០​នាក់ដែល​​តំណាង​​ឲ្យ​២០០​គ្រួសារ បាន​នាំ​គ្នា​តវ៉ា​ បន្ទាប់ពី​តុលាការ​បាន​កោះ​ហៅ​តំណាង​អ្នក​ភូមិ​ចំនួន​៣​នាក់​​មក​​សាក​សួរពី​រឿង​ទំនា​ស់​ដី​ធ្លីកាលពីថ្ងៃ​ព្រហស្បតិ៍។ លោក​ថា​តុលាការ​មាន​ចេតនា​ចាប់​ខ្លួន​អ្នក​តំណាង​​ទាំង៣រូប​នោះ រួមមាន​អ្នក​ស្រី យូ រ៉ន អ្នក​ស្រី អ៊ីត រុំ និង​អ្នក​ស្រី អ៊ីត មុំ។ ប៉ុន្តែ​លោក​ថាតុលាការ​បាន​ដោះ​លែងអ្នក​ទាំង​៣​នាក់​នោះ​វិញ​ បន្ទាប់ពី​ប្រ​ជា​ពល​រដ្ឋ​បាន​បិទ​ទ្វារបង​តុលាការនិងរារាំង​មិន​ឲ្យ​សមត្ថ​កិច្ច​ចាប់​ខ្លួនអ្នក​ទាំង​៣។ ពល​រដ្ឋ​​ឲ្យ​ដឹង​ទៀត​ថានៅ​ថ្ងៃ​នេះ​តុលាការ​បាន​កោះ​ហៅ​តំណាង​អ្នក​ភូមិ​ទាំង​៣​រូប​មក​ម្តង​ទៀត ទើប​អ្នក​ភូមិ​ មក​តវ៉ា។​ ពលរដ្ឋ​បន្ត​ថា​បញ្ហា​ទំនាស់​ដី​ធ្លី​នេះបាន​កើតឡើង​តាំង​ពី​ឆ្នាំ២០០៧ រវាង​ប្រ​ជាពល​រដ្ឋ​ជាង២០០គ្រួសារ នៅ​លើ​ទំហំ​ដី​ជាង​១ពាន់​ហិកតា។ ពលរដ្ឋ​បាន​ចោទ​មេ​ភូមិ​ថាមាន​បំណង​ឃុំ​ឃិត​យក​ដី​នេះ​ទៅ​លក់​​ឲ្យ​ឈ្មួញ។ លោក ពុធ ផែន បន្ថែម​ថា​មេ​ភូមិ​មិន​បាន​ឲ្យ​ក្រុម​និស្សិត​វាស់​វែង​ដី​ជូន​ប្រ​ជា​ពល​រដ្ឋ​ក្នុង​ភូមិ​របស់​លោក​នោះ​ទេ ដោយ​មេ​ភូមិ​​​ប្រាប់ប្រជា​ពលរដ្ឋ​​ថា​ដី​ទាំង​នេះជា​ដី​សង្គមកិច្ច​របស់​ភូមិ។ លោក​បន្ត​ថា​ប្រ​ជា​ពល​រដ្ឋបាន​​រស់​នៅ​លើ​ដី​ទាំង​នេះ​តាំពីឆ្នាំ​​១៩៧៩មក​ម្ល៉េះ។ លោក​ឲ្យ​ដឹង​ទៀត​ថា​ក្រុម​និស្សិត​មិន​បាន​វាស់​វែង​ដី​ជូន​ប្រ​ជា​ពល​រដ្ឋ​នោះ​ទេ ដោយ​ថា​ដី​របស់​ពួកគាត់​ជា​ដី​កំពុង​​មាន​ជម្លោះ  តែ​លោក​ថានៅដើមឆ្នាំ​២០១៤ បែរ​ជា​មាន​ឈ្មួញ​​មក​ពី​ឃុំ​ផ្សេង​មាន​ប្លង់​កម្ម​សិទ្ធិ​​លើ​ដី​នេះ​ទៅ​វិញនិង​បាន​លក់​បន្ត​ទៅ​ឲ្យ​ក្រុម​ហ៊ុន​ចិន​នៅ​ពេល​ថ្មីៗ​​នេះ​ទៀត។ លោកឲ្យ​ដឹង​ទៀត​ថា៖  “​បើ​និយាយ​ឲ្យ​ចំ​​ទៅ​គឺ​ប្រ​ធាន​ភូមិ​ហ្នឹង​ហ្មង ប្រ​ធាន​ភូមិ​ឃុប​ឃិត​ជាមួយ​ឈ្មួយ ឬ​ដៃ​ជើង​របស់​គាត់​យ៉ាង​ណា​ខ្ញុំ​មិន​ដឹង​ទេ ប៉ុន្តែ​ប្រ​ធាន​ភូមិ​ហ្នឹង​ក្បត់​ពី​ប្រ​ជា​ជន​ហ្មង​បាទ”។​ អ្នក​ស្រី យូ រ៉ន តំណាង​អ្នក​ភូមិ​ម្នាក់​ដែល​តុលាការ​កោះ​​ហៅ​មក​សាកសួរ ឲ្យ​ដឹង​ថាតុលាការ​បាន​សាក​សួរ​អ្នកស្រី​ថា​ហេតុអ្វី​បានជា​អ្នក​ស្រីនិង​ប្រ​ជាពល​រដ្ឋ​ដទៃ​ទៀត​បាន​នាំ​គ្នា​ទៅ​រារាំង​គ្រឿង​ចក្រ​ក្រុម​ហ៊ុន​មិន​ឲ្យ​ឈូស​ឆាយ​ដី។ អ្នក​ស្រី​ឆ្លើយ​ទៅ​កាន់​តុលាការ​វិញ​ថាដី​ទាំង​នោះ​ជា​ដី​របស់​អ្នក​ភូមិ​ដែល​បានកាន់​កាប់តាំងពី​សម័យរដ្ឋ​កម្ពុជា​មក​ម្ល៉េះ​។ អ្នក​​ស្រីបាន​ចោទ​​មេ​ភូមិថាឃុប​ឃិត​គ្នា​ជាមួយ​អ្នក​មាន​ប្រាក់​យក​ដី​ប្រ​ជា​ពល​រដ្ឋ​លក់​ទៅ​ឲ្យ​ក្រុម​ហ៊ុន​ចិន។ អ្នក​ស្រី​បន្ថែមថា៖ "​ខ្ញុំ​ទៅ​សួរ​ទៀត ខ្ញុំ​ថាអ៊ុំវិត(មេភូមិ​)ដី​ហ្នឹង​ម៉េច អត់​ហៅ​ចែក​ប្រ​ជា​ជន​ទេ...អត់​ទេ​ដី​ហ្នឹង​អញប្រ​គល់​ឲ្យ​អ្នកធំ​ៗអស់​ហើយ​ព្រោះ​អី​អញមាន​ការ​អី​ប្រ​ជាជន​អត់​ជួយ​អញបាន​ទេ អ្នក​ធំបាន​ជួយ​អញបាន"។ ​ វី​អូ​ឌី(VOD)មិន​អាច​ទាក់​ទង​មេភូមិ​ភូមិ​ថ្មី លោក អ៊ឹម វិត បាននៅឡើយទេ។ មេ​ឃុំ​តាំងសំរង លោក គង់ សឿន មាន​​ប្រ​សាសន៍​ថាលោក​មិន​ជាប់ពាក់ព័ន្ធ​ទៅ​នឹង​ការលក់​ដូរ​ដី​ដែល​មាន​ទំនាស់​នេះ​នោះ​ទេ។ លោក​ថាដី​ដែល​លក់​ដូរ​នេះគឺមាន​ប្លង់​កម្មសិទ្ធិ​ត្រឹម​ត្រូវ។ លោក​បញ្ជាក់​ថាកាលពី​ក្រុម​និស្សិត​ចុះ​ទៅ​វាស់​វែងដី​ធ្លី​ជូន​ប្រជា​ពល​រដ្ឋ អាជ្ញា​ធរ​ឃុំ​បាន​​ចុះ​ទៅ​ប្រ​ជុំ​ណែ​នាំ​ប្រ​ជាពល​រដ្ឋ​​ឲ្យ​ចូល​រួម​វាស់​វែងជា​មួយ​ក្រុម​និស្សិត​។ ប៉ុន្តែ​លោកថាប្រ​ជា​ពល​រដ្ឋ​ទាំង​នោះ​មិន​បាន​ចូល​រួម​ជាមួយ​ក្រុម​និស្សិត​នោះ​ទេ។ លោក​បន្ថែម​ថា៖  “​គាត់(អ្នក​ភូមិ)​នៅ វានៅ​តាំង​ពី​យូរ​ហើយ តែកាលនោះ​គេ​វាស់វែង​ក្រុមនិស្សិតនិងអ្នកជំនាញ​ហ្នឹង គេ​បាន​វាស់​វែង​ហើយ​យើង​មិន​បាន​ចូល​រួមវាស់​វែង​ជាមួយ​គេ​ហ្នឹង ហើយ​​គេ​វាស់​វែង​ហ្នឹង​ទុក​ពេល​១​​ខែ​ឲ្យ​តវ៉ា តែ​មិន​ឃើញ​តវ៉ាថា​ដី​ខ្លួន​មាន​ដែរ​ឬអត់ ដល់​ពេល​គេ​ចេញ​ប្លង់​រឹង​មក​ ទើប​មក​​តវ៉ា អាហ្នឹង​វាពិបាក​​ដែរ"។ មេធាវី​ការពារក្តី​ឲ្យ​​តំណាង​អ្នក​ភូមិ​ទាំង​៣​រូប​ អ្នក​ស្រី ប៉ែន សុវណ្ណនី ប្រាប់​វី​អូឌី​​ថាតំណាង​អ្នក​ភូមិ​៣​រូប​នេះ ជាប់​ចោទ​ពី​បទ​ងបង្ក​ហិង្សា​លើ​អ្នក​កាន់​កាប់​អចលនវត្ថុ ហើយ​នៅ​ព្រឹក​នេះតុលាការ​មិន​បាន​ឃុំ​ខ្លួនអ្នក​ទាំង៣ជាបណ្តោះ​អាសន្ន​នោះ​ទេ  តែអ្នក​ស្រីថាតុលាការបាន​សម្រេច​ឲ្យ​អ្នក​ទាំង​៣ស្ថិត​នៅ​ក្រោម​កា​រត្រួត​ពិនិត្យ​​តាម​ផ្លូវ​តុលាការ។ អ្នក​​ស្រី​​បន្ត​ថា​អ្នក​ទាំង​រូប​ត្រូវ​ទៅ​បង្ហាញ​ខ្លួន​នៅ​ប៉ុស្តិ៍​នគរបាល​ឃុំ​រាល់​២​សប្តាហ៍​ម្តង ព្រោះ​អ្នក​ទាំង​៣​ស្ថិត​ក្នុង​ដំណាក់​​កាល​សាកសួររបស់​ចៅ​ក្រម​ស៊ើប​សួរ​នៅ​ឡើយ៕​​ សូម​សរសេរ​មក​កាន់ លោក ទូច សុខា តាម​រយៈ​sokha@vodhotnews.com

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To