រដ្ឋមន្ត្រីការបរទេសសហរដ្ឋអាមេរិក លោក Rex Tillerson ថ្លែងនៅថ្ងៃអង្គារម្សិលមិញថា លោកបានស្នើទៅសភាពីគម្រោងនៃការពិនិត្យឡើងវិញពីការដកទណ្ឌកម្មប្រឆាំងអ៊ីរ៉ង់ ពាក់ព័ន្ធកម្មវិធីអាវុធនុយក្លេអ៊ែ ដើម្បីផលប្រយោជន៍សន្តិសុខជាតិអាមេរិក។
ទីភ្នាក់ងារសារព័ត៌មានរ៉យទ័រដកស្រង់សម្តីលោក Rex Tillerson ចុះផ្សាយថា ប្រធានាធិបតីអាមេរិកលោក ដូណល ត្រាំ បានចង្អុលបង្ហាញទៅកាន់ក្រុមប្រឹក្សាសន្តិសុខជាតិពី ការចូលរួមជាមួយផែនការសកម្មភាព ដែលនឹងត្រូវវាយតម្លៃក្នុងការព្យួរការដាក់ទណ្ឌកម្មលើលើអ៊ីរ៉ង់។
អាមេរិកបានដាក់ទណ្ឌកម្មលើអ៊ីរ៉ង់កាលពីថ្ងៃទី១ខែកក្កដាឆ្នាំ ២០១៣ ដោយផ្តោតលើការធ្វើពាណិជ្ជកម្ម និង សេដ្ឋកិច្ច វិទ្យាសាស្ត្រ និង ផ្នែកយោធា។ ការប្រកាសដកទណ្ឌកម្មលើអ៊ីរ៉ង់ នេះ ខណៈសហរដ្ឋអាមេរិកកំពុងតែប្រឈមមុខគ្នាខ្លាំងនៅស៊ីរីនិងនៅកូរ៉េខាងជើង៕