អន្តរជាតិ

ជប៉ុនសម្លាប់សត្វស្លាបរាប់សែនក្បាលដើម្បីទប់ស្កាត់ជំងឺផ្ដាសាយបក្សី

លោក ឌិត សុខធី
| ១៨ ធ្នូ ២០១៦
ម៉ោង ១៤:២៨

កសិដ្ឋានមួយកន្លែងនៅក្នុងប្រទេសជប៉ុន(រូបភាពពីទីភ្នាក់ងារ AFP)

មន្ត្រីជប៉ុនបាននិយាយនៅថ្ងៃនេះថា ជប៉ុនបានចាប់ផ្ដើមសម្លាប់ស្លាបប្រហែល ២១ម៉ឺនក្បាល នៅកោះហុកកៃដូ នៅភាគខាងជើងប្រទេស ដើម្បីទប់ស្កាត់ការផ្ទុះរីករាលដាលនៃជំងឺឆ្លងផ្ដាសាយបក្សី។ នេះដោយយោងតាមការផ្សាយរបស់ទីភ្នាក់ងារព័ត៌មាន AFP។

បើតាម AFP នេះគឺជាការសម្លាប់សត្វស្លាបដ៏ធំលើកទី ៥ ហើយនៅក្នុងរដូវរំហើយនៅប្រទេសជប៉ុន ដោយក្រុមមន្ត្រីរាប់រយនាក់ បានចេញធ្វើការងារ ដើម្បីបង្ការការរីករាលដាលនៃវីរុស H5 ដែលត្រូវបានគេរកឃើញនៅតាមកសិដ្ឋានជាច្រើនកន្លែងនៅទូទាំងប្រទេសជប៉ុន។

កាលពីប៉ុន្មានសប្ដាហ៍មុន ការផ្ទុះឡើងនៃជំងឺនេះ បាននាំទៅរកការសម្លាប់សត្វមាន់ ៥៥ម៉ឺនក្បាល នៅទីក្រុងនីអ៊ីហ្កាតា និងទា ២ម៉ឺន ៣ពាន់ក្បាល នៅខេត្តអាអូមូរី ភាគខាងត្បូងកោះហុកកៃដូ។

អាជ្ញាធរជប៉ុនក៏បានហាមឃាត់ការដឹកជញ្ជូនសត្វស្លាប និងផលិតផលសត្វស្លាបទាំងអស់នៅតាមតំបន់ជិតទៅនឹងកសិដ្ឋានទទួលរងជំងឺផ្ដាសាយនេះ ខណៈដែលអាជ្ញាធរក៏បានបាញ់ថ្នាំសម្លាប់វីរុសផងដែរ៕

វីរុស

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។