មនុស្សដល់ទៅ ២៦នាក់ ក្នុងនោះមានទាំងស្ត្រី ៣នាក់ផងដែរ ត្រូវបានសមត្ថកិច្ចឃាត់ខ្លួននៅក្នុងប្រតិបត្តិការបង្ក្រាបគ្រឿងញៀនត្រឹមតែមួយថ្ងៃម្សិលមិញនេះ។ នេះបើតាមរបាយការណ៍របស់នគរបាលជាតិ។
របាយការណ៍ដែលផ្សាយលើគេហទំព័រនគរបាលជាតិ បានឲ្យដឹងថា បទល្មើសគ្រឿងញៀន ១៤ករណី ត្រូវបានសមត្ថកិច្ចបង្ក្រាបបានកាលត្រឹមតែមួយថ្ងៃម្សិលមិញនេះ ដោយឃាត់ខ្លួនមនុស្សដល់ទៅ ២៦នាក់ ក្នុងនោះ ១២នាក់ជាប់ពាក់ព័ន្ធនឹងការជួញដូរគ្រឿងញៀន។
បទល្មើសគ្រឿងញៀន ៨ ០៤៩ករណី ត្រូវបានសមត្ថកិច្ចបង្ក្រាបបាននៅទូទាំងប្រទេសកាលពីឆ្នាំមុន ដោយឃាត់ខ្លួនមនុស្សដល់ទៅ ១៧ ៧៤៧នាក់ ក្នុងនោះមានស្ត្រី ១ ៥៦៨នាក់ផងដែរ។
បញ្ហាគ្រឿងញៀន ត្រូវបានរកឃើញនៅក្នុងការស្ទង់មតិកាលពីឆ្នាំ២០១៦ថា ជាចំណុចខ្សោយមួយរបស់រដ្ឋាភិបាលដឹកនាំដោយគណបក្សប្រជាជនកម្ពុជា៕
