ប្រធានាធិបតីចិន លោក ស៊ី ជីនពីង អំពាវនាវឲ្យពិភពលោកគ្មាន អាវុធនុយក្លេអ៊ែ ហើយជំរុញឲ្យមានប្រព័ន្ធមួយដើម្បីរក្សាសមភាពស្មើគ្នារវាងប្រទេសតូច និង ប្រទេសធំ ដើម្បីសេចក្តីសុខទាំងអស់គ្នា។
នេះជាការលើកឡើងរបស់ប្រធានាធិបតីចិននៅអង្គការសហប្រជាជាតិកាលពីថ្ងៃពុធម្សិលមិញ។ លោកថ្លែង បែបនេះ នៅអង្គការសហប្រជាជាតិ ក្នុងក្រុងសឺណែវ ពេលបញ្ចប់ដំណើរទស្សនកិច្ចការទូត រួមបញ្ជូលទាំងការចូលរួមក្នុងវេទិកា សេដ្ឋកិច្ចពិភពលោកនៅ ក្រុងដាវូស ហើយការថ្លែងនេះ ក៏ធ្វើឡើងមុនមួយថ្ងៃដែលលោកត្រាំ ស្បថចូលកាន់តំណែងជា ប្រធានាធិបតីអាមេរិកលើកទី៤៥ បន្ទាប់ពីលោក អូបាម៉ា។ នេះបើតាមសារព័ត៌មាន Channel News Asia។
អ្នកជំនាញខ្លះ បានលើកឡើងថា ដំណើរទស្សនកិច្ចនៅក្នុងប្រទេសស្វីសនេះ គឺជ្រុងតូចមួយនៃបញ្ហារបស់ពិភពលោក ខណៈទីក្រុងវ៉ាស៊ីនតោនកំពុងមានបញ្ហាខ្លះនៃនយោបាយ។
លោក ស៊ីថ្លែងថា អាវុធនុយក្លេអ៊ែគួរណាស់ត្រូវតែហាមឃាត់ និង បំផ្លាញចោលឲ្យអស់ ហើយប្រទេសក្នុងពិភពលោកមិនមានអាវុធប្រទេសនេះទេ។ លោក ក៏បានលើកឡើងពីប្រវត្តិសាស្ត្រឈឺចាប់នៅក្នុងប្រទេសចិន ដោយសារបញ្ហាសង្គ្រាម កាលពីជាង១០០ឆ្នាំ គឺប្រទេសមានចលាចល ធ្វើឲ្យពលរដ្ឋវេទនា ។