ថៃនិង​រុស្ស៊ី​ឯកភាព​ពង្រីក​កិច្ច​សហការ​ផ្នែក​យោធានិង​ស្បៀង​អាហារ

នាយក​រដ្ឋ​មន្ត្រី​ថៃ លោក ប្រាយុទ្ធ ចាន់អូចា (រូបភាពពីទីភ្នាក់ងារ​ព័ត៌មាន​​ស៊ិនហួរ)

ប្រទេសរុស្ស៊ីនិងថៃបានចុះហត្ថលេខាលើកិច្ចព្រមព្រៀងមួយចំនួនក្នុងបំណងពង្រឹងកិច្ចសហប្រតិបត្តិការខាងវិស័យយោធា ថាមពល និងស្បៀងអាហារ។

ទីភ្នាក់ងារព័ត៌មានស៊ិនហួរ បានរាយការណ៍ថាកិច្ចព្រមព្រៀងទាំងនោះត្រូវបានចុះហត្ថលេខាក្រោយពីមានជំនួបពិភាក្សារវាងនាយករដ្ឋមន្ត្រីរុស្ស៊ី លោក ឌីមីទ្រី ម៉េដវ៉េដេវ និងនាយករដ្ឋមន្ត្រីថៃ លោក ប្រាយុទ្ធ ចាន់អូចា កាលពីថ្ងៃពុធម្សិលមិញ។

ប្រទេសថៃគ្រោងទិញឧទ្ធម្ភាគចក្រពីរុស្ស៊ី ហើយក៏អាចទិញសម្ភារៈយោធារុស្ស៊ីសម្រាប់បំពាក់កងទ័ពជើងអាកាសនិងជើងគោករបស់ខ្លួនផងដែរ។

ទោះជាយ៉ាងណា លោក ប្រាយុទ្ធ បាននិយាយថាកិច្ចព្រមព្រៀងនេះគួរតែមានប្រយោជន៍ទៅវិញទៅមក ហើយលោកបានស្នើឲ្យរុស្ស៊ីចុះកិច្ចព្រមព្រៀងទទួលយកការផ្គត់ផ្គង់ផលិតផលកសិកម្មពីប្រទេសថៃ។

ប្រទេសទាំងពីរក៏បានចុះហត្ថលេខាកិច្ចអនុស្សារណៈយោគយល់គ្នាស្ដីពីការគ្រប់គ្រងសុវត្ថិភាពលើការនាំចេញ និងនាំចូលផលិតផលត្រីផងដែរ។

ក្រុមហ៊ុន Gazprom និង Novatek បានចុះហត្ថលេខាលើអនុស្សារណៈយោគយល់និងកិច្ចសហការជាមួយក្រុមហ៊ុនប្រេងថៃ PTT។

លោក ឌីមីទ្រី មេដវ៉េដេវ បាននិយាយថាពាណិជ្ជកម្មរវាងប្រទេសទាំងពីរអាចកើនដល់១០ពាន់លានដុល្លារក្នុងមួយឆ្នាំនៅពេលអនាគត៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ