ប្រទេសថៃបានសម្រេចកែប្រែច្បាប់រាជទ្រព្យ ដើម្បីផ្ដល់អំណាចពេលលេញដល់ព្រះមហាក្សត្រ មហាវិជ្ជរ៉ាឡុងកន ឲ្យគ្រប់គ្រងលើទីភ្នាក់ងារ ដែលគ្រប់គ្រងលើទ្រព្យសម្បត្តិមហាសាលនៃរាជវង្សនេះ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។
Reuters បានផ្សាយបន្តថា ច្បាប់រាជទ្រព្យដែលទើបត្រូវបានកែប្រែថ្មីៗនេះ ត្រូវបានប្រកាសឲ្យដឹងនៅក្នុងសេចក្ដីប្រកាសព័ត៌មានមួយរបស់រាជវាំងថៃ កាលពីថ្ងៃអាទិត្យកន្លងមកនេះ។ ច្បាប់នេះ បានដាក់ឲ្យប្រើជំនួសច្បាប់ ៣ ដែលមានអាយុកាលតាំងពីដើមឆ្នាំ១៩៣៦មកម៉្លេះ។ នេះក៏ជាវិសោធនកម្មលើកដំបូងពាក់ព័ន្ធនឹងទ្រព្យរាជវង្សនៅក្នុងរយៈពេលរាប់ទសវត្សរ៍ចុងក្រោយនេះ។
Reuters បានផ្សាយថា វាគឺជាការកែប្រែថ្មីបំផុតដែលបានផ្ដល់អំណាចកាន់តែធំដល់ព្រះមហាក្សត្រ ចាប់តាំងពីទ្រង់ត្រូវបានប្រកាសឡើងសោយរាជ្យកាលពីខែធ្នូកន្លងមកនេះ បន្ទាប់ពីមរណភាពបិតាទ្រង់កាលពីខែតុលា៕
ទំហំរាជទ្រព្យពិតប្រាកដមិនត្រូវបានគេដឹងជាសាធារណៈទេ ប៉ុន្តែ ការប៉ាន់ប្រមាណថ្មីៗនេះ ថាមានចំនួនច្រើនជាង ៣០ពាន់លានដុល្លារ តាមរយៈការកាន់កាប់អចលនទ្រព្យជាច្រើន និងការវិនិយោគដទៃទៀត៕
