នាយកទីភ្នាក់ងារចារកម្មរបស់សហរដ្ឋអាមេរិក(CIA) បានធ្វើដំណើរទៅកាន់ទីក្រុងព្យុងយ៉ាងជួបប្រជុំសម្ងាត់លោក គីម ជុងអ៊ុន។
តាមមន្ត្រីដែលដឹងរឿងនេះបានប្រាប់Reuterនិង Washington Postថា ជំនួបសម្ងាត់នេះ រៀបចំត្រៀមសម្រាប់ជំនួបរវាងលោក គីម ជុងអ៊ុន និងលោកដូណលត្រាំ នៅពេលខាងមុខនេះ។
បើតាមការចុះផ្សាយរបស់សារព័ត៌មានBBC បានឲ្យដឹងថា ជំហានបន្ទាប់រដ្ឋមន្ត្រីការបរទេសអាមេរិក នឹងធ្វើដំណើរទៅកូរ៉េខាងជើងម្តងទៀត មុនពេលដែលលោកត្រាំ ជួបផ្ទាល់ជាមួយលោក គីម ជុងអ៊ុននៅក្នុងខែឧសភា។
នៅក្នុងជំនួបមេដឹកនាំអាមេរិក និងមេដឹកនាំកូរ៉េខាងជើងនៅពេលខាងមុខនេះ នឹងផ្តោតសំខាន់លើបញ្ហាកម្មវិធីអាវុធនុយក្លេអ៊ែ ខណៈអាមេរិកចង់ឲ្យមានការរំសាយចោល ចំណែកកូរ៉េខាងជើងនៅចរចាលើលក្ខខណ្ឌមួយចំនួនទៀត។