នាយកប្រតិបត្តិមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) ជាស្ថាប័នគ្រប់គ្រងវិទ្យុ VOD ចូលខ្លួនបំភ្លឺនៅព្រឹកនេះពាក់ព័ន្ធករណីលោក កឹម សុខា តាមដីកាកោះរបស់សាលាដំបូងរាជធានីភ្នំពេញ។
ដីកាកាលពីថ្ងៃទី៣ ខែសីហា ចៅក្រមស៊ើបសួរនៃសាលាដំបូងរាជធានីភ្នំពេញលោក ធាម ច័ន្ធពិសិដ្ឋ បានបង្គាប់ឲ្យលោក ប៉ា ងួនទៀង ចូលខ្លួនក្នុងនាមជាសាក្សី ដើម្បីសាកសួរជុំវិញដំណើររឿងសូកប៉ាន់សាក្សីនៅម៉ោង៩ព្រឹកថ្ងៃទី១៨ខែសីហានេះ។
លោក ប៉ា ងួនទៀង បានឲ្យដឹងថាលោកនឹងចូលបំភ្លឺតាមដីកានេះ ដោយថាមិនមានការព្រួយបារម្ភនោះទេ ដោយសារលោកមិនជាប់ពាក់ព័ន្ធនឹងរឿងនេះទេ។
កាលពីដើមខែឧសភា មន្ត្រីសមាគមការពារសិទ្ធិមនុស្សអាដហុក៤រូបនិងមន្ត្រី គ.ជ.ប ១រូបត្រូវបានតុលាការចោទប្រកាន់និងឃុំខ្លួនបណ្តោះសន្ន ទាក់ទងនឹងបទចោទសូកប៉ាន់សាក្សី រឿងស្នេហាលោក កឹម សុខា នេះដែរ៕
